عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- پرسیاركرن ل دور دەستهەلاتا عیسای
- 1
- رۆژەك ژ رۆژان دەمێ د پەرستگەهێ ڤە خەلك فێر دكر و مزگینی ددا، سەرۆكێن كاهنان و مامۆستایێن دەستوری دگەل ریهسپیان بەرامبەری وی راوەستیان
- 2
- و گۆتنێ: «بێژە مە تۆ ب چ دەستهەلاتی ڤان كاران دكەی؟ یان كێ ئەڤ دەستهەلاتە دایە تە؟»
- 3
- ئینا عیسای بەرسڤا وان دا و گۆت: «ئەز ژی دێ پرسیارا تشتەكێ ب تنێ ژ هەوە كەم، بێژنە من:
- 4
- تافیركرنا یوحەننای ژ ئەسمانی بوو یان ژ مرۆڤان؟»
- 5
- ئینا دانوستاندن د ناڤ خۆ دا كر و گۆتن: «ئەگەر مە گۆت ”ژ ئەسمانی بوو“ دێ بێژیت، ”پا بۆچی هەوە باوەری پێ نەئینا؟“
- 6
- و ئەگەر ئەم بێژین ”ژ مرۆڤان بوو“ دێ خەلك هەمی مە بەرباران كەن، چنكو وان باوەری یا هەی كو یوحەننا پێغەمبەرە.»
- 7
- ئینا وان بەرسڤ دا: «ئەم نزانین ژ كێ بوو.»
- 8
- و عیسای گۆتە وان: «ئەز ژی نابێژمە هەوە ب چ دەستهەلات ئەز ڤان كاران دكەم.»
- نموونەیا رەزڤانان
- 9
- ب ڤێ نموونەیێ دگەل خەلكی ئاخفت: «مرۆڤەكی تری ل رەزەكێ چاند و هندەك رەزڤان دانانە بەر و بۆ دەمەكێ درێژ وەغەر كر،
- 10
- و ل دەمێ چنینێ، كۆلەیەك هنارتە نك رەزڤانان داكو پشكا وی ژ بەرهەمێ رەزی بدەنێ، لێ رەزڤانان كۆلە قوتا و دەست ڤالا هنارت.
- 11
- پاشی كۆلەیەكێ دی هنارت، لێ ئەو ژی قوتا و كرێت كر و دەست ڤالا هنارت
- 12
- و پاشی كۆلەیێ سیێ هنارت، ئینا ئەو ژی بریندار كر و هاڤێتە ژ دەرڤەی رەزی.
- 13
- ئینا خودانێ رەزی گۆت: ”ئەز چ بكەم؟ ئەز دێ كوڕێ خۆ یێ خۆشتڤی هنێرم، بەلكو رێزێ لێ بگرن.“
- 14
- لێ دەمێ رەزڤانان دیتی، دانوستاندن د ناڤ خۆ دا كر و گۆتن: ”ئەڤە میراتگرێ بابێ خۆیە، وەرن دا ئەم بكوژین دا میراتێ وی بۆ مە بمینیت.“
- 15
- ئینا رەزڤانان هاڤێتە ژ دەرڤەی رەزی و كوشت. ئەڤجا خودانێ رەزی دێ چ ل وان كەت؟
- 16
- ئەو دێ هێت وان رەزڤانان ژناڤبەت و رەزی دەتەڤ هندەكێن دی.» دەمێ وان گوهـ لێ بووی، گۆتنێ: «نەخێر چەوا دێ ئەڤە چێبیت؟»
- 17
- لێ ئەوی بەرێ خۆ دا وان و گۆت: «ئەڤجا رامانا ئەڤان گۆتنێن نڤیسی چییە؟ ئەو بەرێ هوستایان رەتكری، بوو بەرێ كوژی
- 18
- هەركەسێ بكەڤیتە سەر ڤی بەری، دێ تێكشكێت و هەركەسێ بەر بكەڤیتە سەر دێ هەرشیت.»
- 19
- ئینا هەر د وی دەمی دا سەرۆكێن كاهنان و مامۆستایێن دەستوری بزاڤ كرن وی بگرن، چنكو ئەوان زانی عیسای ب ڤێ نموونەیێ بەحسێ وان دكر، لێ ئەو ژ خەلكی ترسیان.
- دانا خویكێ بۆ قەیسەری
- 20
- ئینا زێرەڤانیا وی كر و هندەك سیخور هنارتنە دورێن وی و خۆ ب هندێ دئینا دەر كو ئەو مرۆڤێن دلپاكن، داكو عیسای ب ئاخفتنەكا وی بگرن و بدەنە دەستێ دەستهەلاتا فەرمانرەوا و حكومرانی.
- 21
- ئەوان ئەڤ پرسیارە ژ عیسای كر: «مامۆستا، ئەم دزانین تۆ د ئاخفتن و فیركرنا خۆ دا یێ راستی، و تۆ تاگریا كەسێ ناكەی، بەلكو تۆ خەلكی راست فێری رێكا خودێ دكەی.
- 22
- ما چێدبیت ئەم خویكێ بدەینە قەیسەری یان نە؟»
- 23
- عیسای هەست ب فێلبازیا وان كر و گۆتە وان:
- 24
- «كا دینارەكێ نیشا من بدەن: ئەڤ وێنە و نڤیسینا ل سەر یێ كێیە؟» بەرسڤ دا و گۆتن: «یێ قەیسەرییە.»
- 25
- ئینا گۆتە وان: «ئەڤجا یێ قەیسەری بدەنە قەیسەری و یێ خودێ ژی بدەنە خودێ.»
- 26
- ئینا ئەو نەشیان ب ئاخفتنەكا خۆ عیسای بەرامبەری خەلكی گونەهبار كەن و بێ دەنگ بوون، و ب وان گۆتنێن گوهـ لێ بووی گوهشین.
- پرسیاركرن دەربارەی رابوونا مریان
- 27
- هندەك سەدوقی، ئەوێن باوەری ب رۆژا رابوونێ نەیی، بەرهنگاری عیسای بوون و پرسیار ژێ كرن و گۆتن:
- 28
- «مامۆستا، موسای یا بۆ مە نڤیسی: ئەگەر برایێ ئێكی هەڤژینەك هەبیت و بێ زارۆك مر، پێدڤییە برایێ وی هەڤژینا وی بۆ خۆ بئینیت و دویندەهێ بۆ ناڤێ برایێ خۆ پەیدا بكەت.
- 29
- ئەڤجا حەفت برا هەبوون. ئێك ژ وان ژن ئینا و بێ دویندەهـ مر.
- 30
- ئینا برایێ دووێ هەڤژينا وی بۆ خۆ ئینا
- 31
- و پاشی یێ سیێ بۆ خۆ ئینا و تا یێ حەفتێ. هەمی مرن بێی كو چ دویندەهـ ژێ هەبن
- 32
- و ل دوماهیێ ژنك ژی مر.
- 33
- ئەڤجا رۆژا رابوونێ، ئەو ژنك دێ هەڤژینا كێ بیت، چنكو هەڤژینا هەر حەفتان بوو؟»
- 34
- ئینا عیسای بەرسڤا وان دا و گۆت: «مرۆڤێن ڤی سەردەمی شوی دكەن و ژنان دئینن،
- 35
- لێ ئەوێن هێژای ژیانا سەردەمێ داهاتی و پشكداریێ تێدا بكەن، و ژ مرنێ رابن نە شوی دكەن، و نە ژنێ دئینن،
- 36
- ئێدی نەشێن بمرن ژی، چنكو ئەو وەكو فریشتانن. ئەو كوڕێن خودێنە چنكو كوڕێن رابوونێنە.
- 37
- تا موسای، دەمێ بەحسێ تەراشێ كری، خویا كر كو مری رادبن. دبێژیت: خودان یێ خودایێ ئیبراهیمی و ئیسحاقی و یەعقوبییە.
- 38
- ئەو نە خودایێ مریانە، لێ یێ زیندیانە، چنكو هەمی بەرامبەری وی د زیندی نە.»
- 39
- ئینا هندەك مامۆستایێن دەستوری گۆتن: «مامۆستا، تە باش گۆت.»
- 40
- پشتی هنگی كەس نەوێریا چ پرسیاران ژێ بكەت.
- مەسیح كوڕێ كێیە؟
- 41
- عیسای گۆتە وان: «چەوا دبێژن مەسیح كوڕێ داوودییە؟
- 42
- داوود ب خۆ د پەرتوكا زەبورێ دا دبێژیت: ”خودانی گۆتە خودانێ من: ’ل دەستێ منێ راستێ روینە
- 43
- تاكو ئەز دوژمنێن تە دانمە جهێ پێن تە.‘“
- 44
- ئەڤجا داوود دبێژیتێ خودان، پا دێ چەوا بیتە كوڕێ وی؟»
- ئاگەهاداریكرن ژ مامۆستایێن دەستوری
- 45
- دەمێ هەمی خەلكی گوهێ خۆ ددایێ، گۆتە شاگردێن خۆ:
- 46
- «هشیاری مامۆستایێن دەستوری بن ئەوێن حەز دكەن ب جلكێن فرەهـ دەركەڤن و ل بازاران حەژ سلاڤان دكەن و د كنیشتان دا حەژ رێزێن پێشیێ دكەن و سەراڤا سفرێن خوارنێ دروینن،
- 47
- و مالێن بیژنان دخون و ب دورویاتیێ نڤێژان درێژ دكەن. ئەڤێن هەنێ دێ پتر هێنە سزادان.»
