عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
حەفت فریشتە و حەفت درب 
1
پشتی هنگی من نیشانەكا دی یا مەزن و سەیر ل ئەسمانی دیت: حەفت فریشتەیان حەفت درب ڤێ بوون، ئەو درب یێن دویماهیێنە، چنكو ب وان تۆڕەبوونا خودێ تەمام دبیت.
2
پاشی من تشتەكێ وەكو دەریایا شویشەی یا تێكهەل ل گەل ئاگری دیت و ئەوێن سەركەفتن ل سەر دڕندەی و وێنەیێ وی و ژمارەیا ناڤێ وی ئینای، ل سەر دەریایا شویشەی د راوەستیای بوون و قیسارەیێن خودێ ڤێ بوون
3
و سروودا مووسای بەنیێ خودێ و سروودا بەرخی دستراند:
«كارێن تە د مەزن و سەیرن،
هەی خودان خودێ، هێزدارێ هەر تشتی.
رێكێن تە د دادپەروەر و راستن،
هەی پاشایێ مللەتان.[a]
4
كی ژ تە ناترسیت
و ناڤێ تە مەزن ناكەت، هەی خودان؟
چنكو تۆ ب تنێ یێ پیرۆزی.
هەمی مللەت دێ هێن
و ل بەرامبەری تە سوجدێ بەن،
چنكو كارێن تە یێن دادپەروەرانە ئاشكرا بوون.»[b]
5
پشتی ڤان تشتان من بەرێ خۆ دایێ، ل ئەسمانی پەرستگەه، كو خیڤەتا شاهدەیێیە، ڤەبوو،
6
حەفت فریشتەیێن حەفت درب ڤێ، ژ پەرستگەهێ دەركەفتن. كتانێ پاقژ و تەیسی ل بەر وان بوو و سینگێ وان ب قایشێن زێڕین د پێچای بوون.
7
ئێك ژ چوار ئافراندیێن زیندی حەفت ترارێن زێڕین، یێن تژی ژ تۆڕەبوونا خودایێ هەروهەر زیندی، دانە هەر حەفت فریشتەیان.
8
پەرستگەهـ ژ دویكێلا مەزناهیا خودێ و هێزا وی تژی بوو و چ كەس نەشیا بچیتە د پەرستگەهێ ڤە، تاكو هەر حەفت دربێن حەفت فریشتەیان تەمام بووین.[c]
  1. a. 15‏:3 گۆتارا مووسای 32‏:4؛ زەبوور 145‏:17؛ یەرمیا 10‏:10
  2. b. 15‏:4 یەرمیا 10‏:6‏-7؛ زەبوور 86‏:9؛ مەلاخی 1‏:11
  3. c. 15‏:8 دەركەفتن 40‏:34؛ 1 پاشا 8‏:10‏-11؛ ئیشایا 6‏:1‏-4