عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- نموونەیا داوەتێ
- 1
- و جارەكا دی عیسا ڤەگەڕیا نموونەیان و گۆتە وان:
- 2
- «پاشاتیا ئەسمانان وەكو پاشایەكی داوەتا كوڕێ خۆ گێرای
- 3
- و كۆلەیێن خۆ هنارتن داكو گازی وان كەسان بكەت، ئەوێن بۆ داوەتێ هاتینە خواندن، بەلێ وان نەڤیا ئامادە بن.
- 4
- جارەكا دی پاشای هندەك كۆلەیێن دی هنارتن و گۆتە وان: ”بێژنە خواندیان: من نان خوارنا خۆ یا ئامادەكری، گا و گولكێن قەلەو یێن هاتینە سەرژێكرن و هەمی تشتێ ئامادەیە، ئەڤجا وەرنە داوەتێ.“
- 5
- بەلێ خواندیان چ پویتە نەدایێ، ئەڤجا ئێك چوو ناڤ چەمێ خۆ و یێ دی چوو سەر كارێ خۆ
- 6
- و ئەڤێن دی كۆلەیێن پاشای گرتن و كرێتكرن و كوشتن.
- 7
- پاشا توڕەبوو و لەشكەرێن خۆ هنارتن و ئەڤێن كوژەك ژناڤبرن و باژێرێ وان سۆت.
- 8
- پاشی گۆتە كۆلەیێن خۆ: ”خوارنا داوەتێ یا دروستە، بەلێ خواندی نە دهەژی بوون.
- 9
- ئەڤجا هەڕنە سەرێن رێیان و هەر كەسێ هوین دبینن داخوازكەنە خوارنا داوەتێ.“
- 10
- كۆلە دەركەفتنە سەرێن رێیان و هەر كەسێ چاك یان خراب دیتبان كوم دكرن؛ هەتا هۆلا داوەتێ ژ مێڤانان پڕ بووی.
- 11
- و پاشا هاتە ژۆر دا سەحكەتە مێڤانان، دیت ئێكی جلكێن داوەتێ ل بەر نینن.
- 12
- گۆتە وی: ”هەڤالێ من، تۆ چەوا بێی جلكێن دەواتیان هاتییە ژۆر؟“ ئەڤجا مت ما.
- 13
- پاشای فەرمان دا خولامێن خۆ و گۆت: ”دەست و پێن وی گرێدەن و بهاڤێژنە تاریا ژ دەرڤە. ل وی جهێ دبیتە گری و چیرچیرا ددانان.“
- 14
- چنكو خواندی گەلەكن، بەلێ هەلبژارتی دكێمن.»
- چێ دبیت مرۆڤ باجێ بدەتە قەیسەری؟
- 15
- پاشی فەریسی چوون و تەكبیرا خۆ كر كا دێ چەوا عیسای ب ئاخفتنێن وی ئێخنە داڤان.
- 16
- هندەك شاگردێن خۆ دگەل ئەندامێن پارتا هێرودێسی هنارتن، دا بێژنێ: «ئەی مامۆستا، ئەم دزانین تویێ راستگوی و ب راستی خەلكی فێری رێیا خودێ دكەی، تۆ جوداهیا كەسێ ناكەی، چنكو تۆ ل كەسێ نانێری، كا ئەو كییە.
- 17
- ئەڤجا تۆ چ دبێژی؟ چێ دبیت مرۆڤ باجێ بدەتە قەیسەری یان نە؟»
- 18
- عیسای فێلبازیا وان زانی و گۆت: «ئەی دوورویان، هوین بۆچی من تاقی دكەن؟
- 19
- دراڤێ باجێ نیشا من بدەن.» دینارەك پێشكێشی وی كر.
- 20
- و پرسیار ژ وان كر: «ئەڤ وێنە و نەخشێن كێنە؟»
- 21
- بەرسڤا وی دان: «یێن قەیسەرینە.» ئەڤجا گۆتە وان: «تشتێن قەیسەری بدەنە قەیسەری و تشتێن خودێ ژی بدەنە خودێ.»
- 22
- دەمێ ئەڤ تشتە گوهـ لێ بووین، ژێ گەڕیان و ب حنێرگرتی ڤە چوون. \s رابوونا مریان
- 23
- ل وێ رۆژێ سەدوقی هاتنە نك عیسای، كو باوەریا وان ب رابوونا مریان نەبوو؛ ژێ پرسین
- 24
- و گۆتن: «ئەی مامۆستا، موسای گۆتی: ئەگەر زەلامەكێ بێ زارۆك مر، پێدڤییە برایێ وی بیژنا وی مار كەت و نفشی ل سەر ناڤێ برایێ خۆ چێكەت .
- 25
- ئەڤجا حەفت برا د ناڤ مە دا بوون، یێ ئێكێ ژن ئینا پاشی مر و چ نفش نەبوو و ژنا وی بۆ برایێ وی ما.
- 26
- هەروەسا یێ دووێ و پاشی یێ سیێ ژی، هەتا یێ حەفتێ.
- 27
- و پشتی وان هەمیان ژنك ژی مر.
- 28
- ئەڤجا ل رۆژا رابوونێ، ئەڤ ژنكە دێ بیتە ژنا كێ ژ وان حەفت برا؟ چنكو ئەو ژنا هەمیان بوو.»
- 29
- عیسای بەرسڤا وان دا و گۆت: «هوین یێن بەرزە بووین، چنكو هوین د نڤیساران و شیانا خودێ نەگەهشتینە.
- 30
- خەلك ل رابوونێ ژنان نائینن و شوی ناكەن، بەلێ دێ وەكو فریشتێن خودێ ل ئەسمانان بن.
- 31
- دەربارەی رابوونا مریان، ما هەوە نەخواندییە ئەوا ژ لایێ خودێ ڤە بۆ هەوە هاتییە گۆتن:
- 32
- ئەز خودایێ ئیبراهیم و ئیسحاق و یەعقوبیمە . خودێ نە خودایێ مرییایە، بەلكو یێ زیندییانە.»
- 33
- دەمێ خەلكی گوهـ ل ڤێ بووی، ژ بەر فێركرنا وی سەرخلولە بوون. \s شیرەتا مەزن
- 34
- بەلێ دەمێ فەریسیان گوهـ لێ بووی، كو عیسای سەدوقی یێن بێدەنگ كرین، دگەل ئێك كومبوون
- 35
- و ئێك ژ وان ئەڤ پرسیارە ژێكر و تاقیكر، ئەو ژی زانایێ دەستوری بوو:
- 36
- «ئەی مامۆستا، شیرەتا مەزنان د دەستوری دا چییە.»
- 37
- بەرسڤا وی دا: « ژ هەمی دل و دەروون و هزرا خۆ حەز ژ خودایێ خویێ خودان بكە .
- 38
- ئەڤەیە شیرەتا مەزنترین و پێشی.
- 39
- و یا دووێ ژی: تۆ چەوا حەز ژ خۆ دكەی؛ وەسا حەز ژ نێزیكێن خۆ ژی بكە .
- 40
- ب ڤان هەردوو شیرەتان دەستور و پەیامێن پێغەمبەران پێڤە دگرێداینە.» \s كوڕێ داوودی
- 41
- دەمێ فەریسی پێكڤە كومبووین، عیسا ژێ پرسی:
- 42
- «هوین دەربارەی مەسیحی چ دبێژن: ئەو كوڕێ كێیە؟» بەرسڤا وی دا: «كوڕێ داوودییە.»
- 43
- ژ وان پرسی: «پا ئەڤجا هوین چەوا داوود ب گیانێ پیرۆز وی خودانی ناڤدكەت؛ دبێژن:
- 44
خودانی گۆتە خودانێ من:
ل لایێ منێ راستێ بروینە
تاكو ئەز دوژمنێن تە بكەمە دبن پێن تەڤە.- 45
- ئەڤجا ئەگەر داوود وی ب خودان ناڤ دكەت، دێ چەوا بیتە كوڕێ وی؟»
- 46
- كەس ژ وانا نەشیا خۆ ب پەیڤەكێ ژی بەرسڤا وی بدەت. و ژ وێ رۆژێ وەرە كەس نەدوێریا پرسیارا ژێ بكەت.
