عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- عیسا ل مالا زەلامەكێ فەریسی
- 1
- ل رۆژەكا شەمبیێ، بۆ نان خوارنێ چوو مالا ئێك ژ سەرۆكێن فەریسیان، ئەوان چاڤدێریا وی دكر
- 2
- نەساخەكێ ئاڤبەنگی ل بەرامبەری وی بوو [a]
- 3
- عیسای گۆتە زانایێن دەستوری و فەریسیان: «ئەرێ دبیت مرۆڤ ئێكی ل رۆژا شەمبیێ ساخ بكەت یان نە؟»
- 4
- لێ ئەو بێ دەنگ مان. ئینا عیسای ساخ كر و فرێكر
- 5
- و پاشی گۆتە وان: «كی ژ هەوە كەرێ وی یان گایێ وی ل رۆژا شەمبی بكەڤیتە د بیرێ دا، ئەو د گاڤێ دا دەرنائێخیت؟»
- 6
- ئەو نەشیان بەرسڤا وی بدەن.
- 7
- پاشی نموونەیەك بۆ مێڤانان ئینا، پشتی دیتی ئەوێن رێزێن بەراهیێ هەلدبژێرن. گۆتە وان:
- 8
- «دەمێ ئێك تە بۆ خوارنا داوەتێ داخواز دكەت، تۆ ل رێزا پێشیێ پالڤە نەدە، چنكو دبیت وی ئێكێ ژ تە مەزنتر داخواز كربیت
- 9
- و ئەوێ تۆ و ئەو داخواز كرین، دێ هێت بێژیتە تە: ”تۆ جهێ خۆ بدە ڤی مرۆڤی،“ د وێ گاڤێ دا، تۆ دێ ب شەرمینی زڤری و هێییە رێزا پاشیێ.
- 10
- لێ دەمێ تۆ دهێیە داخوازكرن، هەرە رێزا پاشیێ پالڤەدە، داكو دەمێ ئەوێ تۆ داخوازكری دهێتن، دێ بێژیتە تە: ”هەڤال، رابە وەرە پێشیێ،“ د وی دەمی دا دێ جهێ تە د ناڤ پالڤەدایان دا بلندتر بیت.
- 11
- چنكو هەر كەسێ خۆ بلند بكەت، دێ كەڤیت و ئەو كەسێ خۆ نزم بكەت دێ بلند بیت.»
- 12
- پاشی گۆتە وی كەسێ داخوازكری: «دەمێ تۆ فراڤینەكێ یان شیڤەكێ چێدكەی، تۆ گازی هەڤال و برا و كەسێن خۆ و دراوسێ یێن دەولەمەند نەكە، نەكو ئەو ژی دێ تە داخواز كەن و چاكیا تە ل تە ڤەگەرینن،
- 13
- لێ دەمێ تۆ خوارنێ چێدكەی،گازی هەژار و فالنجی و لەنگ و كۆران بكە،
- 14
- ئەڤجا تۆ دێ بەختەوەر بی، ژ بەر كو ئەڤە نەشێن قەنجیێ ل تە ڤەگەرینن، چنكو د رابوونا راستداران دا قەنجی دێ بۆ تە هێتە ڤەگەراندن.»
- نموونەیا مێڤانداریا مەزن
- 15
- دەمێ ئێك ژ پالڤەدایان گوهـ ل ڤێ چەندێ بووی، گۆتە عیسای: «خوزیكێن وی ئەوێ خوارنێ ل پاشاتیا خودێ بخوت.»
- 16
- ئینا گۆتە وی: «مرۆڤەكی شیڤەكا مەزن چێكر و گەلەك داخوازكرن.
- 17
- پاشی دەمێ خوارنێ، كۆلەیێ خۆ هنارتە ل دویڤ داخوازكریان، دا بێژیتە وان: ”فەرموون، هەمی تشت دئامادەنە.“
- 18
- هەمیان داخوازا لێبورینێ ژێ كر، یێ ئێكێ گۆت: ”من زەڤیەكا كڕی دڤێت ئەز بچم ببینم. هیڤیدارم ل من ببوری.“
- 19
- یێ دی گۆت: ”من پێنج جوتێن چێلان یێن كڕین، و ئەز دێ چم وان تاقی كەم. هیڤیدارم تۆ ل من ببوری.“
- 20
- یێ دی گۆت: ”من ژنەكا ئینای لەوا ئەز نەشێم ئامادە ببم.“
- 21
- كۆلەیێ وی ڤەگەڕیا و ئەو چەند گۆتە خودانێ خۆ، هنگی خودانێ مالێ توڕە بوو و گۆتە كۆلەیێ خۆ: ”زوی دەركەڤە هەرە جادە و كولانێن باژێری، تۆ هەژار و فالنجی و لەنگ و كۆران ل ڤێرێ ئامادە بكە.“
- 22
- كۆلەی گۆت: ”هێژا، ئەوا تە فەرمان پێ دای، هاتە ب جهـ ئینان، و هێشتا جهێ مای.“
- 23
- ئینا خودانێ وی بەرسڤ دا و گۆت: ”هەرن سەرێ رێك و كولانان بگرن و مرۆڤان ب خورتی بیننە ژۆر تا مالا من تژی دبیت
- 24
- ئەز دبێژمە هەوە: ئێك ژ وان زەلامێن داخوازكری تام ناكەتە شیڤا من.“»
- بهایێ ب دویف كەفتنا عیسای
- 25
- كومەكا مەزن دگەل عیسای دا دچوون،ل خۆ زڤری و گۆتە وان:
- 26
- ئەگەر ئێك بهێتە لایێ من، و رقیێ ل باب و دایك، ژن و زارۆك، برا و خویشكێن خۆ، هەروەسا ل خۆ ژی، هەلنەگریت، ئەو نەشێت ببیتە شاگردێ من.
- 27
- ئەو كەسێ خاچا خۆ هەلنەگریت و بكەڤیتە دویڤ من، نەشێت ببیتە شاگردێ من.
- 28
- كی ژ هەوە ئەگەر بڤێت كەلوتەكێ ئاڤا بكەت، ل بەراهیێ نەروینیت و ژمێریاریا بودجا وێ نەكەت، كا وی تێرا تەمامكرنا وێ هەیە؟
- 29
- نەكو بناغێ وێ دانیت و پاشی نەشێت تەمام بكەت. ئەڤجا هەمی تەماشەڤان ترانێن خۆ پێ بكەن،
- 30
- و بێژن ئەڤی مرۆڤی دەست ب ئاڤاكرنێ كر و نەشیا تەمام بكەت.
- 31
- یان كیژ پاشایە ئەگەر بچیتە شەڕێ پاشایەكێ دی، ل بەراهیێ نەروینیت و هزرا خۆ نەكەت، كا دێ شێت ب دەهـ هزاران ل هەمبەری وی براوەستیت یێ كو ب بیست هزاران ب سەر وی دادگریت؟
- 32
- ئەگەر نەشێت، دەمێ دوژمنێ وی هێشتا یێ دویر، شاندەكێ دهنێریتە نك وی و داخوازا ئاشتیێ ژێ بكەت.
- 33
- ئەڤجا ب ڤی رەنگی هەر كەسێ ژ هەوە هەمی تشتێ هەیی نەهێلیت،ئەو نەشێت ببیتە شاگردێ من.
- نموونەیا خوێ
- 34
- خوێ یا باشە، لێ ئەگەر خوێ بێ تام بوو، دێ ب چ هێتە سویركرن؟
- 35
- ئەو نە بۆ ئەردی و نە بۆ گویڤكی ژی ب كێر دهێت، دهاڤێژنە ژ دەرڤە. ئەوێ بۆ گوهدانێ گوهـ هەبن بلا ببهیسیت.»
- a. ئاڤپەنگ نەساخیا كومبوونا ئاڤێیە د هناڤان دا
