عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- فەریسی داخوازا نیشانەكێ دكەن
- 1
- فەریسی و سەدوقی هاتنە نك عیسای، دا وی تاقیكەن، داخواز ژێ كر داكو نیشانەكێ ژ ئەسمانی نیشا وان بدەت.
- 2
- بەرسڤا وان دا: «ئەگەر دەمێ رۆژئاڤا ئەسمانێ سور بیت، دبێژن: ”سوبەهی دێ بیتە ساهی.“
- 3
- ئەگەر دەمێ سپێدێ ئەسمانێ سور و شێلی بیت، دبێژن: ”ئەڤروكە بارانە!“ هوین ژ وێنەیێ سەروبەرێ هەوایێ ئەسمانی دزانن، بەلێ نیشانێن سەردەمان هوین نزانن.
- 4
- نفشەكێ خراب و دەهمەنپیس داخوازا نیشانەكێ دكەن. ژبلی ئەوا ب سەرێ یونس پێغەمبەری هاتی؛ چ نیشانان نادەتێ.» پاشی هێلان و چوو.
- 5
- دەمێ شاگردێن وی چووینە كنارێ دی، ژ بیرا وان چوو نانی دگەل خۆ بینن.
- 6
- عیسای گۆتە وان: «هشیاربن هەوە ئاگەهـ ژ هەڤیرترشێ فەریسیان و سەدوقیان هەبیت!»
- 7
- شاگردان د ناڤ خۆ دا دئاخفتن و دگۆتن: «یێ ڤێ دبێژیت؛ چنكو مە نان دگەل خۆ نە ئینایە.»
- 8
- عیسای زانی و گۆتە وان: «ئەی كێمباوەران چەوا هوین د دلێن خۆ دا دبێژن: ”مە نان نینە“؟
- 9
- هوین هێشتا تێنەگەهشتینە؟ یان ژی هەوە ژ بیركر ئەو پێنچ نان ئەوێن پێنچ هزار تێركرین و هەوە چەند سەلك ژێ راكرین؟
- 10
- و هەوە ژ بیركر ئەو حەفت نان ئەوێن چوار هزار تێركرین و چەند سەلك ژێ راكرین؟
- 11
- هوین بۆچی تێناگەهن من نە ژ بەر نانی بۆ دەمێ من گۆتییە هەوە هشیاری هەڤیرترشێ فەریسیان و سەدوقیان بن.»
- 12
- د وی دەمی دا شاگردان زانی وی نە ژ بەر هەڤیرترشێ نانی ئاگەهداركرن، بەلكو ژ بەر فێركرنا فەریسی و سەدوقیان. \s «توی مەسیح كوڕێ خودێ یێ ساخ»
- 13
- دەمێ عیسا گەهشتییە دەڤەرا قەیسەری یا فیلیپوس پرسیار ژ شاگردێن خۆ كر: «خەلك دبێژن كوڕێ مرۆڤ كییە؟»
- 14
- «هندەك دبێژن یوحەننایێ تافیركەرە و هندەكێن دی دبێژن ئیلیا و هندەكێن دی دبێژن یەرمیا یان ژی ئێك ژ پێغەمبەرێن دی.»
- 15
- پرسیار ژ وان كر: «و هوین دبێژن ئەز كیمە؟»
- 16
- شەمعونێ پەتروس بەرسڤا وی دا و گۆت: «توی مەسیحێ كوڕێ خودێ یێ ساخ.»
- 17
- عیسای گۆتە وی: «خوزیكێن تە، شەمعونێ كوڕێ یونس! چنكو چ مرۆڤان ئەڤ راستییە بۆ تە دیار نەكر، ب تنێ بابێ منێ ل ئەسمانان ئەڤ چەندە بۆ تە دیاركر.
- 18
- و ئەز دبێژمە تە: تۆ پەتروسێ (كەڤری) و دێ ل سەر ڤی كەڤری كلێسایا خۆ ئاڤاكەم و دەرگەهێن جەهنەمێ نەشێن دژ راوەستن،
- 19
- و دێ كلیلێن پاشاتیا ئەسمانان دەمە تە و هەر تشتەكێ تۆ ل ئەردی گرێدەی دێ ل ئەسمانان هێتە گرێدان و هەر تشتەكێ ل ئەردی ڤەكەی دێ ل ئەسمانان هێتە ڤەكرن.»
- 20
- و عیسای فەرمان دا شاگردێن خۆ، كو نەبێژنە كەسێ ئەو مەسیحە. \s مەسیح پێشبینیا مرن و رابوونا خۆ دكەت
- 21
- د وی دەمی دا، عیسای دەستپێكر شاگردێن خۆ ئاگەهداركرن، كو پێدڤییە ئەو بچیتە ئورشەلیمێ و ل سەر دەستێ ریهسپیان و سەرۆكێن كاهنان و مامۆستایێن دەستوری بهێتە ئێشاندن و كوشتن و دێ رۆژا سیێ رابیت.
- 22
- پەتروسی ئەو خلوەكرە رەخەكی و گازندە ژێكرن و گۆتێ: «خودان؛ خودێ نەكەت! نە؛ چ جاران ئەڤ تشتە ب سەرێ تە ناهێت.»
- 23
- عیسا ل پەتروسی زڤری و گۆتێ: «ئەی ئبلیس ژ بەر چاڤێن من هەرە! تۆ ئاستەنگی ل پێشیا من، چنكو تۆ هزرا تشتێن خودێ ناكەی» بەلێ هزرا تشتێن مرۆڤی دكەی.
- بهایێ دویڤچوونا مەسیحی
- 24
- و عیسای گۆتە شاگردێن خۆ: «یێ بڤێت ل دویڤ من بهێت، بلا دەست ژ دەروونا خۆ بەردەت و خاچا خۆ هەلگریت و ل دویڤ من بهێت.
- 25
- چنكو ئەوێ دڤێت ژیانا خۆ قورتال كەت، دێ ژیانا خۆ ژ دەست دەت، بەلێ ئەوێ ژیانا خۆ ژ بەر من ژ دەست بدەت، دێ وێ بینیت.
- 26
- مرۆڤ دێ چ مفای كەت، ئەگەر جیهان هەمی ب دەستێ خۆ ڤە ئینا و ژیانا خۆ ژ دەست دا؟ مرۆڤ ب پێش ژیانا خۆ ڤە چ بدەت؟
- 27
- چنكو كوڕێ مرۆڤ دێ ب رومەتا بابێ خۆ ڤە دگەل فریشتێن خۆ زڤریت، هنگی هەر كەسەك دێ ل دویڤ كارێن خۆ هێتە خەلاتكرن.
- 28
- ب راستی دبێژمە هەوە هندەك ژ وانێن ل ڤێرێ راوەستاین، هەتا هاتنا كوڕێ مرۆڤ د پاشاتیا خۆ دا نەبینن؛ تام ناكەنە مرنێ.»
