عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .
کتێبی پیرۆز
- گۆرانییەک، زەبوورێکی کوڕانی قۆرەح.
- 1
- یەزدان مەزنە و شایانی هەموو ستایشێکە،
لە شاری خودامان، لە کێوی پیرۆزی خۆی. - 2
- کێوی سییۆن جوانە لە بەرزاییدا،
خۆشی هەموو زەوییە،
وەک لووتکەی شاخی چافۆن[a] ،
شاری پاشای گەورەیە[b] . - 3
- خودا لەناو قەڵاکانی
وەک پەناگایەک ناسراوە. - 4
- ئەوەتا پاشاکان هێزیان کۆکردەوە،
ئەوەتا پێکەوە هاتنە پێشەوە، - 5
- کە بینییان تاسان،
بە ترسەوە هەڵاتن. - 6
- لەوێ لەرزیان لێهات،
ژانیان گرت، وەک ژن لە کاتی منداڵبوون. - 7
- وەک کەشتییەکانی تەرشیش[c] تێکت شکاندن،
بە بای ڕۆژهەڵات تەفروتونات کردن. - 8
- هەروەک بیستمان،
ئاواش بینیمان
لە شاری یەزدانی سوپاسالار،
لە شاری خودامان:
«خودا هەتاهەتایە دەیچەسپێنێت.»[d] - 9
- ئەی خودایە، لە ناوەندی پەرستگاکەت
بیر لە خۆشەویستییە نەگۆڕەکەت دەکەینەوە. - 10
- ئەی خودایە، وەک ناوت
ستایشت دەگاتە ئەوپەڕی زەوی،
دەستە ڕاستت پڕە لە ڕاستودروستی. - 11
- کێوی سییۆن شادمان دەبێت،
کچانی[e] یەهودا دڵخۆش دەبن
بەهۆی دادوەرییەکانت. - 12
- بە دەوری سییۆندا بگەڕێن، بە دەوریدا بسووڕێنەوە،
قوللەکانی بژمێرن، - 13
- لە شووراکانی وردبنەوە،
بڕواننە قەڵاکانی،
هەتا بۆ نەوەی داهاتووی باس بکەن. - 14
- هەتاهەتایە ئەم خودایە خودامانە،
هەتا مردنیش ئەو ڕابەرمانە.
- a. 48:2 شاخی پیرۆز لە باکوور، لە فینیکیا، کە لە ئەندێشەی خەڵک شوێنی نیشتەجێبوونی خودا بووە.
- b. 48:2 مەبەست لە پاشای گەورە، خودایە. بڕوانە 47:2؛ 48:1.
- c. 48:7 جۆرە کەشتییەکی تایبەت بوون کە بۆ بازرگانی بەکاردەهێنران.
- d. 48:8 لە دەقی عیبری لێرە وشەی \+tl سەلاە\+tl* هەیە کە لەوانەیە ئاماژەیەکە بۆ وەستانی مۆسیقا و خوێندنەوە.
- e. 48:11 لە کەلتوری عیبری بە گوندەکانی دەوروبەری شارەکان دەگوترێ کچانی.
