عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- عیسا دچیتە د ئورشەلیمێ ڤە
- 1
- دەمێ ئەو نێزیكی ئورشەلیمێ بووین و گەهشتینە گوندێ بەیت فاجی، نێزیكی چیایێ زەیتونان، عیسای دوو شاگردێن خۆ هنارتن
- 2
- و گۆتە وان: «هەڕنە گوندێ بەرامبەری هەوە، ئێكسەر دێ ماكەرەكا گرێدای دگەل جانەكەرەكی بینن، وەریسێ وان ڤەكەن و بۆ من بینن.
- 3
- ئەگەر ئێكی نەهێلا بێژنێ: خودانێ پێدڤی وانە، ئێكسەر ئەو دێ هنێریت.»
- 4
- و ڤێ روی دا داكو ئەو تشتێ ل سەر زارێ پێغەمبەری هاتییە گۆتن ب جهـ بهێت:
- 5
بێژە كچا سەهیون،
ئەها ئەڤە پاشایێ تە یێ دهێتە نك تە
دەروون نزم و سیارێ ل ماكەر و جانەكەری.- 6
- ئەڤجا شاگردە چوون و ئەو كر ئەوا عیسای فەرمان پێدای.
- 7
- ماكەر و جانەكەر ئینان و جلكێن خۆ دانانە سەر و عیسا لێ سیار بوو.
- 8
- و بارا پتر ژ خەلكێ خڕڤەبووی رێك ب جلكێن خۆ رائێخست و هندەكێن دی چەقێن داران برین و رێك پێ رائێخست.
- 9
- و خەلكێ بەری عیسای دچوو و یێ ل پشت وی دهات گازی دكر و دگۆت: « هۆسانا بۆ كوڕێ داوودی، پیرۆز بیت ئەوێ ب ناڤێ خودانی دهێت، هۆسانا د بلنداهیا دا!»
- 10
- و دەمێ عیسا چوویە ئورشەلیمێ، هەمی باژێر تێكچوو و خەلكێ وی پرسیاركر: «ئەڤە كییە؟»
- 11
- خەلكی بەرسڤ دا: «ئەڤە عیسا پێغەمبەرە خەلكێ ناسیرا دەڤەرا جەلیلە.» \s عیسا د پەرستگەهێ ڤە
- 12
- پاشی عیسا چوو د پەرستگەهێ ڤە و ئەو هەمیێن كرین و فرۆتن دكر دەرئێخستن و مێزێن پارەگهوران و تەختكێن كوترفرۆشان ب سەرێك دا هاڤێتن.
- 13
- و گۆتە وان: «یا هاتییە نڤیسین:
دێ بێژنە مالا من مالا نڤێژان ،
بەلێ هەوە یا كرییە شكەفتا رێگران!» - 14
- د پەرستگەهێ ڤە هندەكێن كوڕە و سەقەت هاتنە نك و وی ئەو ساخكرن.
- 15
- سەرۆكێن جوهیان و مامۆستایێن دەستوری دەمێ وان ئەو سەرسورمانێن وی كرین دیتین و گوهـ ل گازیكرنا زارۆكان د پەرستگەهێ ڤە: «هۆسانا ژ بۆ كوڕێ داوودی!» بووین، گەلەك پێ نەخۆش بوون.
- 16
- پرسیار ژێكر: «تە گوهـ لێ هەیە ئەوا زارۆك دبێژن؟» عیسای بەرسڤا وان دا: «بەلێ؛ ما هەوە ئەڤ تشتە نەخواندییە: ل سەر زارێ زارۆكان و شیرخواریان ستایش هاتنە ئامادەكرن ؟»
- 17
- پاشی هێلان و چوو ژ دەرڤەی باژێری بۆ گوندێ بەیت عەنیا و شەڤا خۆ ل وێرێ بوراند. \s دارهژیر
- 18
- سپێدەهیا رۆژا پاشتر، دەمێ ئەو دزڤری باژێری یێ برسی بوو.
- 19
- دارەكا هژیرێ ل رەخێ رێكێ دیت و بەرەڤ چوو، بەلێ وی بەس بەلگ پێڤە دیتن و گۆتێ: «تە ژ نوكە پێڤە هەتا هەتایێ بەر نابیت.» ئەڤجا ئێكسەر هژیر هشك بوو.
- 20
- دەمێ شاگردان ئەو دیتی، گوهشین و گۆت: «چەند زوی هژیر هشك بوو!»
- 21
- بەرسڤا وان دا: «راستیێ دبێژمە هەوە ئەگەر هەوە باوەری هەبیت دبێگومان بن؛ نە بەس وەكو من ل دار هژیرێ كری هوین دێ كەن، بەلكو هوین بێژنە ڤی چیای ژی: ”رابە و هەرە د دەریایێ دا،“ دێ ئەڤ چەندە ب جهـ هێت.
- 22
- و هەر تشتێ هوین د نڤێژێ دا ب باوەری داخواز بكەن دێ ب دەست ڤە ئینن.»
- 23
- و دەمێ گەهشتییە پەرستگەهێ و دەست ب فێركرنێ كری سەرۆكێن كاهنان و ریهسپیێن مللەتی چوونە نك و پرسیار ژێكرن: «تۆ ڤان كاران ب چ دەستهەلاتداری دكەی؟ و كێ ئەڤ دەستهەلاتداری دایە تە؟»
- 24
- عیسا بەرسڤا وان دا و گۆت: «ئەز ژی دێ پرسیارەكێ ژ هەوە كەم؛ ئەگەر هەوە بەرسڤا من دا ئەز ژی دێ بێژمە هەوە ب چ دەستهەلاتداری ئەز ڤان كاران دكەم.
- 25
- تافیركرنا یوحەننای ژ كیرێ بوو؟ ژ ئەسمانان یان ژ مرۆڤان؟» وان گۆتنە ئێكودوو: «ئەگەر مە گۆتی: ”ژ ئەسمانایە،“ دێ بێژیتە مە: ”ژ بەر چ هەوە باوەری پێ نەئینا؟“
- 26
- و ئەگەر مە گۆتی: ”ژ مرۆڤانە،“ ئەم ژ بەرهنگاریا خەلكی دترسین، چنكو ئەو هەمی یوحەننای ب پێغەمبەر ددانن.»
- 27
- ئەڤجا بەرسڤا وی دا: «ئەم نزانین.» و وی گۆتە وان: «ئەز ژی نابێژمە هەوە ب چ دەستهەلاتداری ڤان كاران دكەم.»
- نموونەیا دوو كوڕان
- 28
- «و هوین چ دبێژن؟ مرۆڤەكی دوو كوڕ هەبوون چوو نك یێ ئێكێ و گۆتێ: ”كوڕێ من، ئەڤروكە هەرە ناڤ رەزی كار بكە.“
- 29
- وی بەرسڤ دا: ”ئەز ناچم،“ بەلێ پاشی پەشێمان بوو و چوو.
- 30
- پاشی زەلام چوو نك كوڕێ خویێ دی و ئەوا گۆتییە كوڕێ خویێ ئێكێ گۆتە وی ژی. بەرسڤ دا: ”سەر چاڤان باب!“ بەلێ ئەو نەچوو.
- 31
- كێ ژ هەردووكان ب حەزكرنا بابی كر؟» بەرسڤ دان: «یێ ئێكێ.» عیسای گۆتە وان: «راستیێ ئەز دبێژمە هەوە: باجگر و دەهمەنپیس بەری هەوە دچنە د پاشاتیا خودێ دا.
- 32
- یوحەننا رێكا راست گرتبوو و هاتبوو نك هەوە. هەوە باوەر ژێ نەكر، بەلێ باجگر و دەهمەنپیس باوەری پێكر؛ لێ دەمێ هەوە ئەڤە دیتی، هوین پەشێمان نەبوون كو باوەریێ ب وی بینن.
- نموونەیا رەزڤانان
- 33
- گوهـ بدەنە نموونەیەكا دی: مرۆڤەكێ مالخویێ مالێ رەزەك دانا و پەرژانكر و گڤێشوكەك تێ دا كولا و برجا زێرەڤانیێ ل ناڤ ئاڤاكر، پاشی رەز داڤ رەزڤانان و وەغەركر.
- 34
- و دەمێ بوویە وەختێ چنینێ كۆلەیێن خۆ هنارتنە نك رەزڤانان دا بەرێ رەزی وەربگرن.
- 35
- رەزڤانان كۆلەیێن وی گرتن، ئێك ژ وان قوتا و ئێكێ دی كوشت و ئێكێ دی بەردە بارانكر.
- 36
- پاشی خودانێ مالێ ژ جارا پێشیێ پتر كۆلە هنارتن و رەزڤان وە ل وانا كر؛ هەروەكو ل یێن پێشیێ كرین.
- 37
- دوماهیێ كوڕێ خۆ هنارت و گۆتە خۆ: ”دێ رێزا كوڕێ من گرن!“
- 38
- بەلێ دەمێ رەزڤانان كوڕێ وی دیتی گۆتە ئێكودوو: ”ئەڤەیە خودان میرات! وەرن دا بكوژین و دەست ل سەر میراتێ وی دانین.“
- 39
- پاش ئەو دەستەسەر كر و ژ ناڤ رەزی دەرئێخست و كوشتن.
- 40
- دەمێ خودانێ رەزی دزڤریت، دێ چ ل وان رەزڤانان كەت؟»
- 41
- وان بەرسڤا عیسای دا: «ئەو دێ وان گونەهكاران ب ئاوایەكێ خراب ژ ناڤ بەت، پاشی دێ رەزی دەتەف هندەك رەزڤانێن دی، یێن بەرێ رەزی د وەختێ چنینێ دا دەنە وی.»
- 42
- عیسای گۆتە وان: «ئەرێ ما هەوە د نڤیساران دا نەخواندییە:
ئەو بەرێ هوستایان رەتكری؛
ئەوە بوویە بەرێ كوژیێ بناغەی.
ئەڤە ژ نك خودانییە
و ئەو ل بەر چاڤێن مە تشتەكێ حنێرە! - 43
- ژ بەر هندێ ئەز دبێژمە هەوە: پاشاتیا خودێ دێ ژ هەوە هێتە ستاندن و داتە مللەتەكێ بەرێ پاشاتیێ بدەت و
- 44
- هەر كەسەكێ بكەڤیتە سەر ڤی بەری دێ پارچە پارچە بیت و هەر كەسێ بەر بكەڤیتە سەر دێ وی هەرشینیت.»
- 45
- دەمێ سەرۆكێن كاهنان و فەریسیان گوهـ ل نموونەیێن وی بووی، وان زانی ئەو بەحسێ وانە.
- 46
- هەرچەندە وان بزاڤ دكر وی دەستەسەر كەن، بەلێ ئەو ژ خەلكی دترسیان؛ چنكو وان ئەو ب پێغەمبەر ددانا.
