عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- نموونەیا تۆڤچینی
- 1
- هەر وێ رۆژێ عیسا ژ مالێ دەركەفت و ل سەر لێڤا گۆلێ ڕوینشت
- 2
- و خەلكەكێ زۆر لێ كوم بوون، گەهشتە هندێ كو بچیتە د قائیكێ دا و بروینیت و هەمی خەلك ل سەر لێڤا گۆلێ مانە راوەستای.
- 3
- و ب نموونە بۆ وان ل سەر گەلەگ تشتان ئاخفت و گۆت: «ئەها ئەڤە تۆڤچین دەركەفت دا تۆڤی بهاڤێژیت.
- 4
- و دەمێ وی تۆڤ دهاڤێتە ئەردی، هندەك كەفتنە د رێكێ دا و چویچك هاتن خوارن.
- 5
- و هندەك كەفتنە سەر ئەردێ كەڤرینێ كێم ئاخ و زوی ب سەركەفت، چنكو ئاخا وی یا تەنك بوو،
- 6
- بەلێ دەمێ رۆژهەلاتی ئەو سۆت و هشك بوو، چنكو ئەو د بێ ڕەهـ بوون.
- 7
- هندەك تۆڤێ دی كەتە د ناڤ ستریان دا و ستری ب سەركەفت و فەتساندن.
- 8
- و هندەك تۆڤ كەفتە د ناڤ ئەردەكێ باش دا، هەتا كو بەرهەمەكێ باش دای؛ هندەك ژ وان سەد جاركی بەرهەم دا و هندەكان شێست جاركی و هندەكان ژی سیهـ جاركی بەرهەم دا.
- 9
- ئێدی یێ گوهـ هەبن بلا گوهـ لێ بیت.»
- 10
- شاگردە هاتنە نك وی و ژێ پرسین: «بۆچی تۆ بۆ وان ب نموونە دئاخڤی؟»
- 11
- وی بەرسڤا وان دا: «زانینا نهێنیێن پاشاتیا ئەسمانان بۆ هەوە یا هاتییە دان، بەلێ بۆ وان نەهاتییە دان،
- 12
- چنكو یێ هندی هەبیت دێ پترێ وەرگریت و دێ د سەردا چیت، بەلێ ئەوێ نەبیت هەتا ئەو پیچا هەی ژی دێ ژێ هێتە ستاندن.
- 13
- ب نموونەیان ئەز بۆ وان دئاخڤم: چنكو ئەو سەحدكەن بێی كو بینن و گوهـ ددەن بێی كو گوهـ لێ ببن و تێبگەهن.
- 14
- د وان دا پێغەمبەراتیا ئەشعیای تەمام دبیت:
هندی هەوە گوهـ لێ بیت هوین تێناگەهن
و هندی سەحكەن چ نابینن، - 15
- چنكو دلێ ڤی مللەتی یێ بێ هەستە،
گوهێن خۆ یێن گرتین
و چاڤێن خۆ یێن نقاندین،
نەكو ب چاڤێن خۆ ببینن
و ب گوهێن خۆ گوهـ لێ ببن
و ب دلێن خۆ تێبگەهن
و ل خۆ ب زڤرن و وان ساخ بكەم. - 16
- بەلێ هوین؛ خوزیكیت هەوە، چنكو چاڤێن هەوە درونن و گوهێن هەوە دڤەكرینە.
- 17
- چنكو ئەز ب راستی دبێژمە هەوە، چەند پێغەمبەر و مرۆڤێن راست گەلەك دڤیا ئەوا هوین دبینن ببینن، بەلێ نەدیت و گەلەك دڤیا ئەوا هەوە گوهـ لێ دبیت گوهـ لێ ببن، بەلێ گوهـ لێ نەبوون.
- 18
- ئەڤجا هوین گوهێ خۆ بدەنە نموونەیا تۆڤچینی.
- 19
- هەر كەسێ پەیڤا پاشاتیێ گوهـ لێ بیت و تێنەگەهیت، دێ یێ خراب هێت و ئەوا د دلێ وی دا هاتییە چاندن، دێ رەڤینیت؛ ئەڤەیە تۆڤێ د رێكێ دا هاتییە چاندن.
- 20
- بەلێ یێ ل سەر ئەردێ كەڤرین هاتییە چاندن، ئەوە یێ پەیڤێ گوهلێ دبیت و ئێكسەر ب دل خۆشی وەردگریت،
- 21
- بەلێ ژ بەركو ڕەهـ تێ دا نینە، دێ وەختەكێ كێم مینیت و دەمێ تەنگاڤی یان تەپەسەری ژ بەر پەیڤێ رویدەت؛ ئێكسەر دێ هەلنگڤیت.
- 22
- و ئەوێ ل ناڤ ستریان هاتییە چاندن، ئەوە یێ گوهـ ل پەیڤێ دبیت، بەلێ خەمێن ڤێ جیهانێ و خاپاندنا دەولەمەندیێ دێ پەیڤێ فەتسینیت و بێ بەر كەت.
- 23
- و ئەوێ ل ئەردێ باش هاتییە چاندن، ئەوە یێ گوهـ ددەتە پەیڤێ و تێدگەهیت، ئەڤجا دێ ئێك ب سەدان و ئێك ب شێستان و یێ دی ب سیهان؛ بەری دەت!»
- نموونەیا زیوانێ
- 24
- و نموونەیەكا دی بۆ وان ئینا و گۆت: «پاشاتیا ئەسمانی وەكو مرۆڤێ تۆڤەكێ باش ل ناڤ زەڤیا خۆ چاندی
- 25
- و دەمێ خەلك نڤستی، دوژمنێ وی هات و زیوان هاڤێتە ناڤ گەنمی و چوو.
- 26
- پشتی گەنم شین بووی و گولی دای، زیوان ژی دگەل دیار بوو.
- 27
- كۆلەیێن خودانێ مالێ هاتن و گۆتنێ: ”ئەزبەنی ما تە تۆڤێ باش نەهاڤێتبوو زەڤیا خۆ؟ پا ئەڤ زیوانە ژ كیڤە هات؟“
- 28
- بەرسڤا وان دا: ”ئەڤە دوژمنەكی یا كری!“ پرسیار ژێ كر: ”تە دڤێت بچین و زیوانێ كومكەین؟“
- 29
- بەرسڤا وان دا: ”نە، دا گەنمی نەهەلكێشن، كو هوینێ زیوانێ كومدكەن.
- 30
- بهێلن هەردوو پێكڤە شین ببن، هەتا وەختێ دورینێ دهێت و د وی دەمی دا دێ بێژمە پالەیێن دورینێ: ل بەراهیێ زیوانێ كوم كەن و بكەنە گورز دا بهێتە سۆتن، بەلێ گەنمی كومكەن و بكەنە د كوارا من دا.“
- نموونەیا تۆڤێ خەردەلێ و هەڤیرترشی
- 31
- وی بۆ وان نموونەیەكا دی ژی ئینا و گۆت: پاشاتیا ئەسمانی وەكو وێ دندكا خەردەلێیە، ئەوا مرۆڤەكی ل ناڤ زەڤیا خۆ چاندی.
- 32
- هەرچەندە ئەو ژ هەمی تۆڤان بچویكترە، بەلێ وەختێ شین دبیت ژ هەمی دەرامەتی مەزنتر لێ دهێت و دبیتە دار هەتا تەیرێن ئەسمانی ژی د ناڤ چەقێن وێ دا دهێنە لیسی.»
- 33
- و نموونەیەكا دی ژی بۆ وان ئینا و گۆت: «پاشاتیا ئەسمانی وەكو هەڤیرترشییە، ئەوا ژنەكێ ئینای و كرییە ناڤ سێ تەشتێن ئاری؛ هەتا هەمی هەڤیرترش بووی.»
- 34
- ئەڤە هەمی عیسای ب نموونە بۆ خڕڤەبوویان گۆت و بێ نموونە بۆ وان نە دئاخفت
- 35
- داكو ئەوا پێغەمبەری گۆتی، ب جهـ بهێت:
ئەز دێ ب نموونەیان ئاخڤم
و ئەوێن ژ دەستپێكا چێكرنا جیهانێ ڤەشارتین؛ دێ ئاشكرا كەم. - شرۆڤەكرنا نموونەیا زیوانێ
- 36
- پاشی عیسای خڕڤەبووی برێكرن و چوو مال، شاگردێن وی هاتنە نك و گۆتنێ: «مەعنا نموونەیا زیوانا زەڤیێ بۆ مە دیاركە.»
- 37
- بەرسڤا وان دا: «تۆڤچینێ تۆڤێ باش ئەو كوڕێ مرۆڤە؛
- 38
- و زەڤی جیهانە و تۆڤێ باش كوڕێن پاشاتیێنە و زیوان ژی كوڕێن خرابیێنە
- 39
- و دوژمنێ زیوان چاندی ئەو ئبلیسە و دورین دوماهیا زەمانییە و پالەیێن دورینێ ژی فریشتەنە.
- 40
- دێ ل دوماهیكا جیهانێ وەسا چێبیت كا چەوا زیوانێ كومدكەن و ب ئاگری دسوژن؛
- 41
- كوڕێ مرۆڤ دێ فریشتێن خۆ فرێكەت، داكو یێن بووینە ئەگەرێ ڤارێبووی و خرابكاران ژ پاشاتیا خۆ كومكەت
- 42
- و دێ هاڤێنە د تەنیرا ئاگری دا و ل وێرێ دێ گری و چیرچیرا ددانان بیت.
- 43
- هنگی یێن راست وەكو رۆژێ د پاشاتیا بابێ خۆ دا، دێ روناهیێ دەن. هەچی كەسێ گوهـ هەبن؛ بلا گوهـ بدەت.
- نموونەیا خزینێ و مراری
- 44
- پاشاتیا ئەسمانی وەكو خزینەكا ڤەشارتی یا د ناڤ زەڤیەكێ دایە، ئەوا زەلامەكی دیتی و ڤەشارتیەڤە و ژ كەیفان دا چوو هەمی تشتێن هەین فرۆتن و ئەو زەڤی كڕی.
- 45
- و دیسا پاشاتیا ئەسمانی وەكو بازرگانەكییە، ئەوێ ل مراریێن بها گران دگەڕیا
- 46
- و دەمێ وی مراریەكا گەلەك بها دیتی، چوو هەمی تشتێن وی هەین فرۆتن و كڕی. \s نموونەیا تورێ
- 47
- دیسا پاشاتیا ئەسمانی وەكو تورا ماسیگرانە، ئەوا هاڤێتیە د دەریایێ دا و ژ هەمی رەنگان ماسی پێ گرتین
- 48
- و دەمێ پڕ بووی ماسیگران كێشا بەر لێڤا دەریایێ و روینشتن و یێن باش ژێ گرتن و كرنە د سەلكان دا و یێن خراب هاڤێتن.
- 49
- د دوماهیا سەردەمی دا دێ هوسا بیت، دێ فریشتە هێن و یێن خراب ژ ناڤ باشان دەرئێخن
- 50
- و دێ هاڤێنە د تەنیرا ئاگری دا و ل وێرێ دێ گری و چیرچیرا ددانان بیت.
- 51
- ئەرێ هوین د ڤان هەمی تشتان دگەهشتن؟» شاگردان بەرسڤا وی دا «بەلێ.»
- 52
- و گۆتە وان: «ئەڤجا هەر مامۆستایەكێ دەستوری ل سەر پاشاتیا ئەسمانی هاتییە پەروەردەكرن، وەكو خودانێ مالەكێیە، ئەوێ ژ خزینا خۆ یێن نوی و كەڤن ددەرئێخیت.»
- 53
- و پشتی عیسای ئەڤ نموونە ب دوماهی ئینای ژ وێرێ ڤەگەڕیا
- 54
- و چوو باژێرێ خۆ و دەست ب ڤێركرنێ د كنیشتێن وان دا كر، ئەڤجا ئەو گوهشین و پرسیاركرن: «ئەرێ وی ئەڤ داناییە و حنێر ژ كیڤە ئیناینە؟
- 55
- ئەرێ ما ئەو كوڕێ دارتاشی نینە؟ ئەرێ ناڤێ دایكا وی نە مەریەمە و برایێن وی یەعقوب و یوسڤ و شەمعون و یەهودا نینن؟
- 56
- ئەرێ ما هەمی خویشكێن وی ل نك مە نینن؟ پا ئەڤە هەمی ژ كیرێ ئیناینە؟»
- 57
- ئەو ژ وی دلگران بوون، بەلێ وی گۆتە وان: «ب تنێ پێغەمبەر د باژێر و مالا خۆ دا دبێ رومەتن.»
- 58
- و وی كێم حنێر ل وێرێ كرن ژ بەر بێ باوەریا وان.
