عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- عیسا خوارنێ ددەتە پێنچ هزاران
- 1
- پشتی وێ چەندێ عیسا ژ گۆلا جەلیل دەرباز بوو، ئانكو گۆلا تەبەریە، بۆ رەخێ بەرامبەر.
- 2
- و گەلەك ب دویڤ كەفتن پشتی نیشانێن ساخكرنا وی بۆ نەساخان دیتین.
- 3
- و عیسا و شاگردێن خۆ ب سەركەفتنە چیای و روینشتن.
- 4
- و جەژنا دەربازبوونێ یا جوهیان نێزیك بوو.
- 5
- و دەمێ عیسای سەح كریێ كومەكا مرۆڤان یا بەرەڤ وی ڤە دهێت، گۆتە فیلیپوسی: «ئەم ژ كیرێ نانی بكڕین دا ئەڤێن هە بخون.»
- 6
- و ئەڤە گۆتێ دا تاقی بكەت، چنكو عیسای دزانی كا دێ چ كەت.
- 7
- فیلیپوسی بەرسڤا وی دا: «هەتا ئەگەر ئەم بهایێ دوو سەد دیناران نانی بكڕین تێرا ناكەت كو هەر ئێكی پرتەكا بچویك ژی بگەهیتێ!»
- 8
- ئینا ئەندراوسێ برایێ شەمعون پەتروسی و ئەو ژی ئێكە ژ شاگردان گۆتێ:
- 9
- «كوڕكەكێ ل ڤێرێ هەی پێنچ نانێن جەهی و دوو ماسيێن بچویك یێن دگەل، بەلێ ما ئەڤە چییە بۆ وەكو ڤێ كوما مەزن؟»
- 10
- عیسای گۆت: «بلا رویننە خوار!» و گەلەك كەسكاتی ل وێرێ بوو. ئینا زەلام روینشتن، و ژمارا وان نێزیكی پێنچ هزاران بوون.
- 11
- عیسای نان هەلگرتن و سوپاسی كر، پاشی دابەش كرن ل سەر روینشتیان هندی وان ڤیای و هەروەسا ل هەردوو ماسیان ژی كر.
- 12
- دەمێ تێر بووین، گۆتە شاگردێن خۆ: «ئەو پرتێن نانی ئەوێن ماین خڕڤە كەن دا چ بەرزە نەبیت.»
- 13
- ئینا خڕڤە كرن، و دوازدە سەلكێن پرتێن نانی خڕڤە كرن ئەوێن ژ بەر وان ڤە ماین ژ هەر پێنچ نانێن جەهی.
- 14
- و دەمێ خەلكی ئەو نیشانا عیسای كری دیتن، گۆتن: «راستە، ئەڤەیە ئەو پێغەمبەر ئەوێ دێ هێتە جیهانێ.»
- 15
- عیسای زانی كو چ نەمایە دێ وی ب خورتی كەنە پاشا، ئینا ب تنێ ڤەگەڕیا چیای.
- عیسا ل سەر ئاڤێ ب رێڤە دچیت:
- 16
- دەمێ بوو شەڤ شاگردێن وی هاتنە خوارێ و چوونە گۆلێ
- 17
- و ل قاییكەكی سیار بوون و چوونە كەفەرناحوم ل رەخێ بەرامبەری گۆلێ. و تاری بوو و عیسا هێشتا نەگەهشتبوو وان.
- 18
- و رەشەبایەكێ ب هێز هات و پێل رابوون.
- 19
- دەمێ شاگردان نێزیكی چوار-پێنچ هزار گاڤان باسك لێ داین، دیت عیسا یێ نێزیكی قاییكێ دبیت ل سەر ئاڤێ ب رێڤە دچیت، ترسیان.
- 20
- ئینا گۆتە وان: «ئەز ئەوم، نەترسن.»
- 21
- ئەڤجا وان دڤیا كو ل قاییكێ سیار بیت و ئێكسەر قاییك گەهشتییە جهێ وان ڤیای.
- نانێ ژیانێ:
- 22
- و ل رۆژا پاشتر ئەو كومێن ل رەخێ بەرامبەری گۆلێ ماین ژ بۆ وان یەعیان بوو كو قاییكەك ب تنێ ل وێرێ هەبوو و شاگرد ب تنێ لێ سیار ببوون و چووبوون و عیسا دگەل وان ل قاییكێ سیار نەببوو.
- 23
- پاشی هندەك قاییكێن دی ژ تەبەریێ هاتن و نێزیكی وی جهی ئەوێ نان لێ خوارین راوەستیان پشتی خودانی سوپاس كری.
- 24
- و دەمێ كومێ عیسا و شاگردێن وی ل وێرێ نەدیتن ل وان قاییكان سیار بوون و هاتنە كەفەرناحوم ل عیسای دگەڕیان.
- 25
- دەمێ ل رەخێ بەرامبەری گۆلێ دیتین، گۆتنێ: «ماموستا، تۆ كەنگی گەهشتییە ڤێرێ؟»
- 26
- عیسای بەرسڤا وان دا: «ب راستی ب راستی ئەز دبێژمە هەوە: هوین ل من دگەڕیێن نە ژ بەر كو هەوە نیشان دیتن بەلێ چنكو هەوە خوار و هوین تێر بوون ژ وان نانان.
- 27
- ل دویڤ خوارنا بعەفنت نەچن، بەلێ ل دویڤ خوارنا دمینیت و ژیانا هەروهەر ددەت هەرن، ئەوا كوڕێ مرۆڤ دێ دەتە هەوە، چنكو خودێ یێ باب مورا خۆ یا دانایە سەر كوڕی.»
- 28
- پرسیار ژێ كرن: «ئەو چی كریارن خودێ ژ مە دڤێت بكەین؟»
- 29
- عیسای بەرسڤ دا: «ئەو كارێ خودێ دڤێت هوین بكەن ئەوە كو هوین باوەریێ ب وی بینن ئەوێ وی هنارتی.»
- 30
- ئەڤجا گۆتنێ: «ئەو چ نیشانە تۆ بكەی دا ببینین و باوەریێ ب تە بینین؟ تۆ دشێی چ بكەی؟
- 31
- بابێن مە ماننا ل چۆلی خوارن هەروەكو د پەرتوكێ دا هاتی:
ژ ئەسمانان نان دانێ دا بخون!»[a] - 32
- عیسای بەرسڤا وان دا: «ب راستی ب راستی ئەز دبێژمە هەوە: موسای نان ژ ئەسمانی نەدا هەوە، بەلێ بابێ منە ئەوێ نانێ ئەسمانی یێ دروست ددەتە هەوە.
- 33
- چنكو نانێ خودێ ئەوە یێ ژ ئەسمانی دهێتە خوارێ و ژیانێ ددەتە جیهانێ.»
- 34
- گۆتنە وی: «ئەی خودان، ل هەمی دەمان ڤی نانی بدە مە.»
- 35
- عیسای بەرسڤا وان دا: «ئەزم نانێ ژیانێ. ئەوێ پێش من ڤە بهێت برسی نابیت، و ئەوێ باوەریێ ب من بینیت چ جاران تێهنی نابیت.
- 36
- بەلێ من گۆتە هەوە، هەوە ئەز دیتم و هوین باوەریێ نائینن.
- 37
- چ كەسێ بابی دایە من دێ بۆ من هێت، و ئەوێ بهێتە نك من ئەز وی چ جاران ناهاڤێژمە ژ دەرڤە
- 38
- چنكو ئەز ژ ئەسمانی هاتمە خوارێ، نە دا ئەز ڤیانا خۆ تەمام كەم، بەلێ ڤیانا وی ئەوێ ئەز هنارتیم.
- 39
- و ڤیانا وی ئەوە كو ئەز نەهێلم ئەو كەسێن داینە من ببریێن، بەلێ ئەز وانا ل رۆژا دوماهیكێ ژ مرنێ راكەم.
- 40
- چنكو ڤیانا بابێ من ئەوە هەر كەسێ كوڕی ببینیت و باوەریێ پێ بینیت دێ ژیانا هەروهەر بۆ وی بیت، و ئەز دێ وی ل رۆژا دوماهیكێ ژ مرنێ راكەم.»
- 41
- و جوهیان نەرازیبوونا خۆ ل سەر عیسای دیار كر چنكو گۆت: «ئەزم ئەو نانێ ژ ئەسمانی هاتییە خوار.»
- 42
- و گۆتن: «ئەرێ ئەڤە نە عیسایێ كوڕێ یوسڤییە، ئەوێ ئەم دایك و بابێن وی دنیاسین، ئەو چەوا دبێژیت: ئەز ژ ئەسمانی هاتمە خوارێ!»
- 43
- عیسای بەرسڤا وان دا: «د ناڤبەرا خۆ دا پتە پتێ نەكەن!
- 44
- كەس نەشێت بهێتە نك من ئەگەر بابێ ئەز هنارتیم وی رانەكێشت. و ئەز دێ وی ل رۆژا دوماهیكێ ژ مرنێ راكەم.
- 45
- د پەرتوكێن پێغەمبەران دا یا هاتی:
دێ هەمی ژ خودێ فێربن[b]
و هەر كەسەكێ گوهـ بدەتە بابی و ژ وی فێربیت دهێتە نك من. - 46
- و رامانا ڤێ نە ئەوە كو ئێكی باب یێ دیتی: كەسێ نەدیتییە ب تنێ ئەو نەبیت ئەوێ ژ خودێ، ئەوی ب تنێ بابێ دیتی.
- 47
- ئەز ب راستی ب راستی دبێژمە هەوە: ئەوێ باوەریێ ب من بینیت دێ ژیانا هەروهەر بۆ وی بیت.
- 48
- ئەزم نانێ ژیانێ.
- 49
- بابێن هەوە ماننا ل چۆلی خوارن و پاشی مرن.
- 50
- بەلێ ئەها ئەڤە ل ڤێرێیە نانی ژ ئەسمانی هاتییە خوار دا مرۆڤ ژێ بخوت و نەمریت.
- 51
- ئەزم نانێ ژیانێ ئەوێ ژ ئەسمانی هاتییە خوار. ئەگەر ئێكی ژ ڤی نانی خوار دێ هەتا هەتایێ ژیت، و نانێ ئەز پێشكێش دكەم ئەو لەشێ منە، ئەز گۆری دكەم داكو جیهان بژیت.»
- 52
- و ڤێ ئاخفتنێ كێشەكا توند د ناڤبەرا جوهیان دا چێكر و پرسیار كرن: «ئەڤە چەوا دشێت لەشێ خۆ بدەتە مە ئەم بخوین؟»
- 53
- عیسای بەرسڤا وان دا: «ب راستی ب راستی ئەز دبێژمە هەوە: ئەگەر هوین لەشی كوڕێ مرۆڤ نەخون و خوینا وی نەڤەخون هەوە چ ژیان د ناڤ خۆ دا نابیت.
- 54
- هەچیێ لەشێ من بخوت و خوینا من ڤەخوت، دێ ژیانا هەروهەر بۆ وی بیت و ئەز دێ وی ل رۆژا دوماهیكێ ژ مرنێ راكەم.
- 55
- چنكو لەشێ من خوارنا دروستە، و خوینا من ڤەخوارنا دروستە،
- 56
- و هەر كەسێ لەشێ من بخوت و خوینا من ڤەخوت دێ د من دا مینیت و ئەز د وی دا.
- 57
- و هەروەكو ئەز ب بابێ ساخ ئەوێ ئەز فرێكریم دژیم، هەروەسا هەر كەسێ من بخوت دێ ب من ژیت.
- 58
- ئەڤەیە ئەو نانێ ژ ئەسمانی هاتییە خوار، و ئەو نە وەكو ماننایە ئەوێ بابێن هەوە خواری و پاشی مرین، بەلێ هەر كەسێ ژ ڤی نانی بخوت دێ هەتا هەتایێ ژیت.»
- 59
- ئەڤە هەمی عیسای ل كنیشتێ گۆت دەمێ ئەوی ل كەفەرناحومێ فێركرن دكر.
- گەلەك ژ شاگردان عیسای دهێلن:
- 60
- و دەمێ گەلەكا ژ شاگردێن وی گوهـ لێ بووین گۆتن: «ئەڤ پەیڤە چەندا ب زەحمەتە! كی دشێت گوهێ خۆ بدەتێ؟»
- 61
- و عیسای زانی كو شاگردێن وی پتە پتێ ل سەر ڤێ چەندێ دكەن، پرسیارا وان كر: «ئەرێ ئەڤ چەندەیە گومانێ دئێختە دلێ هەوە؟
- 62
- پا دێ چەوا بیت ئەگەر هەوە كوڕێ مرۆڤ دیت یێ ب سەر دكەڤیتە وی جهی ئەوێ ئەو ژ كەڤن دا لێ؟
- 63
- گیان ژیانێ ددەت، بەلێ لەش چ مفای نادەت. ئەو ئاخفتنا ئەز پێ ئاخفتیم بۆ هەوە ئەوە گیان و ژیان.
- 64
- بەلێ هندەك ژ هەوە باوەریێ نائینن!» چنكو عیسای ژ دەستپێكێ دزانی ئەو كینە باوەریێ پێ نائینن، و ئەو كییە دێ بێبەختیێ لێ كەت.
- 65
- پاشی گۆت: «ژ بەر وێ چەندێ من گۆتە هەوە: كەسەك نەشێت بهێتە نك من ئەگەر باب وێ چەندێ نەدەتێ.»
- 66
- ژ وی دەمی گەلەك شاگردان ئەو هێلا، و ژێ ڤەقەتیان.
- 67
- و گۆتە هەر دوازدە شاگردان: «بەلكو هەوە ژی دڤێت هوین وەكو وان بچن.»
- 68
- شەمعون پەتروسی بەرسڤا وی دا: «دێ چینە نك كێ، ئەی خودان؟ ئاخفتنا ژیانا هەروهەر یا ل نك تە،
- 69
- و مە باوەری ب تە ئینا و زانی كو تۆ پیرۆزێ خودێیی!»
- 70
- عیسای گۆت: «ما نە من هوین هەر دوازدە ژێگرتن! و دگەل وێ چەندێ ئێك ژ هەوە ئبلیسە.»
- 71
- مەبەستا وی یەهودایێ كوڕێ شەمعونێ ئەسخەریوتی بوو، چنكو ئەو ژ وان دوازدان بوو، و ئەوە یێ وی بدەتە دەست.
