عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
یاخیبوونا جیهانێ دژی خودێ و هاتنا دوویێ یا مەسیحی 
1
‏ ئەڤجا دەربارەی هاتنا خودانێ مە عیسایێ مەسیح و خڕڤەبوونا مە ل نك وی، ئەم هیڤی ژ هەوە دكەین، گەلی خویشك و برایان،
2
كو د هزرێن خۆ دا زوی نەلقیێن و نەڤەجنقن، ب رێكا گیانەكی[a] ، یان گۆتنەكێ، یان ژی نامەیەكێ هەروەكو ژ نك مە هاتبیت و بێژیت كو رۆژا خودانی یا هاتی.[b]
3
بلا ب چ رێكان كەس هەوە نەخاپینیت، چنكو ئەو رۆژ ناهێت، ئەگەر بەری وێ یاخیبوون[c] چێنەبیت و مرۆڤێ یاسانەنیاس، كو كوڕێ ژناڤچوونێیە[d] ، دیار نەبیت.
4
ئەو دێ دژایەتیا هەر تشتەكی كەت كو دبێژنێ خوداوەند یان ژی دهێتە پەرستن و دێ خۆ ژ وان بلندتر دانیت، تاكو ئەو دێ د پەرستگەها خودێ ژی ڤە روینیت و دێ خۆ وەكو خودێ دەتە نیاسین[e] .
5
ما ل بیرا هەوە نینە دەمێ ئەز ل نك هەوە، من ئەڤ تشتە بۆ هەوە دگۆتن؟
6
هوین دزانن ژی نوكە چ تشت ئاستەنگە كو ئەو كەس دیار نەبیت، تاكو دەمێ وی نەهێت.
7
چنكو نهێنیا یاسانەنیاسیێ یا كار دكەت، لێ ئەوێ نوكە دبیتە ئاستەنگ دێ یێ بەردەوام بیت تاكو ژ رێكێ دهێتە راكرن.
8
هنگی دێ یێ یاسانەنیاس دیار بیت، ئەوێ دێ خودان عیسا ب پفا دەڤێ خۆ وی كوژیت و دێ ب شەوقا هاتنا خۆ وی ب دویماهی ئینیت.[f]
9
هاتنا یێ یاسانەنیاس دێ ل دویڤ چالاكیا ئبلیسی، ل گەل هەمی حنێر[g] ، نیشان و مەندەهۆشیێن درەوین بیت[h] ،
10
هەروەسا ل گەل هەر جۆرەكێ خرابیێ بۆ خاپاندنا یێن ژ ناڤ دچن، چنكو وان حەزژێكرنا راستیێ رەتكر، ئەوا دا وان قورتال كەت.
11
لەوما خودێ دێ دسەرداچوونەكا بهێز ب سەر وان دا هنێریت، داكو ئەو باوەر ژ وێ درەوێ بكەن،
12
داكو ئەو هەمیێن باوەری ب راستیێ نەئینای، لێ كەیفا وان ب خرابیێ هاتی، بهێنە دادكرن.
خودێ ژ بۆ قورتالبوونێ گازی مە كریە 
13
لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن.
14
وی بۆ وێ مەبەستێ هوین ب رێكا مزگینیا مە گازی كرن، دا هوین مەزناهیا خودانێ مە عیسایێ مەسیح ب دەست خۆ ڤە بینن.
15
ئەڤجا گەلی خویشك و برایان، خۆ راگرن و پێگیریێ ب وان فێركرنان بكەن یێن هوین ب گۆتن یان ژی ب نامە ژ مە فێربووین.
16
بلا خودانێ مە عیسایێ مەسیح ب خۆ و بابێ مە خودێ، ئەوێ حەز ژ مە كری و هاندانا هەروهەر و هیڤیا باش ب كەرەمێ داینە مە،
17
دلێن هەوە هان بدەت و د هەمی ئاخفتن و كارێن باش دا موكم بكەت.
  1. a. 2‏:2 1 یوحەننا 4‏:1؛ 1 كورنتۆس 14‏:26‏-33
  2. b. 2‏:2 1 سالونیكی 4‏:15‏-17
  3. c. 2‏:3 مەبەست ژ یاخیبوونێ ئەوە كو مللەتێن جیهانێ دێ دژی خودێ راوەستن.
  4. d. 2‏:3 ئانكو ئەوێ چارەنڤیسێ وی ئاگرێ دۆزەخێ
  5. e. 2‏:4 حزقیێل 28‏:2؛ دانیێل 11‏:36
  6. f. 2‏:8 ئیشایا 11‏:4
  7. g. 2‏:9 q حنێر: ب عەرەبی ‹معجزة›
  8. h. 2‏:9 مەتتا 24‏:24