عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- رابوونا عیسای
- 1
- دەمێ شەمبی ب دوماهیك هاتی، مەریەما مەجدەلی، مەریەما دایكا یەعقوبی و سالومەیێ، گولاڤ كڕین دا ل تەرمێ عیسای بكەن.
- 2
- سپێدێ زوی ژ رۆژا ئێكشەمبیێ، دگەل هەلاتنا رۆژێ هاتنە نك گۆڕی،
- 3
- و دگۆتنە ئێكودوو: «كی دێ بەری ژ بەر دەرگەهێ گۆڕی گرێل كەت؟»
- 4
- لێ وان سەحكرە بەری و سەرەرای هندێ كو یێ گەلەك مەزن بوو، بەر یێ هاتییە گرێل كرن.
- 5
- و دەمێ چووینە د ناڤ گۆڕی دا، ل رەخێ راستێ گەنجەكێ روینشتی دیتن، كراسەكێ سپی ل بەر بوو، ئینا مەندەهۆش بوون.
- 6
- وی گۆتە وان: «نەترسن! هوین ل عیسایێ ناسری یێ خاچدای دگەرن. ئەو یێ رابووی، نە ل ڤێرێیە. ئەڤە ئەو جهە یێ ئەو تێدا هاتییە ڤەشارتن.
- 7
- نوكە هەڕن و بێژنە شاگردێن وی و پەتروسی، كو ئەو دێ بەری هەوە چیتە جەلیلێ و دێ ل وێرێ وی بینن هەر وەكو گۆتییە هەوە.»
- 8
- دەركەفتن و ژ گۆری رەڤین، چنكو ترس و سەهمەكا مەزن ئەو گرتن و چ تشت نەگۆتنە كەسێ چنكو دترسیان.
- عیسا بۆ مەریەما مەجدەلی دیار دبیت
- 9
- پشتی عیسا ل رۆژا ئێكشەمبی سپێدێ زوی رابووی، ل پێشیێ بۆ مەریەما مەجدەلی ئەوا حەفت ئەجنە ژێ دەرئێخستین دیار بوو.
- 10
- ئەو ژی چوو و مزگینی گەهاندە شاگردێن وی، كو ب هەوار و گری بوون.
- 11
- دەمێ ئەوان گوهـ لێ بووی، كو عیسا یێ ساخە و ئەوێ یێ دیتی، وان باوەر نەكر.
- عیسا بۆ دوو شاگردان دیار دبیت
- 12
- پشتی هنگی عیسا ب رەنگەكێ دی بۆ دوو ژ وانا دیار بوو دەمێ بەرەڤ دەشتێ دچوون.
- 13
- ئەو زڤرین و گۆتنە یێن دی، لێ ژ وانا ژی باوەر نەكرن.
- عیسا بۆ هەر یازدە هنارتیان دیار دبیت
- 14
- پاشی بۆ یازدە شاگردان، دەمێ خوارنا خۆ دخوار دیار بوو. ژ بەر بێباوەری و سەرهشكی وان، وی ئەو پاشڤە برن، چنكو وان باوەر ژ وان نەدكر ئەوێن عیسا پشتی رابوونا وى دیتى.
- 15
- و گۆتە وان: «بۆ هەمی جیهانێ هەڕن و مزگینیێ بدەنە هەمی ئافرینەرێ.
- 16
- یێ باوەری ئینای و هاتییە تافیركرن، دێ قورتال بیت و یێ باوەری نەئینای دێ هێتە سزادان.
- 17
- ئەوێن باوەری ئینای، ئەڤ نیشانە دێ دگەل وان بن: ب ناڤێ من دێ ئەجنان دەرئێخن، دێ ب زمانێن نوی ئاخڤن،
- 18
- دێ ب دەستێ خۆ ماران گرن، ئەگەر ژەهر ڤەخوارن چ زیان ناگەهیتە وان و دێ دەستێن خۆ داننە سەر نەساخان و دێ ساخ بن.»
- بلندبوونا عیسای بۆ ئەسمانان
- 19
- ئەڤجا پشتی كو خودان دگەل وان ئاخفتی، بلند بوو ئەسمانی و ل ملێ راستێ یێ خودێ روینشت.
- 20
- شاگردە ژی چوون و ل هەمی جیهانێ مزگینی ددا، و خودانی دگەل وان كار دكر و پشتەڤانیا پەیڤێ ب نیشانێن ل دویڤ هاتی دكر.
