عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
خرابیێن رۆژێن دویماهیێ 
1
لێ ڤێ چەندێ بزانە: د رۆژێن دویماهیێ دا دەمێن دژوار دێ هێن.
2
خەلك دێ حەزژێكەرێن خۆ بن، حەزژێكەرێن پارەی، پەسنكارێن[a] خۆ، د دفنبلند، د ئەزمانڕەش، نەگوهدارێن دایك و بابێن خۆ، نە د سوپاسدار، نەپیرۆز،
3
د دلڕەق، لێبورینێ ناكەن، د بوهتانكەر[b] ، د سەربەردای، د دڕندە، نەحەزێن چاكیێ،
4
د بێبەخت، د سەرگەرم، ژ خۆ د رازی، دێ حەزژێكەرێن خۆشیێ بن نەكو حەزژێكەرێن خودێ.
5
وان دیمەنێ سەرڤە یێ خودێترسیێ یێ هەی، لێ ئەو هێزا وێ رەت دكەن. ئەڤجا خۆ ژ یێن وەسا دویر بئێخە.
6
چنكو هندەك ژ وان ئەون یێن ل مالان دگەڕیێن و ژنكێن لاواز یێن باركری ژ گونەهان، یێن ژ لایێ ئارەزوویێن هەمەجۆر ڤە دهێنە هاژوتن، دئێخنە بن كارتێكرنا خۆ.
7
ئەو ژنك هەردەم فێركرنێ وەردگرن، لێ چ جاران نەشێن بگەهنە زانینا راستیێ.
8
كا چەوا یانیسی و یامبریسی[c] بەرهنگاریا مووسای كر، ئەڤە ژی وەسا بەرهنگاریا راستیێ دكەن. ئەو كەسێن مێشك گەنینە و وەكو باوەردار هاتینە رەتكرن.
9
لێ ئەو گەلەك پێشڤە ناچن، چنكو بێئاقلیا وان دێ بۆ هەمیان ئاشكرا بیت، هەروەكو بێئاقلیا وان هەردوویان ژی ئاشكرا بووی.
هشیاركرن 
10
لێ هندی تۆی، تە ژ نێزیك ئاگەهـ ژ فێركرنا من، رەفتارا من، مەبەستا من، باوەریا من، بێهنفرەهیا من، حەزژێكرنا من، خۆڕاگریا من،
11
تەپەسەری و ئازارێن من، ئەوێن ل ئەنتاكیا و كۆنیا و لیسترایێ ب سەرێ من هاتین، هەیە. من خۆ ل بەر چەندین تەپەسەریێن وەسا گرت! لێ خودانی ئەز ژ هەمیان رزگار كرم.[d]
12
بەلێ، هەمی ئەوێن دڤێن د ئێكبوونا ل گەل مەسیح عیسای دا ب خودێترسی بژین، دێ هێنە تەپەسەركرن.[e]
13
مرۆڤێن خراب و فێلباز ژی دێ د خرابیێ دا پێشكەڤن، دێ خاپاندنێ كەن و هێنە خاپاندن.
14
لێ تۆ ل سەر وان تشتێن فێربوویێ و ژێ پشتڕاست بووی بەردەوام بە، چنكو تۆ دزانی تۆ ژ كیژان كەسان فێر بوویە،
15
هەروەسا تۆ ژ ساڤایەتیێ وەرە ژ نڤیسارێن پیرۆز دزانی، ئەوێن دشێن تە ئاقلدار بكەن، كو تۆ ب رێكا باوەریا ب مەسیح عیسای قورتال ببی.
16
[هەمی نڤیسارێن پیرۆز ژ سرۆشێ خودێنە[f] و بۆ فێركرنێ و پاشڤەبرنێ و راستڤەكرنێ و پەروەردەكرنێ ل سەر راستداریێ د مفادارن،
17
دا مرۆڤێ خودێ یێ بێكێماسی بیت و بۆ هەر كارەكێ باش یێ ئامادە بیت.
  1. a. 3‏:2 q پەسنكار: مەدحكار
  2. b. 3‏:3 q بوهتان: تاوانباركرنا بێ بنیات
  3. c. 3‏:8 q یاننیس و یامبریس: دوو جادووگەرێن مسری بوون، ئەوان ل كۆچكا فیرعەونی بەرهنگاریا مووسای دكر. بنێڕە دەركەفتن 7‏:11، 22؛ 8‏:7
  4. d. 3‏:11 كارێن هنارتیان 13‏:44‏ تاكو 14‏:22؛ زەبوور 34‏:19
  5. e. 3‏:12 یوحەننا 15‏:20
  6. f. 3‏:16 q ژ سرۆشێ خودێنە: دەق و دەق: ‹ژ هەناسا خودێنە›.