عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- عیسای ددەنە دەستێ والی پیلاتوسی
- 1
- دەمێ بوویە سپێدە، سەرۆكێن كاهنان و ریهسپیێن مللەتی پیلانەك ل سەر عیسای گرێدا، دا سزایێ مرنێ بدەنێ.
- 2
- پاشی ئەو گرێدا و بر و دا دەستێ والی پیلاتوسێ. \s خۆ كوشتنا یەهودا
- 3
- دەمێ یەهودای عیسا دایە دەست، دیت كو ئەو هاتە دادكرن، ئینا پەشێمان بوو و ئەو سیهـ زیڤ بۆ سەرۆكێن كاهنان و ریهسپیان ڤەگێرانەڤە
- 4
- و گۆت: «من گونەهـ كر، كو خوینەكا بێ گونەهـ یا دایە دەست هەوە.» وان بەرسڤا وی دا: «ئەڤە نە ئارێشا مەیە، بەلكو تۆ چارێ ببینە!»
- 5
- وی زیڤ هاڤێتنە پەرستگەهی، پاشی چوو خۆ سێدارە دا.
- 6
- سەرۆكێن كاهنان زیڤ هەلگرتن و گۆت: «ئەڤە پارێن خوینێنە، ژ بەر هندێ چێ نابیت بكەینە د سندوقا پەرستگەهێ دا.»
- 7
- و پشتی دانوستاندنا، ب وی پارەی زەڤیا فخواریی كڕی دا بۆ بیانیان ببیتە گۆڕستان.
- 8
- و ژ بەر هندێ هەتا ئەڤرۆ دبێژنێ زەڤیا خوینێ.
- 9
- هنگی ئەو پەیڤا ب زمانێ یەرمیا پێغەمبەر هاتییە گۆتن ب جهـ هات: وان سیهـ زیڤ وەرگرتن، كو بهایێ وی بوو ل دویڤ نرخاندنا هندەك كوڕێن ئیسرائیلی،
- 10
- و وان بهایێ زەڤیا فخواری زیڤ دان، هەروەكو خودێ فەرمان ب من كری.
- پیلاتوس ژ عیسای دپرسیت
- 11
- عیسا بەرامبەری والی راوەستیا. والی پرسیار ژێ كر: «ئەرێ تۆ پاشایێ جوهییای؟» بەرسڤا وی دا: «تە گۆت.»
- 12
- و دەمێ سەرۆكێن كاهنان و ریهسپیان ئەو تاوانبار دكر، وی چ بەرسڤ نەدان.
- 13
- ئەڤجا پیلاتوسی گۆتە وی: «ما تە گوهـ لێ نینە ئەو چەوا ب گرانی شاهدەیێ ل سەر تە ددەن؟»
- 14
- بەلێ عیسای خۆ ب پەیڤەكێ ژی بەرسڤا والی نەدا، هەتا والی حنێر گرتی بووی.
- دادكرنا عیسای ب مرنێ
- 15
- ژ رەوشتێ والی بوو، كو ل هەر جەژنەكێ گرتیەكێ كو خەلك بخوازیت، سەربەست دكر.
- 16
- و وی دەمی گرتیەكێ ب ناڤدار هەبوو دگۆتنێ باراباس.
- 17
- ئەڤجا دەمێ ئەو دكووم، پیلاتوسی پرسیار ژێ كر: «هەوە كی دڤێت بۆ هەوە سەربەست بكەم: باراباس یان ژی عیسایێ دبێژنێ مەسیح؟»
- 18
- چنكو وی دزانی وان ژ چاڤچنوكی عیسا دایە دەست.
- 19
- و دەمێ ئەوێ ل سەر تەختێ دادی روینشتی، ژنا وی ئێك هنارتە نك، گۆتێ: «هشیار بە چ تشتی دژی وی مرۆڤێ راست نەكەی! چنكو ئەڤروكە ژ بەر وی د خەونێ دا ئەز گەلەكا خەمبار بووم.»
- 20
- بەلێ سەرۆكێن كاهنان و ریهسپیێن خڕڤەبووی خەلك پالدان، داكو داخوازا سەربەستكرنا باراباسی و كوشتنا عیسای ب جهـ بینن.
- 21
- ئەڤجا پیلاتوسی بەرسڤا وان دا: «كی ژ هەردووكان هەوە دڤێت ئەز بۆ هەوە سەربەست بكەم؟» وان بەرسڤ دا: «باراباسی.»
- 22
- پیلاتوسی گۆتە وان: «پا ئەز چ ل عیسایێ دبێژنێ مەسیح بكەم؟» هەمیان بەرسڤ دا: «بلا بهێتە خاچدان.»
- 23
- وی پرسیار كر: «ما وی چ خرابی كرییە؟» وان پتر كرە گازی: «بلا بهێتە خاچدان!»
- 24
- دەمێ پیلاتوسی دیتی چ مفا نینە، بەلكو تێكچوون زێدەتر لێهات، ئاڤ ئینا و بەرامبەری خڕڤەبوویان دەستێن خۆ شویشتن و گۆت: «ئەزێ ژ خوینا ڤی مرۆڤێ راست و دروست بێ گونەهم. ئەڤە كارێ هەوەیە!»
- 25
- و خەلكێ هەمیێ بەرسڤ دا: «بلا خوینا وی ل سەر ستویێ مە و زارۆكێن مە بیت!»
- 26
- پاشی باراباس سەربەستكر، بەلێ عیسا قامچی دا، پاشی دا خاچدانێ. \s سەرباز ترانا ب عیسا دكەن
- 27
- هنگی سەربازێن والی عیسا برە كوچكا والی و هەمی سەربازێن بەتەلیونێ ل وی كومكرن.
- 28
- و جلكێن وی ژ بەر كرن و كوركەكێ قورمزی كرە بەر
- 29
- و تاجەكا ستری یا ڤەهاند و دانا سەر سەرێ وی و لەڤەنەك كرە دەستێ وی یێ راستێ و ل بەر سینگێ وی خۆ دچەماند و ترانە پێكرن و دگۆتن: «سلاڤ ئەی پاشایێ جوهیان!»
- 30
- و تف كرنێ و لەڤەن ژێ ستاند و ل سەری دان
- 31
- و پشتی ترانە پێ كرین، كورك ژ بەر كر و جلكێن وی كرنە بەر و برنە خاچدانێ. \s عیسا ل سەر خاچێ
- 32
- دەمێ كو دەركەفتینە دەرڤە، وان زەلامەك قیرینێ دیت ناڤێ وی شەمعون بوو و لەشكەران نەچاركر، كو ئەو خاچا وی ببەت.
- 33
- و دەمێ ئەو گەهشتینە وی جهێ دگۆتنێ چەلچەتە - ئانكو جهێ كلوخ -
- 34
- مەیەكا دگەل زەرداڤێ تێكەل دانە عیسای دا ڤەخوت، بەلێ دەمێ تامكریێ قاییل نەبوو ڤەخوت.
- 35
- پاشی ئەو خاچ دا و جلكێن وی پشك هاڤێتێ و ل خۆ لێكڤەكرن
- 36
- و ل وێرێ روینشتن زێرەڤانیا وی دكر.
- 37
- و تاوانا وی ل هنداڤ سەرێ وی هەلاویست، كو نڤیسی بوو: «ئەڤە عیسایێ پاشایێ جوهیان».
- 38
- دگەل وی دوو رێگر ل خاچێ دان، ئێك ل لایێ راستێ و یێ دی ل چەپێ.
- 39
- و ئەڤێن هاتن و دچوون جڤین دانێ و سەرێن خۆ دهەژاندن
- 40
- و دگۆتن: «ئەی ئەوێ پەرستگەهێ د سێ رۆژان دا دهەرفیت و ئاڤا دكەت، خۆ قورتالكە! ئەگەر تۆ كوڕێ خودێی ژ خاچێ وەرە خوار.»
- 41
- هەروەسا سەرۆكێن كاهنان و مامۆستایێن دەستوری و ریهسپیان، ب ترانەڤە دگۆتن:
- 42
- «هندەكێن دی قورتالكرن، بەلێ نەشێت خۆ قورتال كەت! ئەڤەیە پاشایێ ئیسرائیلی؟ بلا نوكە ژ خاچێ بهێتە خوار، دێ باوەریێ پێ بینین.
- 43
- خۆ ب هیڤیا خودێ ڤە هێلا، ئەگەر خودێ ئەو بڤێت بلا نوكە وی قورتال كەت، چنكو وی گۆتبوو: ”ئەز كوڕێ خودێ مە!“»
- 44
- و ئەو رێگرێن دگەل وی خاچ دایین ژی ب ڤی رەنگی ترانە پێ دكرن.
- عیسا گیانی ژ دەست دەت
- 45
- ژ دەمژمێر دوازدەی نیڤرو هەتا سێی پشتی نیڤرو، هەمی ئەرد تاری بوو.
- 46
- و نێزیكی دەمژمێر سێ عیسای ب دەنگەكێ بلند كرە هەوار: « ئێلی ئێلی، لەما شەبەختەنی؟ » ئانكو: « خودێ من، خودێ من بۆچی تە ئەز هێلام ؟»
- 47
- دەمێ هندەكێن ل وێرێ راوەستیان گوهـ ل وی بووی، گۆتن: «ئەوێ گازی ئیلیای دكەت.»
- 48
- و دەملدەست ئێك ژ وان كرە غار و ئیسفەنجەك د خەلێ هەلاند و دانا سەر لەڤەنەكی و بۆ وی بر دا ڤەخوت.
- 49
- بەلێ ئەوێن مایین گۆت: «بهێلە دا ببینین كا دێ ئیلیا وی قورتال كەت.»
- 50
- ئێدی عیسای جارەكا دی ب دەنگەكێ بلند كرە هەوار و گیان ژێ چوو.
- 51
- و پەردێ پەرستگەهێ ژ سەری هەتا بنی دڕیا و بوو دوو پارچە و بیڤەلەرز چێبوو و كەڤر كەر كەر بوون
- 52
- و گۆڕ ڤەبوون و گەلەك لەشێن پیرۆزێن مری، رابوون.
- 53
- ئەو ژ گۆڕان دەركەفتن و پشتی رابوونا عیسای چوونە د باژێرێ پیرۆز ڤە و گەلەكان ئەو دیتن.
- 54
- بەلێ دەمێ سەرپەل و سەربازێن وی یێن زێرەڤانیا عیسای دكر ئەو بیڤەلەرز و رویدانێن دی دیتین ترسەكا مەزن گرتن و گۆتن: «ئەو ژ راستان كوڕێ خودێ بوو.»
- 55
- و ل وێرێ گەلەك ژن ژ جەلیل هەبوون ئەوێن ب دویڤ عیسای كەفتین و خزمەتا وی دكر. وان ژ دویرڤە سەح دكرێ
- 56
- و د ناڤ وانا دا مەریەما مەجدەلی و مەریەما دایكا یەعقوبی و یوسڤی و دایكا كوڕێن زەبەدی بوون. \s ڤەشارتنا تەرمێ عیسای
- 57
- دەمێ بوویە ئێڤار، زەلامەكێ دەولەمەند ژ باژێرێ رامە هات، ناڤێ وی یوسڤ بوو و شاگردێ عیسای بوو.
- 58
- چوو نك پیلاتوسی و داخوازا تەرمێ عیسای كر، ئەڤجا پیلاتوسی فەرمان دا، كو تەرمێ وی بدەنە ڤێ.
- 59
- ئەڤجا یوسڤی تەرم بر و ب كتانەكێ پاقژ كفن كر
- 60
- و كرە دگۆڕێ خویێ نویێ دكەڤرێ لاتێ كولای دا و پاشی بەرەكێ مەزن گێر كرە بەر دەرێ گۆڕی و چوو.
- 61
- و مەریەما مەجدەلی و مەریەما دی ل بەرامبەری گۆڕی دروینشتی بوون. \s زێرەڤانیا گۆڕی
- 62
- رۆژا پاشتر، یاكو پشتی رۆژا بەرهەڤبوونێ، سەرۆكێن كاهنان و فەریسی پێكڤە چوونە نك پیلاتوسی
- 63
- و گۆتن: «ئەزبەنی، بیرا مە هات، كو وی نەوەیی گۆتبوو دەمێ یێ ساخ: ”ئەز دێ پشتی سێ رۆژان رابم.“
- 64
- ئەڤجا فەرمانەكێ بۆ زێرەڤانیا گۆڕی بدە، هەتا كو رۆژا سیێ، نەوەكو شاگردێن وی بهێن و بدزن و بێژنە مللەتی: ”ئەو یێ ژ ناڤ مریان رابووی.“ چنكو دێ خاپاندنا دوماهیێ ژ یا ئێكێ خرابتر بیت.»
- 65
- پیلاتوسی بەرسڤا وان دا: «زێرەڤان لبەر دەستێ هەوە؛ هەرن، وەكو هوین دزانن وەسا گۆڕی بپارێزن.»
- 66
- ئەڤجا دگەل كوما سەربازان چوون و بەر مور كر و زێرەڤان دانانە بەر گۆڕی.
