عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
سڵاڤ 
1
ژ من، یەعقوب، بەنیێ خودێ و خودان عیسایێ مەسیح، بۆ هەر دوازدە هۆزێن دەربەدەر، سڵاڤ.
تاقیكرنا باوەریێ 
2
خویشك و برایێن من، دەمێ هوین دكەڤنە د تاقیكرنێن جۆراوجۆر دا، وێ چەندێ ب تەمامی وەكو دلخۆشی بهژمێرن،
3
چنكو هوین دزانن تاقیكرنا باوەریا هەوە، خۆڕاگرتن پێڤە دهێت.
4
بلا خۆڕاگرتنێ ژی كارتێكرنا خۆ یا تەمام ل سەر هەوە هەبیت، دا هوین د پێگەهشتی و كامل بن، چ كێماسی ل هەوە نەبن.
5
ئەگەر ئێك ژ هەوە ئاقلمەندی یا ژێ كێم بیت، بلا ژ خودێ بخوازیت و دێ بۆ وی هێتە دان. خودێ ب مەردینی و بێ گازندە ددەتە هەمیان.
6
لێ بلا ب باوەری بخوازیت بێی كو گۆمان د دلی دا بیت، چنكو یێ گۆمان د دلی دا بیت، وەكو پێلەكا دەریایێیە، با دئینیت و دبەت.
7
مرۆڤەكێ وەسا، بلا هزر نەكەت كو ئەو دێ تشتەكی ژ خودانی وەرگریت.
8
ئەو مرۆڤەكێ دوودلە و د هەمی كارێن[a] خۆ دا یێ لقلقۆكە.
یێ هەژار و یێ دەولەمەند 
9
بلا برایێ هەژار شانازیێ ب جهێ خۆ یێ بلند ببەت،
10
یێ دەولەمەند ژی بلا شانازیێ ب جهێ خۆ یێ نزم ببەت، چنكو ئەو دێ وەكو كولیلكا گیای ژ ناڤ چیت.
11
ژ بەر كو رۆژ ب گەرما خۆ یا سوژەك دهەلێت و گیای هشك دكەت، ئەڤجا كولیلكا وێ دوەریێت و جوانیا وێ نامینیت. ب هەمان شێوە ئەوێ دەولەمەند ژی دێ د ناڤ چالاكیێن خۆ دا چرمسیت.[b]
خۆڕاگرتن د تاقیكرنێ دا 
12
خوزیكێن وی كەسی یێ د تاقیكرنێ دا خۆ رادگریت، چنكو دەمێ ئەو سەرفەراز دەردكەڤیت، دێ تانجا ژیانێ وەرگریت، ئەوا خودێ سۆزا وێ دایە حەزژێكەرێن خۆ.
13
دەمێ كەسەك دكەڤیتە د تاقیكرنەكێ دا، بلا نەبێژیت: «ئەز ژ لایێ خودێ ڤە یێ دهێمە تاقیكرن،» چنكو خودێ ب خرابیێ ناهێتە تاقیكرن و ئەو ب خۆ كەسێ ب خرابیێ تاقی ناكەت.
14
لێ هەر كەسەك ژ لایێ حەزێن خۆ ڤە دهێتە راكێشان و راخڕاندن و هۆسا ئەو دهێتە تاقیكرن.
15
پشتی هنگی، دەمێ حەز ب دووگیان دكەڤیت، گونەهـ ژێ دبیت، گونەهـ ژی دەمێ پێدگەهیت، مرن ژێ دبیت.
16
خویشك و برایێن من یێن خۆشتڤی، نەهێنە خاپاندن.
17
هەر دانەكا باش و هەر دیاریەكا بێكێماسی ژ سڵالە، ژ نك بابێ رۆناهیان[c] خوار دكەڤیت، ئەوێ ناهێتە گوهۆڕین، خۆ بچویكترین سیبەرا گوهۆڕینێ ژی نینە[d] .
18
ل دویڤ حەزا خۆ ب رێكا پەیڤا راستیێ وی ئەم بووین[e] ، داكو ببینە خێڤەیێ[f] ئافراندیێن وی.
بهیستن و بجهئینانا پەیڤێ 
19
خویشك و برایێن من یێن خۆشتڤی، ڤێ چەندێ باش بزانن: بلا هەر مرۆڤەك یێ لەزگین بیت بۆ بهیستنێ، یێ لەزگین نەبیت بۆ ئاخفتنێ، یێ لەزگین نەبیت بۆ تۆڕەبوونێ،
20
چنكو تۆڕەبوونا مرۆڤی راستداریا خودێ ئەنجام نائینیت.
21
لەوما هەر پیساتی و خرابیەكا د ناخێ هەوە دا گەشە كری بهاڤێژن و ئەو پەیڤا د ناخێ هەوە دا دهێتە چاندن، ئەوا دشێت گیانێ هەوە قورتال بكەت، ب دەروونبچویكی قەبیل بكەن.
22
ئەو بن یێن پەیڤێ ب جهـ دئینن، نە ئەو بن یێن ب تنێ وێ دبهیسن و هۆسا خۆ دخاپینن.
23
ئەگەر كەسەك پەیڤێ ببهیسیت و ب جهـ نەئینیت، ئەو وەكو وی كەسیە یێ د خۆدیكێ را ل سەروچاڤێن خۆ دنێڕیت،
24
ئەو ل خۆ دنێڕیت و دچیت و د جهـ دا ژ بیرێ دچیت كا یێ چەوایە.
25
لێ ئەوێ ب هویری ل دەستوورێ بێكێماسی، دەستوورێ ئازادیێ[g] ، دنێڕیت و خۆ ل سەر رادگریت، نەبیتە كەسەك كو دبهیسیت و ژ بیر دكەت، لێ ببیتە كارپێكەرێ وی دەستووری، ئەو دێ د كارێن خۆ دا یێ بەختەوەر بیت.
26
ئەگەر ئێك خۆ ئاییندار بهژمێریت و ئەزمانێ خۆ لغاڤ نەكەت، ئەو خۆ دخاپینیت و ئایینداریا وی یا ژ قەستایە.
27
ئایینداریا پاقژ و بژوین ل نك خودایێ باب ئەوە كو مرۆڤ چاڤێ خۆ بدەتە ئێتیم و بیژنان د تەنگاڤیێن وان دا و خۆ ژ هەڕماتیا جیهانێ بپارێزیت.
  1. a. 1‏:8 دەق و دەق: ‹د هەمی رێكێن خۆ دا›.
  2. b. 1‏:11 ئیشایا 40‏:6‏-7؛ مەتتا 5‏:3‏-5؛ یەعقوب 2‏:5
  3. c. 1‏:17 q بابێ رۆناهیان: ئانكو خودێ، كو چێكەرێ رۆژ و هەیڤ و ستێرانە. دەستپێكرن 1‏:14‏-19
  4. d. 1‏:17 دەق و دەق: ‹چ سیبەرا زڤڕینێ نینە›.
  5. e. 1‏:18 q وی ئەم بووین: ئانكو ژیانەكا نوی دایە مە. یوحەننا 1‏:12‏-13
  6. f. 1‏:18 ئانكو بەرهەمێ دەستپێكێ. ل فەرهەنگۆكێ بنێڕە.
  7. g. 1‏:25 q دەستوورێ ئازادیێ: دەستوورێ مەسیحی، ئانكو ئەو دەستوورێ مرۆڤی ئازاد دكەت. یوحەننا 8‏:31‏-32؛ گالاتیا 5‏:1؛ 6‏:2؛ یەعقوب 2‏:8