عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
مەسیح پەیڤا خودێ و كوڕێ ویە 
1
د سەردەمێن كەڤن دا خودێ ب گەلەك رێك و گەلەك شێوازان ب رێكا پێغەمبەران ل گەل بابكالێن مە ئاخفت،
2
لێ د ڤان رۆژێن دویماهیێ دا، ب رێكا كوڕێ خۆ ل گەل مە ئاخفت، ئەوێ وی كریە میراتگرێ هەمی تشتان و ئەوێ ب وی گەردوون ئافراندی.
3
ئەو تیڕێژا مەزناهیا خودێیە و دەق و دەق وێنەیێ گەوهەرێ ویە، هەمی تشتێن د گەردوونێ دا ب پەیڤا خۆ یا هێزدار رێك دئێخیت. پشتی وی پاقژكرن بۆ گونەهێن مرۆڤان ئامادە كری، ل دەستێ راستێ یێ مەزناهیێ ل بلنداهیان روینشت.
4
لەوما كا چەند ناڤەكێ بلندتر ژ ناڤێن فریشتەیان ب میراتی وەرگرت، ئەو هند ژ وان پایەبەرزتر لێ هات.
5
چنكو، ما خودێ جارەكێ گۆتیە فریشتەیەكی:
«تۆ كوڕێ منی،
6
هەروەسا دەمێ كوڕێ خۆ یێ نەخری دئینیتە جیهانێ، دبێژیت:
«بلا هەمی فریشتەیێن خودێ سوجدێ بۆ ببەن!»[a]
7
دەربارەی فریشتەیان ژی دبێژیت:
«فریشتەیێن خۆ دكەتە با
8
لێ دەربارەی كوڕی دبێژیت:
«تەختێ تە، هەی خودێ، بۆ هەتا هەتایێیە
9
تە حەز ژ راستداریێ[b] كر و كەربێن تە ژ خرابیێ ڤەبوون.
لەوما، خودێ، خودایێ تە، تۆ ب زەیتا شادیێ زەیت كری،
10
هەروەسا دبێژیت:
«هەی خودان، ل دەستپێكێ تە بنیاتێ ئەردی دانا
11
ئەو دێ ژ ناڤ چن، لێ تۆ دێ مینی.
ئەو هەمی وەكو جلكان دێ كەڤن بن،
12
تۆ دێ وان وەكو قاپیتی پێچی
و ئەو دێ وەكو جلكان هێنە گوهۆڕین.
13
ما خودێ جارەكێ گۆتیە فریشتەیەكی:
«ل دەستێ من یێ راستێ روینە،
14
ما هەمی فریشتە گیانێن خزمەتكار نینن، ژ پێخەمەت خزمەتكرنا وان دهێنە هنارتن، یێن كو دێ قورتالبوونێ وەكو میرات وەرگرن؟
  1. a. 1‏:6 گۆتارا مووسای 32‏:43؛ زەبوور 97‏:7
  2. b. 1‏:9 راست و دروستیێ