عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- نموونەیا تۆڤچینی
- 1
- عیسای جارەكا دی ل رەخێ گۆلێ دەست ب فێركرنێ كر. جەماوەرەكێ زۆر ل دور وی خڕڤەبوو، تا كو ل قاییكەكێ سیار بووی، ئەوا د گۆلێ دا، تێدا روینشت و خەلك هەمی ل سەر لێڤێن گۆلێ ل ئەردی بوون.
- 2
- ئەو ب نموونەیان فێری گەلەك تشتان دكرن. د فێركرنا خۆ دا گۆتە وان:
- 3
- «هشیار بن و گوهێ خۆ بدەنێ! تۆڤچین دەركەفت دا تۆڤی بچینیت.
- 4
- دەمێ وی تۆڤ دهاڤێت، هندەك تۆڤ كەفتە سەر رێكێ، ئینا بالندە هاتن و خوار.
- 5
- هندەك ژی كەفتە سەر تەحتەكێ كێم ئاخ. زوی شین بوو، چنكو ئاخا وی نە یا كویر بوو.
- 6
- دەمێ رۆژ هەلاتی سۆت، و چنكو یێ بێ رەهـ بوو، هشك بوو.
- 7
- هندەك تۆڤ كەفتە د ناڤ ستریان دا، ستری شین بوون و خەندقاند و چ بەر نەدا.
- 8
- هندەك تۆڤ ژی كەفتە ئەردەكێ باش، ئینا شین بوو و رابوو و بەر گرت، هندەكان بەرێ وان سیهـ جاركی بوو و هندەكان شێست بوو و هندەك ژی سەد بوو.»
- 9
- پاشی عیسای گۆت: «هەر كەسێ گوهـ بۆ گوهداریێ هەبن، بلا ببهیسیت.»
- ئارمانجا نموونەیان
- 10
- دەمێ عیسا مایە ب تنێ، ئەوێن ل دەوروبەرێن وی و هەر دوازدان پرسیارا رامانا نموونەیێ ژێ كر،
- 11
- گۆتە وان: «یا بۆ هەوە هاتییە دان، كو نهێنیا پاشاتیا خودێ بزانن، لێ بۆ ئەوێن ژ دەرڤە، هەمی تشت ب نموونەیان دهێتە گۆتن
- 12
- دا ب چاڤ ڤەكری بنێرن، لێ نابینن
و گوهداریێ بكەن، لێ تێناگەهن
نەكو ب زڤڕنەڤە ئەڤجا ل گونەهێن وان بهێتە بورین. » - رامانا نموونەیا تۆڤچینی
- 13
- پاشی گۆتە وان: «ما هوین د ڤێ نموونەیێ نەگەهشتن، پا چەوا دێ د هەمی نموونەیێن دی گەهن؟
- 14
- تۆڤچین پەیڤێ دچینیت.
- 15
- ئەوێن ل سەر رێكێ ئەڤەنە: ل هەر جهێ پەیڤ لێ دهێتە چاندن، دەمێ گوهـ لێ دبن، ئێكسەر ئبلیس دهێت و پەیڤا د دلێ وان دا هاتییە چاندن، هەلدكێشیت.
- 16
- هەروەسا ئەوێن ل سەر تەحتەكی دهێنە چاندن ئەڤەنە، كو دەمێ گوهـ ل پەیڤێ دبن زوی ب دلخۆشی وەردگرن
- 17
- و وان چ رەهـ نینن، ئەو ددۆمكورتن؛ ئەڤجا دەمێ تەنگاڤیەك یان ژی تەپەسەریەك ژ سەخمەراتی پەیڤێ بۆ وان چێ دبیت، ئێكسەر دهەلنگڤن.
- 18
- و هندەكێن دی ئەون یێن د ناڤ ستریان دا هاتینە چاندن، ئەڤەنە ئەوێن گوهـ ل پەیڤێ بووی،
- 19
- لێ خەمێن ڤێ جیهانێ و خاپاندنا دەولەمەندیێ و حەژێكرنا تشتێن دی، دكەڤیتە د ناڤ وان دا و پەیڤێ دخەندقینن و پەیڤ بێبەر دبیت.
- 20
- ئەوێن ل ئەردێ باش هاتینە چاندن ئەڤەنە: ئەوێن گوهێ خۆ ددەنە پەیڤێ و وەردگرن، هندەك سیهـ جاركی، هندەك شێست جاركی و هندەك سەد جاركی بەری ددەن.»
- نموونەیا چرای
- 21
- و گۆتە وان: «ئەرێ ئێك چرایەكی دئینیت، دا ل بن سەلكێ یان ژی ل بن تەختی دانیت؟ ما نە دا ل سەر جهەكێ بلند بدانیت؟
- 22
- چ تشتێ ڤەشارتی نینە ئاشكرا نەبیت و هەر تشتێ نخافتی دێ دیار بیت.
- 23
- هەر كەسێ گوهـ بۆ گوهداریێ هەبن، بلا گوهێ خۆ بدەتێ.»
- 24
- گۆتە وان: «بنێرن تشتێ هوین گوهداریێ دكەن! ب چ پیڤان هوین دپیڤن، دێ بۆ هەوە ژی ب وێ هێتە پیڤان و دێ بۆ هەوە زێدەتر بیت،
- 25
- چنكو ئەوێ هەی دێ لێ زێدە بیت و هەر كەسێ نەبیت، ئەوێ وی هەی ژی دێ ژێ هێتە ستاندن.»
- نموونەیا تۆڤێ شین دبیت
- 26
- و گۆت: «پاشاتیا خودێ هوسایە: مرۆڤەكی تۆڤ دهاڤێتە سەر ئەردی.
- 27
- و دێ ب شەڤێ نڤیت و ب رۆژێ رابیت و تۆڤ یێ دەركەفتی و بلند بووی و ئەو نزانیت چەوا.
- 28
- ئەرد ب خۆ بەری ددەت، ل پێشیێ گیا دەردكەڤیت، پاشی گولی، پاشی گولیەكا تژی گەنم.
- 29
- لێ دەمێ بەر دگەهیت، ئێكسەر شالۆكێ دهاڤێژیتێ، چنكو دەمێ دورینێ یێ هاتی.»
- نموونەیا تۆڤكا خەردەلێ
- 30
- و گۆت: «ئەم پاشاتیا خودێ وەكو چ دانین؟ یان ژی ب چ نموونە خویا بكەین؟
- 31
- ئەو وەكو دندكا خەردەلییە، كو ژ هەمیان بچویكترە دەمێ ل سەر ئەردی دهێتە چاندن،
- 32
- لێ پشتی چاندنێ بلند دبیت و دبیتە مەزنترین شینكاتی و چەقێن مەزن زوی دەردكەڤن، تا بالندێن ئەسمانی ژی دشێن ل بن سیبەرا وێ ڤەحەویێن.»
- 33
- و ب گەلەك نموونەیێن وەكی ڤێ ئەوی پەیڤ بۆ وان دگۆت، هندی ئەو دشیان گوهداریێ بكەن
- 34
- و بێ نموونە دگەل وان نەدئاخفت، لێ دەمێ دگەل شاگردێن خۆ ڤەدەر دبوو ، ئەوی هەمی تشت خویا دكرن.
- عیسا بارۆڤەی ئارام دكەت
- 35
- دەمێ بوویە ئێڤار، گۆتە وان: «دا دەرباز بینە رەخێ دی یێ ئاڤێ!»
- 36
- و شاگردان جەماوەر ڤەرەڤاند و عیسا ب قاییك ڤە برن و هندەك قاییكێن دی ژی دگەل دا بوون.
- 37
- بارۆڤەكا بای یا توند هات و پێلان ل قاییكێ ددا و چ نەمابوو تژی ئاڤ ببیت.
- 38
- و عیسای ل پاشیا قاییكێ سەرێ خۆ ل سەر بالیفكێ دانابوو و نڤست بوو، ئینا هشیار كرن و گۆتنێ: «مامۆستا، ما دلێ تە ب مە ڤە نینە، ئەم ژناڤ بچین؟»
- 39
- ئینا ئەو رابوو و ل بای حەیتاند و گۆتە دەریایێ: «كڕ بە، بێ دەنگ بە.» و با راوەستیا و ئارامیەكا مەزن پەیدابوو.
- 40
- و گۆتە وان: «بۆچی هوین وەسا دترسنۆكن؟ چەوا هەوە باوەری نینە؟»
- 41
- و ترسەكا مەزن گرتن و گۆتنە ئێكودوو: «ئەڤە كییە؟ كو با و دەریا هوسا ملكەچیا وی دكەن!»
