عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- عیسایە شڤانێ باش:
- 1
- «ب راستی ب راستی دبێژمە هەوە ئەوێ نە د دەرگەهێ گۆڤێ را بچیتە ژۆرێ بەلێ د رێكەكا دی را بچیتێ، دزە و جەردەیە.
- 2
- بەلێ ئەوێ د دەرگەهی را دچیتە ژۆر، ئەو شڤانێ بەرخانە.
- 3
- نوبەدارێ دەرگەهی دێ بۆ وی ڤەكەت، و بەرخ دێ گوهێ خۆ دەنە دەنگێ وی، و دێ گازی كەتە بەرخێن خۆ، هەر ئێكی ب ناڤێ وی، و دێ بەتە ژ دەرڤەی گۆڤێ.
- 4
- كەنگی هەمی ئینانە دەر دێ كەڤیتە بەراهیێ وان و ئەو دێ دەنە دویڤ چنكو ئەو دەنگێ وی دنیاسن.
- 5
- و ئەو ل دویڤ بیانی ناچن، بەلێ دێ ژێ رەڤن چنكو ئەو دەنگێ بیانیان نانیاسن.»
- 6
- عیسای ئەڤ نموونە بۆ وان ئینا، بەلێ ئەو ئارمانجا ئاخفتنا وی تێ نەگەهشتن.
- 7
- ژ بەر هندێ گۆتە وان ڤە: «ب راستی ب راستی بۆ هەوە دبێژم: ئەز دەرگەهێ بەرخامە.
- 8
- هەمی ئەوێن بەری من هاتین دز بوون، بەلێ بەرخان گوهـ نەدایێ.
- 9
- ئەز دەریمە. هەر كەسێ هاتە د ناڤ من دا دێ قورتال بیت و دێ هێتە ژۆر و دێ دەركەڤیت و دێ كۆزێ بینیت.
- 10
- دز دهێت بەس دا بدزیت و ڤەكوژیت و ژ ناڤ ببەت. بەلێ ئەز یێ هاتیم دا ژیان بۆ وان بیت و بۆ وان یا پڕ بیت.
- 11
- ئەزم شڤانێ باش، و شڤانێ باش ژیانا خۆ د بەر بەرخێن خۆ دا ددەت.
- 12
- و پالە نە وەك شڤانییە، چنكو بەرخ نە سامانێ وینە. دەمێ ئەو گورگی دبینیت یێ دهێت، بەرخان دهێلیت دا خۆ قورتال بكەت، ئەڤجا گورگ بەرخان درەڤینیت و پەلاتە دكەت.
- 13
- ئەو درەڤیت چنكو ئەو كرێگرتییە و پویتەی ب بەرخان ناكەت.
- 14
- ئەز شڤانێ باشم، و ئەز بەرخێن خۆ دنیاسم، و بەرخێن من ژی من دنیاسن،
- 15
- وەكو باب من دنیاسیت و ئەز وی دنیاسم. و ئەز ژیانا خۆ د بەر بەرخێن خۆ دا دبەم.
- 16
- و من هندەك بەرخێن دی یێن هەین نە ژ ڤێ گۆڤێنە، و دڤێت ئەز وان ژی بینمە نك خۆ، دا گوهـ بدەنە دەنگێ من و دێ بنە ئێك كەریێ پەزی دگەل ئێك شڤانی.
- 17
- باب حەز ژ من دكەت چنكو ئەز ژیانا خۆ گۆری دكەم دا ئەز ڤەگەڕینمە ڤە.
- 18
- كەس ژیانا من ژ من ناستینیت بەلێ ئەز ژ نك خۆ دكەمە گۆری. من دەستهەلاتداریا هەی ئەز بكەمە گۆری و من دەستهەلاتداریا هەی ئەز ڤەگەڕینم. ئەڤ فەرمانە من یا ژ بابێ خۆ وەرگرتی.»
- 19
- ب ڤێ گۆتنێ جارەكا دی دووبەندانێ كەفتە د ناڤ جوهیان دا.
- 20
- و گەلەكا ژ وانا گۆتن: «جنەكێ د وی دا و ژ بەر خۆ دئاخڤیت. ئەڤجا ئەها هوین گوهـ ددەنە وی؟»
- 21
- و هندەكێن دی گۆتن: «ئەڤە نە ئاخفتنا مرۆڤەكێ جنگرتی. ئەرێ جنەك دشێت چاڤێن كۆران ساخ كەت؟»
- جوهی بزاڤێ دكەن عیسای بدۆڕینن:
- 22
- ل جەژنا نویكرنا پەرستگەهێ ل ئورشەلیم كو زڤستان بوو
- 23
- عیسا ل پەرستگەهێ ل هۆلا سلێمانی ل سەر لنگێن خۆ دگەڕیا.
- 24
- جوهی ل دۆر كوم بوون و گۆتنە وی: «هەتا كەنگی دێ مە هێلی حێبەتی دەربارەی خۆ؟ ئەگەر راستە تۆ مەسیحی، بۆ مە ئاشكرا بێژە.»
- 25
- عیسای بەرسڤا وان دا: «من گۆتە هەوە، بەلێ هوین باوەر ناكەن. ئەو كارێن ئەز ب ناڤێ بابێ خۆ دكەم، ئەو بۆ من شاهدەیێ ددەن،
- 26
- بەلێ هوین باوەر ناكەن چنكو هوین نە بەرخێن منن.
- 27
- بەرخێن من گوهـ ددەنە دەنگێ من، و ئەز وان دنیاسم و ئەو ل دویڤ من دهێن،
- 28
- و ئەز ژیانا هەروهەر ددەمێ و هەتا هەتایێ ژ ناڤ ناچن و كەس ژ دەستێ من ناستینیت.
- 29
- ئەو بابێ ئەو داینە من، ئەو ژ هەمیان مەزنترە، و كەس نەشێت تشتەكی ژ دەستێ بابێ من بستینیت.
- 30
- ئەز و باب ئێكین!»
- 31
- جارەكا دی جوهیان بەر بلند كرن دا بەردە باران كەن.
- 32
- عیسای گۆتە وان: «گەلەك كارێن باش من ژ نك بابێ خۆ نیشا هەوە دان، و ژ بەر ئەگەرێ كیش كاری ژ وان هوین دێ من بەردە باران كەن؟»
- 33
- بەرسڤا وی دان: «ئەم ژ بەر كارێن باش تە بەردە باران ناكەین بەلێ ژ بەر جڤینێن تە یێن ئیمانسزیێ. چنكو تۆ خۆ دكەیە خودێ، و تۆ مرۆڤی!»
- 34
- عیسای گۆتە وان: «ئەرێ ما د دەستورێ هەوە دا نە نڤیسییە:
”من یێ گۆتی هوین خودانە“؟[a] - 35
- ئەگەر دەستور بێژیتە ئەوێن پەیڤا خودێ بۆ هاتی ”خودانە“ - و نڤیسار ناهێتە شكاندن-
- 36
- ئەرێ هوین دبێژنە ئەوێ بابی پیرۆز كری و هنارتی بۆ جیهانێ: ”تۆ جڤینێن ئیمانسزیێ ددەی،“ چنكو من گۆت: ئەز كوڕێ خودێ مە؟
- 37
- ئەگەر ئەز كارێن بابێ خۆ نەكەم هوین ژ من باوەر نەكەن.
- 38
- بەلێ ئەگەر ئەز وە بكەم، باوەر ژ وان كاران بكەن، ئەگەر هوین باوەر ژ من نەكەن. وی دەمی هوین دێ زانن و دێ بۆ هەوە دیار بیت كو باب یێ د من دا و ئەز یێ د وی دا.»
- 39
- جارەكا دی دڤیان وی بگرن بەلێ ئەو ژ دەستێن وان قورتال بوو.
- 40
- و ڤەگەڕیا لایێ دی یێ رویبارێ ئوردن، جهێ یوحەننای بەری نوكە تافیركرن لێ دكر، و ل وێرێ ما.
- 41
- گەلەك هاتنە نك و وان دگۆت: «یوحەننای نیشانەكا ب تنێ نەكر، بەلێ هەر تشتێ وی گۆتی دەربارەی ڤی زەلامی راست بوو.»
- 42
- و گەلەكا ل وێرێ باوەری پێ ئینا.
- a. 10:34 زەبور 82:6
