Jesus said,
"Heaven and earth will pass away,
but my words will never pass away."

Jesus answered,
"... for this reason I was born, and for this I came into the world,
to testify to the truth. Everyone on the side of truth listens to me."

ڕۆژمێرا 2019

دەمێ ئەم هزرێ د ڤێ جیهانێ دا دكەین، پرسیارەكا هۆسا دهێتە سەر هزرا مە: بۆچی پتریا جاران كەسێن خرابكار د سەركەفتینە؟ بۆچی زاڕۆك ئازارێ دكێشن؟ بۆچی ئەز دژیم؟
لێ ب رێكا پەرتووكا پیرۆز ئەم دزانین كو خودێ گەلەك پرسیاران ژ مرۆڤان دكەت، یان پێغەمبەر وهنارتی دەربارەی خودێ پرسیاران ژ خەلكی دكەن. ئارمانجا ساڵنامەیا ئەڤ ساڵە ئەوە كو ئاماژێ بدەینە هندەك ژ وان پرسیاران، داكو بەری ئەم پرسیارێ بكەین، گوهێ خۆ بدەینە پرسیارێن خودێ. بۆچی خودێ ئەڤ پرسیارە ژ ئەیوب پێغەمبەری كر:
كیژان رێك دچیتە جهێ ئاكنجیبوونا رۆناهیێ؟
جهێ ئاكنجیبوونا تاریێ ل كیڤەیە؟
خودێ ئەڤ پرسیارە كر، چنكو ئەیووب پێغەمبەر دۆستێ خودێ بوو، كا چەوا ئیبراهیم پێغمبەر دۆستێ خودێ بوو.
ئێكەم پرسیار د پەرتووكا پیرۆز دا، ئەڤ پرسیارا سادەیە ئەوا ل باخچەیێ عەدەن خودێ ژ ئادەمی كری: (ئادەم، تۆ ل كیڤەیی؟) ئەڤرۆ ژی ئەڤە ئێكەم پرسیارا خودێیە ژ تە!
بلا گوهێ خۆ بدەینە پرسیارێن خودا، ب تایبەت ئەڤ هەردوو پرسیارە:
مرۆڤ دێ چ مفای كەت، ئەگەر جیهان هەمی ب دەست خۆ ڤە ئینا، لێ ژیانا خۆ ژ دەست دا؟
مرۆڤ بۆ كڕینەڤەیا خۆ (فداء) چ باج و بهایەكی ددەت؟