عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
پەیوەندیێن زاڕۆك و دایك و بابان 
1
گەلی زاڕۆكان، ژ بەر خودانی گوهداریا دایك و بابێن خۆ بكەن، چنكو ئەڤ چەندە یا دروستە.[a]
2
«رێزێ ل دایك و بابێن خۆ بگرە.» ئەڤە ئێكەم فەرمانە[b] كو سۆزەك پێڤە هاتیە گرێدان:
3
«دا باشی بهێتە رێیا تە و ل سەر ئەردی ژیێ تە درێژ ببیت.»[c]
4
هوین ژی، گەلی بابان، زاڕۆكێن خۆ تۆڕە نەكەن، لێ ب پەروەردە و شیرەتێن خودانی وان ب خودان بكەن.[d]
پەیوەندیێن بەنی و خودانان 
5
گەلی بەنیان، گوهداریا خودانێن خۆ یێن ل سەر ئەردی ب ترس و لەرز و ب دلەكێ پاقژ بكەن، كا چەوا هوین گوهداریا مەسیحی دكەن،[e]
6
نە ب وێ خزمەتێ یا ل بەر چاڤان دهێتە كرن، ب تنێ بۆ رازیكرنا مرۆڤان، لێ وە بكەن هەروەكو بەنیێن مەسیحی ژ دل حەزا خودێ ب جهـ دئینن.
7
ژ هەمی دلێ خۆ خزمەتێ بكەن، هەروەكو بۆ خودانی بیت، نە بۆ مرۆڤان.
8
چنكو هوین دزانن هەر كەسێ، بەنی بیت یان ئازاد، چ باشیێ بكەت، دێ هەمان تشت ژ خودانی وەرگریت.
9
هوین ژی، گەلی خودانان، هەمان تشتان بۆ وان بكەن و دەست ژ گەفلێكرنێ بەردەن، چنكو هوین دزانن كو خودانێ وان و هەوە هەمیان ل ئەسمانیە و ل نك وی لایەنگری نینە.[f]
خۆ ب چەكێن خودێ چەكدار بكەن 
10
ل دویماهیێ، ب خودانی و ب هێزا وی یا مەزن، خۆ ب هێز بئێخن.
11
خۆ ب هەمی چەكێن خودێ چەكدار بكەن، دا هوین بشێن ل بەرامبەری پیلانێن ئبلیسی خۆ راگرن.
12
چنكو جەنگا مە نە دژی مرۆڤانە[g] ، لێ دژی سەروەرانە، دژی دەستهەلاتدارانە، دژی حوكمدارێن تاریاتیێیە كو د ڤی سەردەمی دا حوكمی ل جیهانێ دكەن، دژی لەشكەرێن روحانی یێن خرابیێیە[h] ل جهێن ئەسمانی.
13
ژ بەر ڤێ چەندێ هەمی چەكێن خودێ هەلگرن، دا بشێن ل رۆژا خراب بەرهنگاریێ بكەن و پشتی هوین هەمی تشتان تەمام دكەن، خۆ راگرن.
14
هۆسا خۆ راگرن، ناڤتەنگا خۆ ب راستیێ بپێچن و زریێ[i] راستداریێ بكەنە بەر خۆ.[j]
15
بلا پێلاڤ ل پێ كرنا هەوە ئامادەبوون بیت بۆ راگەهاندنا مزگینیا ئاشتیێ.[k]
16
د سەر ڤان تشتان را، مەتاڵێ باوەریێ د دەستێ هەوە دا یێ هەلگرتی بیت، ئەوێ كو ب وی هوین دشێن وان تیرێن ئاگرینی ڤەمرینن یێن خرابكار[l] د هەوە وەردكەت.
17
كومزریێ قورتالبوونێ بكەنە سەرێ خۆ و شیرێ گیانێ پیرۆز، كو پەیڤا خودێیە، هەلگرن.[m]
18
ب رێكا هەمی داخواز و هیڤیكرنان، هەردەم نڤێژان د گیانێ پیرۆز دا بكەن. بۆ ڤێ چەندێ د هشیار بن و ل سەر نڤێژان ژ پێخەمەت هەمی پیرۆزكریان د بەردەوام بن
19
و بۆ من ژی بكەن، داكو دەمێ ئەز بئاخڤم، ئاخفتن بۆ من بهێتە دان، دا ئەز ب وێرەكی نهێنیا مزگینیێ رابگەهینم،
20
ئەو مزگینیا كو ئەز ژ پێخەمەت وێ، بالیۆزەكێ زنجیركریمە. نڤێژان بكەن كو ئەز ب وێرەكی راگەهاندنێ بۆ وێ بكەم، كا چەوا پێدڤیە ئەز بێژم.
سڵاڤێن دویماهیێ 
21
تیخیكۆس، برایێ خۆشتڤی و خزمەتكارێ دلسۆز ب ئێكبوونا ل گەل خودانی، دێ هەمی تشتان بۆ هەوە بێژیت، دا هوین ژی بزانن كا رەوشا من یا چەوایە و ئەز چ دكەم.
22
من ژ بۆ ڤێ چەندێ ئەو هنارتە نك هەوە، دا هوین رەوشا مە بزانن و ئەو هەوە هانبدەت.
23
ئاشتی بۆ خویشك و برایان بیت و حەزژێكرن ل گەل باوەریێ ژی ژ خودایێ باب و خودان عیسایێ مەسیح.
24
كەرەم بۆ وان هەمیان بیت، ئەوێن ب حەزژێكرنەكا نەمر[n] حەز ژ خودانێ مە عیسایێ مەسیح دكەن.
  1. a. 6‏:1 كۆلۆسی 3‏:20
  2. b. 6‏:2 ل فەرهەنگۆكێ بنێڕە دەهـ فەرمان*.
  3. c. 6‏:2‏-3 دەركەفتن 20‏:12؛ گۆتارا مووسای 5‏:16
  4. d. 6‏:4 كۆلۆسی 3‏:21
  5. e. 6‏:5 كۆلۆسی 3‏:22
  6. f. 6‏:9 كۆلۆسی 4‏:1؛ گۆتارا مووسای 10‏:17
  7. g. 6‏:12 دەق و دەق: ‹ل دژی خوین و گۆشتانە›.
  8. h. 6‏:12 q لەشكەرێن روحانی یێن خرابیێ: فریشتەیێن خراب و گیانێن پیس و ئەجنە و.. هتد.
  9. i. 6‏:14 q زری: ب عەرەبی ‹درع›
  10. j. 6‏:14 ئیشایا 59‏:17
  11. k. 6‏:15 ئیشایا 52‏:7
  12. l. 6‏:16 مەبەست پێ ئبلیسە.
  13. m. 6‏:17 ئیشایا 59‏:17
  14. n. 6‏:24 ئانكو یا بێ دویماهی.