عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- بڕینا سەرێ یوحەننایێ تافیركەر
- 1
- ل وی دەمی هێرودێسێ دەستهەلاتدار گوهـ ل نوچێن عیسای بوو،
- 2
- گۆتە خزمەتكارێن خۆ: «ئەڤە یوحەننایێ تافیركەرێ ژ ناڤ مریان رابووی! ژ بەر ڤێ چەندێ حنێران دكەت.»
- 3
- هێرودێسی یوحەننا ژ بەر هیرودیا هەڤژینا برایێ وی فیلیپوسی گرتبوو و ب زنجیران گرێدابوو و كربوو د زیندانێ دا،
- 4
- چنكو یوحەننای دگۆتە وی: «چێنابیت تۆ وێ ل خۆ مار كەی.»
- 5
- هێرودێسی دڤیا یوحەننای بكوژیت، لێ ئەو ژ خەلكی دترسیا، چنكو وانا یوحەننا ب پێغەمبەر ددانا.
- 6
- ل دەمێ گێرانا ئاهەنگا ژدایكبوونا هێرودێسی، كچا هیرودیایێ ل ناڤەراستێ سەما كر و كەیفا هێرودێسی گەلەك پێ هات.
- 7
- ئینا بۆ سویند خوار و سۆز دایێ، كو هەر تشتەكێ وێ بڤێت بدەتێ.
- 8
- پشتی كچك ژ لایێ دەیكا خۆ ڤە هاتییە ناڤتێدان؛ گۆتێ: «نوكە و ل ڤێرێ سەرێ یوحەننایێ تافیركەر ل سەر سێنیكەكێ بدە من!»
- 9
- پاشا بخەم كەت، لێ ژ بەر وێ سویندا وی خواری و مێڤانێن روینشتی، وی فەرمان دا؛ كو ئەو تشتێ وێ بڤێت وەرگریت.
- 10
- فەرمان هنارتە زیندانێ و سەرێ یوحەننای بری
- 11
- و سەرێ یوحەننای د سێنیكەكێ دا ئینا و داڤ كچێ و وێ بۆ دەیكا خۆ بر.
- 12
- شاگردێن یوحەننای هاتن و تەرمێ وی بر و ڤەشارت. پشتی هنگی چوون گۆتنە عیسای. \s عیسا خوارنێ ددەتە پێنچ هزاران
- 13
- دەمێ عیسای گوهـ ل وێ رویدانێ بووی، ب تنێ ل قاییكێ سیار بوو و چوو جهەكێ ڤەدەر. دەمێ خەلكی گوهـ ل ڤێ چەندێ بووی، ژ باژێران ب پیان ب دویڤ وی كەفتن.
- 14
- دەمێ عیسا ل سەر لێڤا ئاڤێ هاتییە خوار، خەلكەكێ زۆر دیت، دلێ وی ما پێڤە و نەساخێن وان ساخكرن.
- 15
- وەختێ بوویە ئێڤار، شاگردە نێزیكی وی بوون و گۆتنێ: «ئەڤە جهەكێ بەردایە و یا بوویە درەنگ، جەماوەری برێكە؛ دا بچنە گوندان خوارنێ بۆ خۆ بكڕن.»
- 16
- بەلێ عیسای گۆتە وان: «چوونا وان نە یا پێدڤییە. هوین تشتەكی بدەنێ دا بخون.»
- 17
- ئینا وان گۆتێ: «مە ژ پێنچ نانان و دوو ماسیان پێڤەتر نینە.»
- 18
- ئینا گۆت: بۆ من بینە ڤێرێ.
- 19
- و عیسای گۆتە جەماوەری ل سەر گیای روینە خوار و هەر پێنچ نان و هەردوو ماسی وەرگرتن و بەرێ خۆ دا ئەسمانان سوپاسی كر و نان كەركەر كر و داڤ شاگردان، ئینا وان ل سەر جەماوەری بەلاڤكرن.
- 20
- هەمیان خوار و تێر بوون و شاگردان دوازدە سەلكێن تژی ژ پرتێن ژ بەرمای هلگرتن.
- 21
- ژمارا وان كەسێن خواری ژبلی ژن و زارۆكان، ل دور پێنچ هزار زەلامان بوون. \s عیسا ل سەر ئاڤێ ب رێڤە دچیت
- 22
- هەر وێ گاڤێ عیسای فەرمان دا شاگردان، داكو ل قاییكێ سیار بن و بەری وی بچنە لایێ دی، هەتا ئەو جەماوەری برێكەت.
- 23
- پشتی وی جەماوەر برێكری، ب سەر چیای كەفت دا نڤێژێ ب تنێ بكەت و شەڤ ب سەردا هات و ئەو ب تنێ ل وێرێ بوو،
- 24
- بەلێ قاییكا شاگردان گەهشتبوو نیڤا گۆلێ و پێلا لێدا، چنكو با دژی قاییكێ بوو.
- 25
- نێزیكی بەربانگێ سپێدێ، عیسا ب پیان ل سەر ئاڤا گۆلێ چوو نك شاگردان.
- 26
- دەمێ شاگردان ئەو دیتی یێ ل سەر ئاڤێ ب رێڤە دچیت، بزدیان و گۆتن: «ئەڤە رەشەكە!» و ژ ترسێن خۆ دا كرنە هەوار.
- 27
- و هەر د گاڤێ دا عیسای گۆتە وان: «خۆ زیرەكەن! ئەز ئەوم، نەترسن!»
- 28
- پەتروسی گۆتێ: «خودان، ئەگەر تۆ ئەو بی فەرمانێ بدە من، داكو ئەز ب پیان ل سەر ئاڤێ بهێمە نك تە.»
- 29
- عیسای گۆتێ: «وەرە!» ئینا پەتروس ژ قاییكێ هاتە خوار و ل سەر ئاڤێ بەرەڤ ب عیسای ڤە چوو.
- 30
- بەلێ دەمێ وی هەست ب هێزا بای كری ترسیا و بەرەڤ بن ئاڤێ چوو؛ كرە هەوار: «ئەی، خودان من قورتال كە!»
- 31
- بەلێ د گاڤێ دا عیسای دەستێ خۆ درێژكرێ و گرت و گۆتێ: «ئەی كێم باوەر، تۆ بۆ چی ب گومان كەفتی؟»
- 32
- و چەوا ئەو ب سەر قاییكێ كەفتین، با راوەستیا
- 33
- ئینا ئەوێن د قاییكێ دا نێزیك بوون و خۆ بۆ چەماند و گۆتن: «تۆ ب دروستی كوڕێ خودێی.»
- 34
- دەمێ ئەو دەربازی لایێ دیێ گۆلێ بووین، ل دەڤەرا جەنیسارتێ هاتنە خوار.
- 35
- زەلامێن وێ دەڤەرێ ئەو نیاسی و خەلكێ دورماندور ئاگەهدار كرن، ئەڤجا هەمی نەساخ ئینانە نك
- 36
- و ژێ داخواز كرن، كو ئەو دەستورێ بدەتێ؛ هەر چنە بیت دەستێ خۆ بكەنە لێڤا كراسێ وی و ئەو هەمیێن دەستكرینێ ب دروستی ساخبوون.
