عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- سڵاڤ
- 1
- ژ من، پاولۆس، هنارتیێ مەسیح عیسای، ل دویڤ فەرمانا قورتالكەرێ مە خودێ و هیڤیا مە مەسیح عیسای.
- 2
- بۆ تیمۆتاوسی، كوڕێ من یێ راستەقینە د باوەریێ دا:
كەرەم و دلۆڤانی و ئاشتی ژ خودایێ باب و ژ خودانێ مە مەسیح عیسای ل سەر تە بن. - هشیاركرن ژ مامۆستایێن فێركرنێن درەو
- 3
- هەروەكو من ژ دل داخواز ژ تە كری، دەمێ ئەز دچوومە مەقدۆنیایێ، تۆ ل ئەفەسۆسێ بمینە، دا هندەك كەسان راسپێری كو فێركرنەكا دی[a] نەكەن،
- 4
- هەروەسا ئەو خۆ ب چیڤانۆك و نەژادنامەیێن[b] بێ دویماهی ڤە مژویل نەكەن، ئەڤ چەندە دبنە ئەگەرێ بگروڤەكێشێ ل شوینا بجهئینانا نەخشەیێ خودێ یێ كو ب رێكا باوەریێیە.
- 5
- لێ ئارمانجا ڤێ راسپاردەیێ حەزژێكرنەكا ژ دلەكێ پاك و ژ وژدانەكا باش و ژ باوەریەكا بێ دووڕویاتیە.
- 6
- هندەك مرۆڤ ژ ڤان تشتان ڤاڕێبوون و ب دویڤ گۆتنێن ڤاڵا كەفتن.
- 7
- ئەوان دڤێت ببنە مامۆستایێن دەستووری، لێ ئەو نە د وی تشتی دگەهن یێ دبێژن، نە ژی یێ داكۆكیێ ل سەر دكەن.
- 8
- ئەم دزانین دەستوور یێ باشە، ئەگەر كەسەك ب شێوەیەكێ دروست ب كار بینیت،
- 9
- هەروەسا ئەم دزانین دەستوور بۆ یێن راستدار[c] نەهاتیە دانان، لێ بۆ سەرپێچكار و یاخیبوویان، بۆ بەدكار و گونەهكاران، بۆ یێن نەپیرۆز و هەڕمیان، بۆ بابكوژ و دایكوژان، بۆ مێركوژان،
- 10
- بۆ دەهمەنپیسان، نێربازان، مرۆڤ دزان[d] ، درەوینان، یێن ژ درەو سویند دخۆن و بۆ هەر تشتەكێ دژی فێركرنا ساخلەم بیت، هاتیە دانان.
- 11
- فێركرنا ساخلەم ئەوە یا گونجای ل گەل وێ مزگینیێ یا بۆ من هاتیە سپاردن، مزگینیا ب روومەت یا خودایێ پیرۆز.
- سوپاسیكرنا پاولۆسی ژ بەر دلۆڤانیا خودێ
- 12
- سوپاسیا مەسیح عیسایێ خودانێ مە دكەم، یێ ئەز ب هێز ئێخستیم، چنكو وی ئەز ب دلسۆز هژمارتم و بۆ ڤێ خزمەتكرنێ دەستنیشان كرم،
- 13
- هەر چەندە بەرێ ئەز كوفریكەر و تەپەسەركەر و مرۆڤەكێ توند بووم. لێ خودێ دلۆڤانی ب من بر، چنكو من د بێباوەریێ دا ب نەزانین رەفتار دكر.[e]
- 14
- كەرەما خودانێ مە ژی بۆ من گەلەك ب سەر دا چوو، ل گەل باوەری و حەزژێكرنا د ئێكبوونا ل گەل مەسیح عیسای دا.
- 15
- ئەڤ گۆتنە جهێ پشتڕاستیێ و هەژی قەبیلكرنا تەمامە: «مەسیح عیسا هاتە جیهانێ، دا گونەهكاران قورتال بكەت.» ئەز ژی ژ وان هەمیان گونەهكارترم،
- 16
- لێ ژ بۆ ڤێ چەندێ دلۆڤانی ب من هاتە برن: دا مەسیح عیسا هەمی بێهنفرەهیا خۆ د من دا، ئەز یێ ژ هەمیان خرابتر، دیار بكەت و من بكەتە نموونە بۆ ئەوێن باوەریێ ب وی دئینن و ژیانا هەروهەر وەردگرن.
- 17
- هەتا هەتایێ رێز و مەزناهی بۆ پاشایێ سەردەمان یێ نەمر و نەهێتە دیتن، بۆ خودایێ ئێكانە بیت! ئامین.
- راسپاردە بۆ تیمۆتاوسی
- 18
- ئەز ڤێ راسپاردەیێ ددانمە نك تە، كوڕێ من تیمۆتاوس، ل دویڤ پەیامێن ل دەمێ بوری ب سرۆشێ[f] خودێ ل سەر تە هاتینە گۆتن، داكو تۆ ب رێكا وان پەیامان جەنگا باش بكەی،
- 19
- ب رێكا قاییم گرتنا باوەری و وژدانەكا باش. هندەكان ئەو وژدان رەتكر، ئینا ئەو ژ لایێ باوەریێ ڤە ژ بن چوون،
- 20
- ژ وان هیمەنایۆس و ئەسكەندەر، ئەوێن من رادەستی ئبلیسی كرین، دا فێر ببن كو كوفریان نەكەن.
- a. 1:3 ئانكو هەر فێركرنەكا ل گەل پەیڤا دروست یا عیسایێ مەسیح نەگونجیت. بنێڕە 1 تیمۆتاوس 6:3
- b. 1:4
q نەژادنامە: زنجیرا باب و كالێن مرۆڤی. ب عەرەبی دبێژنێ ‹نسب›. - c. 1:9
q راستدار: ئانكو ئەوێن كریارێن وان د راست و دروستن. - d. 1:10
q مرۆڤ دز: ئەون یێن مرۆڤان دڕەڤینن دا وان بكەنە بەنی یان بازرگانیێ پێ بكەن. - e. 1:13 كارێن هنارتیان 8:3؛ 9:4-5
- f. 1:18
q سرۆش: ب عەرەبی ‹وحي›
