عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- گۆتارا سەر چیای
- 1
- دەمێ وی خەلكێ خڕڤەبووی دیتی سەركەفتە چیایی و روینشت و شاگردێن وی نێزیكی وی بوون.
- 2
- ئاخفت و دەست ب فێركرنا وان كر و گۆت:
- 3
خوزیكێن وانێن ب گیانی دهەژار،
چنكو پاشاتیا ئەسمانی بۆ وانە.- 4
- خوزیكێن وانێن خەمبار،
چنكو دێ هێنە دلشادكرن. - 5
- خوزیكێن دەروون بچویكان،
چنكو ئەرد دێ بۆ وان میرات بیت. - 6
- خوزیكێن برسی و تێهنیێن باشیێ،
چنكو ئەو دێ هێنە تێركرن. - 7
- خوزیكێن دلوڤانان،
چنكو دێ دلوڤانی هێتە رێكا وان. - 8
- خوزیكێن دلپاقژان،
چنكو ئەو دێ خودێ بینن. - 9
- خوزیكێن دانەرێن ئاشتیێ،
چنكو دێ بێژنە وان كوڕێن خودێ. - 10
- خوزیكێن وانێن ژ بەر باشیێ تەپەسەر دبن،
چنكو پاشاتیا ئەسمانان بۆ وانە. - 11
- خوزیكێن هەوە دەمێ ژ بەر من، هەوە كرێت و تەپەسەر دكەن و ژ درەو ڤە هەمی رەنگێن خراب ب هەوە ڤەدنن؛
- 12
- دلشاد و بەختەوەر بن، ژ بەر كو خەلاتێ هەوە ل ئەسمانان یێ مەزنە؛ چنكو وان هوسا پێغەمبەرێن بەری هەوە ژی تەپەسەر دكرن! \s خوێ و روناهی
- 13
- هوین خوێیا ئەردینە؛ بەلێ ئەگەر خوێ سویراتیا خۆ بەردا، چەوا دێ جارەكا دی سویر بیتە ڤە؟ ئێدی ب كێر چ ناهێت ژبلی كو بۆ ژ دەرڤە بهێتە هاڤێتن و خەلك پێ لێ دانیت!
- 14
- هوین روناهیا جیهانێنە. باژێرەكێ ل سەر چیای ئاڤاكری ناهێتە ڤەشارتن.
- 15
- خەلك چرای هەلناكەت و بنخێڤیت، بەلێ ددانیتە جهەكێ بلند دا روناهیێ بدەتە هەمی كەسێن د مالێ ڤە.
- 16
- بلا ب ڤی رەنگی روناهیا هەوە بەرامبەری خەلكی روهن بكەت، دا كارێن هەوە یێن چاك ببینن و بابێ هەوە یێ ل ئەسمانان مەزن بكەن. \s تەمامكرنا دەستوری
- 17
- هزر نەكەن ئەزێ هاتیم دەستوری یان پێغەمبەران راكەم، نەخێر ئەزێ هاتیم تەمام كەم.
- 18
- ب راستی ئەز دبێژمە هەوە هەتا ئەرد و ئەسمان رانەبن، تیپەك یان خالەك ژ دەستوری ناهێتە راكرن هەتا هەمی تشت ب جهـ نەهێن.
- 19
- ژ بەر هندێ هەر كەسێ ئێك ژ بچویكترین ڤان فەرمانان ب جهـ نەئینیت و خەلك فێری وێ چەندێ كر، دێ ل پاشاتیا ئەسمانان بێژنێ بچویكترین، بەلێ ئەوێ ب جهـ بینیت و خەلك فێركریێ، دێ د پاشاتیا ئەسمانان دا بێژنێ مەزن.
- 20
- ئەڤجا ئەز دبێژمە هەوە، ئەگەر راستیا هەوە ژ یا فەریسیان و مامۆستایێن دەستوری زێدەتر نەبیت، چ جاران هوین ناچنە د ناڤ پاشاتیا ئەسمانان دا. \s كوشتن
- 21
- هەوە یا گوهـ لێ بووی، كو یا گۆتییە خەلكی بەرێ: كوشتنێ نەكەن و هەر كەسێ كوشتنێ بكەت؛ پێدڤی سزاكرنێیە،
- 22
- بەلێ ئەز دبێژمە هەوە هەر كەسێ ژ برایێ خۆ توڕە بیت، پێدڤی سزاكرنێیە و هەر كەسێ بێژیتە برایێ خۆ «ئەی نەزان» یێ پێدڤییە ل بەر جڤاتا بلند بهێتە دادگەهكرن و هەر كەسێ بێژیت «ئەی ئێڤەلی!» پێدڤی ئاگرێ دوزەخێیە.
- 23
- ئەڤجا ئەگەر تە ل قوربانگەهێ خەلاتێ خۆ پێشكێش كر و ل وێرێ هاتە بیرا تە، كو برایێ تە تشتەكێ ل سەر تە هەی،
- 24
- خەلاتێ خۆ لبەر قوربانگەهێ بهێلە و هەرە برایێ خۆ ئاشت بكە و پاشی وەرە خەلاتێ خۆ پێشكێش بكە.
- 25
- لەزێ بكە هێشتا هوین د رێكا دادگەهێ دا دگەل هەڤدژێ خۆ پێك وەرە، ئەگەر نە دێ ئەو تە دەتە دەستێ دادوەری، دادوەر ژی دێ تە دەتە دەستێ زێرەڤانی و دێ تە هاڤێنە د زیندانێ دا.
- 26
- ب راستی ئەز دبێژمە تە، كو تۆ ژ وێرێ دەرناكەڤی؛ هەتا تۆ فلسێ دوماهیێ ژی نەدەی.
- دەهمەنپیسی
- 27
- هەوە یا گوهـ لێ بووی، كو یا گۆتی: دەهمەنپیسیێ نەكە
- 28
- بەلێ ئەز دبێژمە هەوە هەر كەسێ ب چاڤەكێ خراب سەحكەتە ژنكەكێ، دەهمەنپیسی د دلێ خۆ دا دگەل وێ كرییە.
- 29
- ئەگەر چاڤێ تەیێ راستێ بوو ئەگەرێ گونەهان، بینە دەرێ و بهاڤێژە. بۆ تە چێترە پارچەكا لەشێ تە كێم بیت، نەكو هەمی لەشێ تە د دوزەخێ دا بهێتە سۆتن.
- 30
- و ئەگەر دەستێ تەیێ راستێ ببیتە ئەگەرێ گونەهان، وی دەستی ببرە و بهاڤێژە. چێترە بۆ تە پارچەكا لەشێ تە كێم بیت، نەكو هەمی لەشێ تە د دوزەخێ دا بهێتە سۆتن. \s ژن بەردان
- 31
- یا هاتییە گۆتن: هەر كەسێ ژنا خۆ بەردەت، پێدڤییە باوەرناما بەردانێ بدەتێ.
- 32
- بەلێ ئەز دبێژمە هەوە هەر كەسێ ژنا خۆ نە ژ بەر دەهمەنپیسیێ بەردەت، دبیتە ئەگەرێ هندێ، كو ئەو ژن ببیتە دەهمەنپیس و هەر كەسێ ژنا بەردای بۆ خۆ بینیت؛ دەهمەنپیسیێ دكەت.
- سویند
- 33
- هەروەسا، هەوە یا گوهـ لێ بووی، كو یا گۆتییە خەلكێ بەرێ: سویندا خۆ نەشكێنە، بەلێ ئەو سۆزا تە بۆ خودانی دای ب جهـ بینە.
- 34
- بەلێ ئەز دبێژمە هەوە، قەت سویند نەخون: نە ب ئەسمانی، چنكو ئەو تەختێ خودێیە
- 35
- و نە ب ئەردی، چنكو ئەو جهێ پێن وییە و نە ب ئورشەلیمێ، چنكو ئەو باژێرێ پاشایێ مەزنە
- 36
- و نە ب سەرێ خۆ ژی، چنكو تۆ نەشێی مویەكێ ب تنێ ژێ سپی یان رەش بكەی.
- 37
- بلا ئاخفتنا هەوە، ”بەلێ“ ”بەلێ“ بیت و ”نەخێر“ ”نەخێر“ بیت و ژ ڤێ پێڤەتر، ژ خرابیێ یە.[a]
- چاڤ ب چاڤییە
- 38
- هەوە یا گوهـ لێ بووی، كو یا گۆتی: چاڤ ب چاڤییە و ددان ب ددانی.
- 39
- بەلێ ئەز دبێژمە هەوە، دەستێ خۆ بەرامبەری یێ خراب رانەكە. ئەگەر ئێكی شەقەك ل رویێ تەیێ راستێ دا، رویێ خویێ چەپێ ژی بدە بەر.
- 40
- و ئەگەر ئێكی دڤیا تە ببەتە دادگەهێ، داكو كراسێ تە ژ تە بستینیت، كوركێ خۆ ژی بۆ بهێلە
- 41
- و ئەگەر ئێكی تۆ نەچار كری میلەكی دگەل بچی، تۆ دوو میلان دگەل هەرە.
- 42
- بدە وی كەسێ ژ تە بخوازیت و ئەو كەسێ قەرەكی ژ تە بخوازیت بێ هیڤی فرێ نەكە.
- حەز ژ دوژمنێن خۆ بكەن
- 43
- هەوە یا گوهـ لێ بووی، كو یا گۆتی: حەز ژ نێزیكێن خۆ بكەن و كەربێن خۆ ژ دوژمنێن خۆ ڤەكەن.
- 44
- بەلێ ئەز دبێژمە هەوە، حەز ژ دوژمنێن خۆ بكەن و ئەو كەسێن نەفرەتا ل هەوە دكەن پیرۆز بكەن، ئەوێن نەحەزیا هەوە دكەن؛ دگەل وان دباش بن و نڤێژان بۆ وان كەسێن نەحەقی و زولمێ ل هەوە دكەن؛ بكەن
- 45
- دا ببنە كوڕێن بابێ خۆ ئەوێ ل ئەسمانی، ئەوێ رۆژا خۆ ل سەر باش و خرابان دهەلینیت و بارانێ ل سەر بێگونەهـ و گونەهباران دبارینیت.
- 46
- ما چ خەلات د هندێ دایە، كو هوین حەز ژ وان بكەن یێن هوین دڤێن؟ ما باجگر ژی ڤێ چەندێ ناكەن؟
- 47
- و ئەگەر هەوە ب تنێ سلاڤی برایێن خۆ كر، ئەرێ ما تۆ تشتەكی ژ كارێن رەوشتێ پتر دكەی؟ ما پەیكەر پەرێس ژی هەر وە ناكەن؟
- 48
- بێ كێماسی بن هەروەكو بابێ هەوەیێ ئەسمانی یێ بێ كێماسی.
- a. ئانكو: "ژ یێ خراب دهێت"
