عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- هاریكاریا هەژاران
- 1
- هشیار بن راستیا خۆ ل پێش چاڤێن خەلكی نەكەن، داكو سەحكەنە هەوە و بزانن، چنكو هنگی هەوە خەلات ل نك بابێ خویێ ل ئەسمانان نامینیت.
- 2
- ئەگەر تە خێرەك ل ئێكی كر، تۆ ل پێشیا خۆ پف نەكە بوریزانێ وەكو مرۆڤێن دووروی ل جادە و كنیشتان دكەن، دا خەلك پەسنا وان بكەن. ب راستی دبێژمە هەوە، وان خەلاتێ خۆ وەرگرتییە.
- 3
- بەلێ دەمێ تۆ خێرەكی ددەیە هەژاران، نەهێلە دەستێ تەیێ چەپێ بزانیت كا دەستێ تەیێ راستێ چ دكەت،
- 4
- داكو دانا تە یا ب نەپەنی بیت و بابێ تە ئەوێ نەپەنیان دبینیت، دێ تە خەلات كەت.
- نڤێژكرن
- 5
- و دەمێ هوین نڤێژان دكەن، وەكو دوورویان نەبن، ئەوێن حەز دكەن ل كنیشتان و دوورویانا جادان براوەستن و نڤێژان بكەن، داكو خەلك ببینن؛ ب راستی دبێژم هەوە، وان خەلاتێ خۆ وەرگرتییە.
- 6
- بەلێ دەمێ تۆ نڤێژێ دكەی، هەرە د ژۆرا خۆ ڤە و دەرگەهی بگرە و بۆ بابێ خۆ ئەوێ نەبەرچاڤ نڤێژان بكە و بابێ تە ئەوێ نەپەنیان دبینیت دێ تە خەلات كەت.
- 7
- و دەمێ هوین نڤێژان دكەن، پربێژ نەبن؛ وەكو پەیكەرپەرێسا، چنكو یا ژ وان ڤە چەند زێدە باخڤن دێ پتر هێنە گوهداركرن.
- 8
- ئەڤجا وەكو وان نەبن، چنكو بابێ هەوە دزانیت كا هەوە چ دڤێت بەری هوین داخواز ژێ بكەن.
- 9
- ئەڤجا هوین نڤێژان هوسا بكەن:
بابێ مە ئەوێ ل ئەسمانان
بلا ناڤێ تە پیرۆز بیت! - 10
- بلا پاشاتیا تە بهێت!
بلا ئەوا تە دڤێت ل سەر ئەردی بهێتە كرن،
وەكو یا ل ئەسمانان دهێتە كرن! - 11
- نانێ مەیێ ئەڤرۆ بدە مە
- 12
- و ل قەرێن مە ببورە؛ هەروەكو ئەم ل قەردارێن خۆ دبورین
- 13
- و مە نە ئێخە د تاقیكرنێ دا، بەلێ مە ژ خرابیێ قورتال بكە،
- 14
- چنكو ئەگەر هوین ل شاشیێن خەلكی بورین، دێ بابێ هەوە ئەوێ ل ئەسمانان ل شاشیێن هەوە ژی بوریت
- 15
- و ئەگەر هوین ل خەلكێ نە بورن، بابێ هەوە ل هەوە ژی نابوریت. \s رۆژی
- 16
- دەمێ هوین رۆژیان دگرن ناڤ چاڤێن خۆ تێك نەدەن، هەروەكو دووروی دكەن، چنكو ئەو ناڤ چاڤێن خۆ تێك ددەن؛ دا بۆ خەلكی دیار بكەن، كو ئەو ب رۆژینە. ب راستی دبێژمە هەوە وان خەلاتێ خۆ وەرگرتییە.
- 17
- بەلێ دەمێ تۆ رۆژیێ دگری دێمێ خۆ بشو و سەرێ خۆ روین بكە،
- 18
- دا بۆ خەلكی دیار نەبیت تۆ یێ ب رۆژی، بەلێ بۆ بابێ خویێ نەبەرچاڤ؛ بابێ تە ئەوێ نەپەنیان دبینیت، دێ تە خەلات كەت. \s خزینا دروست
- 19
- خزینا ل سەر ئەردی كوم نەكەن، چنكو ل وێرێ دێ ژەنگ و خوێرك خوتن و دێ دزیكەر كونكەن و دزن،
- 20
- بەلێ خزینا بۆ خۆ ل ئەسمانی دانن، چنكو ل وێرێ ژەنگ و خوێرك ناخون و دزیكەر كون ناكەن و بدزن،
- 21
- چنكو خزینا تە ل كیرێیە؛ دێ دلێ تە ژی ل وێرێ بیت!
- 22
- چاڤ چرایێ لەشییە. ئەڤجا ئەگەر چاڤێ تە یێ باش بیت؛ دێ لەشێ تە هەمیێ ب روناهی بیت.
- 23
- ئەگەر چاڤێ تە یێ چەوت بیت؛ دێ لەشێ تە هەمیێ تاری بیت. ئەگەر ئەو روناهیا تە تاری بوو، چەند تارستانەكا دژوارە! \s دوو خودان
- 24
- چێنابیت كەسەك كۆلەیێ دوو خودانان بیت، چنكو دێ كەرب ژ ئێك ژ وان ڤەبیت و دێ حەز ژ یێ دی كەت یان دێ دلسۆزێ ئێكی بیت و پویتەی ب یێ دی ناكەت. هوین نەشێن پێكڤە كۆلەیێ خودێ و پارەی بن. \s خودێ چاڤێ خۆ ل مە دكەت
- 25
- ژ بەر هندێ ئەز دبێژمە هەوە: دەربارەی ژیانا خۆ خەمێ ژ خوارن و ڤەخوارنێ نەخون، هەروەسا دەربارەی لەشێ خۆ خەمێ ژ هندێ نەخون، كا دێ چ كەنە بەرخو، ئەرێ ما ژیان ب تنێ خوارنە؟ و لەش ژی ب تنێ ل بەركرنە؟
- 26
- بەرێ خۆ بدەنە بالندێن ئەسمانان: ئەو ناچینن و نادورین و كوار ناكەن و بابێ هەوە یێ ئەسمانی وان ب خودان دكەت. ئەرێ ما هوین گەلەك ژ وان ب بهاتر نینن؟
- 27
- ما كی ژ هەوە ب خەمخوریێ دشێت دەمژمێرەكێ ژیێ خۆ درێژ بكەت؟
- 28
- ئەڤجا ژ بەر چ هوین خەمێن جل و بەرگان دخون؟ بەرێ خۆ بدەنە كولیلكێن چۆلی چەوا شین دبن، نە دخەبتن و نە درێسن،
- 29
- بەلێ ئەز دبێژمە هەوە: هەتا سلێمانی د گوپیتكا مەزناهیا خۆ دا وەكو ئێك ژ ڤانا جلێن جوان ل بەرخو نەكرینە!
- 30
- ئەگەر خودێ هوسا گیایێن چۆلی ب جل و بەرگ بئێخیت، هەرچەندە ئەڤروكە یێن هەین و سوبەهی دێ هاڤێژنە د ناڤ كوچكی دا، ئەرێ گەلی كێمباوەران، ما خودێ جلكان پتر ناكەتە بەر هەوە؟
- 31
- ئەڤجا خەمان نەخون و بێژن: «ئەم دێ چ خوین؟» یان «ئەم دێ چ ڤەخوین؟» یان «ئەم دێ چ ل بەرخو كەین؟»،
- 32
- چنكو هەمی گاور بزاڤێ بۆ ڤان تشتان دكەن و بابێ هەوە یێ ئەسمانی ب ڤان پێدڤیێن هەوە هەمیان یێ ئاگەهدارە،
- 33
- بەلێ هوین بزاڤێ ل پێشیێ بۆ پاشاتیا خودێ و راستیا وی بكەن، دێ ئەڤە هەمی ژی ب دەست هەوە ڤە هێن؛
- 34
- ژ بەر ڤێ چەندێ خەما سوبەهی نەخون، چنكو سوبەهی دێ خەمێ ژ خۆ خوت؛ هەر رۆژەكێ تێرا وێ دەردێن خۆیێن هەین!
