عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- عیسا ل كانیا بەیت حەسدا مرۆڤەكی ساخ دكەت:
- 1
- و پشتی هنگی جەژنەكا جوهیان هەبوو، ئینا عیسا بەرەڤ ئورشەلیمێ سەركەت.
- 2
- و ل نك دەرگەهێ پەزی ل ئورشەلیمێ، كانیەك هەبوو ب عيبرانی دگۆتنێ بەیت حەسدا، وێ پێنچ هۆل هەبوون.
- 3
- گەلەك نەساخێن كۆرە و لەنگ و فالنجی خۆ ل وان هۆلان درێژ كربوون، ل هیڤی یا لڤینا ئاڤێ بوون.
- 4
- چنكو د ناڤبەرا دەمەكی و دەمەكی دا فریشتەیەك دهاتە خوارێ و دچوو د بركێ دا و ئاڤ دلڤاند، و ئەوێ بەراهیێ دچوو د بركێ دا پشتی لڤینا ئاڤێ، دا ژ هەر ئێشەكا لێ ساخ بیت.
- 5
- و ل وێرێ مرۆڤەك هەبوو بەری سیهـ و هەشت سالان نەساخ ببوو.
- 6
- عیسای ئەو دیت یێ درێژ كرییە و زانی كو ئەڤە دەمەكێ درێژە ئەو د ڤێ رەوشێ دا، ئینا ژێ پرسی: «تە دڤێت تۆ ساخ ببی؟»
- 7
- نەساخی بەرسڤا وی دا: «هێژا، من كەس نینە من بهاڤێتە د بركێ دا دەمێ ئاڤ دلڤيت، لێ دەمێ ئەزێ دهێم ئێكێ دی بەری من دچیتە تێدا.»
- 8
- عیسای گۆتە وی: «رابە و نڤینێن خۆ راكە و ب رێڤە هەرە.»
- 9
- و د گاڤێ دا ئەو مرۆڤ ساخ بوو و نڤینێن خۆ هەلگرت و چوو. و ئەو رۆژ شەمبی بوو.
- 10
- ئینا جوهیان گۆتە ئەوێ ساخ بووی: «ئەڤرۆ شەمبییە. چێنابیت بۆ تە تۆ نڤینێن خۆ هەلگری.»
- 11
- بەرسڤا وان دا: «ئەوێ ئەز ساخ كریم گۆتە من: نڤینێن خۆ هەلگرە و هەڕە.»
- 12
- ژێ پرسین: «ئەو كییە گۆتییە تە نڤینێن خۆ هەلگرە و ب رێڤە هەڕە؟»
- 13
- ئەو نەساخێ ساخ بووی نەدزانی ئەو كییە، چنكو عیسا ژ وێرێ چووبوو، و گەلەك مرۆڤ ل وێرێ بوون.
- 14
- پشتی هنگی عیسای ئەو ل پەرستگەهێ دیت و گۆتێ: «ئەڤە تۆ ساخ بووی، ئێدی گونەهێ نەكە دا یا خرابتر ب سەرێ تە نەهێت.»
- 15
- ئەو مرۆڤ چوو و گۆتە جوهیان كو عیسای ئەوێ ساخ كری.
- 16
- ئەڤجا جوهی رابوون كاودانێ عیسای نەخۆش كرن چنكو وی ئەڤ كارە ل شەمبیێ دكر.
- 17
- لێ عیسای بەرسڤا وان دا: «بابێ من تا نوكە یێ كار دكەت، و ئەز ژی یێ كار دكەم.»
- 18
- ژ بەر ڤێ چەندێ بزاڤا جوهیان پتر لێ هات بۆ كوشتنا عیسای، چنكو وی نە ب تنێ دەستورێ رۆژا شەمبیێ شكاند، لێ وی دگۆت ژی كو خودێ بابێ وییە، و خۆ ئینا رێزا خودێ.
- دەستهەلاتداریا كوڕی:
- 19
- ئینا عیسای بەرسڤا وان دا و گۆتێ: «ب راستی ب راستی دبێژمە هەوە، كوڕ نەشێت چ تشتان ژ نك خۆ بكەت، لێ ئەو وێ دكەت ئەوا دبینیت باب دكەت. هەر تشتەكێ باب بكەت، كوڕ ژی دكەت.
- 20
- چنكو باب حەژ كوڕی دكەت، و هەمی كارێن خۆ نیشا وی ددەت، و دێ كارێن ژ ڤێ مەزنتر نیشا دەت، دا هوین عەجێب گرتی بن.
- 21
- چنكو هەروەكو باب مریان رادكەتەڤە و ساخ دكەت، هەروەسا كوڕ ژی دێ وی ساخ كەت یێ وی بڤێت.
- 22
- و باب دادوەریا كەسێ ناكەت، لێ هەمی دەستهەلاتیا دادكرنێ یا دایە كوڕی
- 23
- داكو هەمی رێزێ ل كوڕی بگرن هەروەكو رێزێ ل بابی دگرن. یێ رێزێ ل كوڕی نەگريت ئەو رێزێ ل بابی ژی ناگريت ئەوێ كوڕ هنارتی.
- 24
- ب راستی ب راستی دبێژمە هەوە، هەر كەسێ گوهـ بدەتە پەیڤا من و باوەریێ ب وی بینیت ئەوێ ئەز هنارتیم، دێ ژیانا هەروهەر بۆ وی بیت و ناهێتە دادكرن، چنكو ئەوێ ژ مرنێ دەرباز بوویە ژیانێ.
- 25
- ب راستی ب راستی دبێژمە هەوە دەمژمێرەك دێ هێت ئەو ژی نوكەیە، دەمێ مری گوهـ ل دەنگێ كوڕێ خودێ دبن، و یێ گوهـ لێ دبیت دێ ساخ بیت.
- 26
- چنكو هەروەكو بابی ژیان یا د ناڤ خۆ دا هەی، یا دایە كوڕی ژی ژیان د ناڤ خۆ دا هەبیت.
- 27
- و دەستهەلات یا دایێ دادوەریێ بكەت، چنكو ئەو كوڕێ مرۆڤە.
- 28
- ژ ڤێ حێبەتی نەبن، چنكو دێ دەمەك هێت ئەڤێن د ناڤ گۆڕان دا، هەمی دێ گوهـ ل دەنگێ وی بن
- 29
- و ئەو دێ دەركەڤن: ئەوێن كارێن باش كرین دێ بۆ ژیانێ رابن، و ئەوێن كارێن خراب كرین دێ بۆ سزادانێ رابن.
- 30
- و ئەز نەشێم چ تشتان ژ نك خۆ بكەم، لێ ئەز دادوەریێ دكەم ل دویڤ ئەڤا من گوهـ لێ دبیت و دادوەریا من یا راستە، چنكو ئەز تشتا ل دویڤ حەزا خۆ ناكەم، لێ ل دویڤ حەزا وی ئەوێ ئەز هنارتیم.»
- چەند شاهدەی بۆ دەستهەلاتداریا عیسای:
- 31
- «ئەگەر من بۆ خۆ شاهدەی دابا دا شاهدەیا من نە یا راست بیت.
- 32
- لێ ئێكێ دی بو من شاهدەیێ ددەت، و ئەز دزانم كو شاهدەیا وی بۆ من یا راستە.
- 33
- هەوە هندەك هنارتنە نك یوحەننای و ئەوی بۆ راستیێ شاهدەی دا.
- 34
- ئەز شاهدەیا مرۆڤان قەبیل ناكەم، لێ ژ بەر قورتالبوونا هەوە ئەز ڤێ یەكێ دبێژم.
- 35
- یوحەننا چرایەكێ روهن و گەش بوو، و هەوە پێ خۆش بوو دەمەكی ل بەر روناهیا وی بن.
- 36
- لێ من شاهدەیەكا مەزنتر ژ شاهدەیا یوحەننای یا هەی، ئەو ژی شاهدەیا وان كارێن بابی گۆتییە من پێ رابم و ئەڤێن ئەز نوكە دكەم، ئەو دیار دكەن كو ئەوی ئەزێ هنارتیم.
- 37
- و ئەو بابێ ئەز هنارتیم ئەو ب خۆ ژی بۆ من شاهدەیێ ددەت. و هەوە چ جاران گوهـ ل دەنگێ وی نەبوویە، و هەوە وێنێ وی ژی نەدیتییە،
- 38
- و پەیڤا وی جهـ د دلێن هەوە دا نینە چنكو هوین باوەریێ ب وی نائینن ئەوێ وی هنارتی.
- 39
- هوین نڤیساران ب هویری دخوینن چنكو هوین ل وێ باوەریێنە كو ئەو دێ هەوە بەنە ژیانا هەروهەر. ئەو نڤیسار ژی بۆ من شاهدەیێ ددەن.
- 40
- و هێشتا هەوە نەڤێت بهێنە نك من داكو هەوە ژیان هەبیت.
- 41
- ئەز مەزناهیێ ژ مرۆڤان وەرناگرم،
- 42
- لێ ئەز هەوە دنیاسم، و ئەز دزانم ڤیانا خودێ د دلێن هەوە دا نینە.
- 43
- ئەز ب ناڤێ بابێ خۆ هاتم، هەوە پێشوازیا من نەكر، لێ ئەگەر ئێك ب ناڤێ خۆ هات هوین پێشوازیا وی دكەن.
- 44
- هوین دێ چەوا شێن باوەریێ بینن و هوین مەزناهیێ ژ ئێكودوو وەردگرن، و ئەو مەزناهیا خودێ ئێكانە ددەت ناخوازن؟
- 45
- هزر نەكەن كو ئەز دێ هەوە ل نك بابی تاوانبار كەم، یێ هەی هەوە تاوانبار بكەت ئەو ژی موسایە ئەڤێ هەوە هیڤیێن خۆ داناینە سەر.
- 46
- ئەگەر هەوە باوەر ژ موسای كربا، دا هوین باوەریێ ژ من ژی كەن، چنكو وی یا دەربارەی من یا نڤیسی.
- 47
- ئەڤجا ئەگەر هەوە باوەری ب نڤیسارێن وی نەهێت، پا دێ چەوا باوەریێ ب ئاخفتنا من كەن؟»
