عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- ژیانا نوی یا ب مەسیحی
- 1
- ئەڤجا ئەگەر هوین ل گەل مەسیحی ژ مرنێ هاتینە راكرن، بزاڤێ بۆ تشتێن ل سڵال[a] بكەن، ل وی جهی یێ مەسیح لێ، كو ل دەستێ راستێ یێ خودێ یێ روینشتیە.[b]
- 2
- بلا هزرا هەوە ل سەر تشتێن ل سڵال بیت، نە یێن ل سەر ئەردی.
- 3
- چنكو هوین مرین، ژیانا هەوە ژی ل گەل مەسیحی ل نك خودێ هاتیە هەلگرتن.
- 4
- دەمێ مەسیح، ئەوێ كو ژیانا هەوەیە، دیار دبیت، هنگی هوین ژی دێ ل گەل وی د مەزناهیێ دا دیار بن.
- 5
- ژ بەر هندێ حەزێن خۆ یێن ڤێ جیهانێ بمرینن: دەهمەنپیسی، پویچاتی، گڕ[c] ، حەزێن خراب و چاڤبرساتی كو پووتپەرێسیە[d] ،
- 6
- ژ بەر وان تشتان تۆڕەبوونا خودێ یا ب سەر مرۆڤێن نەگوهدار[e] دا دهێت.
- 7
- هەوە ژی دەمەكی ئەو تشت دكرن، دەمێ هوین د ناڤ وان تشتان دا دژیان.
- 8
- لێ نوكە ڤان هەمی تشتان ژ نك خۆ بهاڤێژن: كەرب، تۆڕەبوون، كین، بوهتان[f] و ئاخفتنێن كرێت ئەوێن ژ دەڤێ هەوە دەردكەڤن.
- 9
- درەوان ل ئێكودوو نەكەن، چنكو هەوە مرۆڤێ كەڤن ب كریارێن وی ڤە ژ بەر خۆ كریە[g]
- 10
- و مرۆڤێ نوی كریە بەر خۆ، ئەوێ دهێتە نویكرن ل گۆر وێنەیێ ئافرێندەرێ خۆ، دا ب دروستی ئافرێندەری بنیاسیت.[h]
- 11
- د وێ نویكرنێ دا چ جوداهی د ناڤبەرا نەجوهی[i] و جوهی، سونەتكری[j] و سونەتنەكری، بەربەر[k] و سكێت[l] ، بەنی و ئازاد دا نینە، لێ مەسیح هەمی تشتە و د ناڤ مە هەمیان دایە.
- 12
- ئەڤجا هوین ئەوێن خودێ ئەو هەلبژارتین و پیرۆز كرین و حەز ژێ دكەت: دلۆڤانی، قەنجی، دەروونبچویكی، دلنەرمی و بێهنفرەهیێ بكەنە بەر خۆ.
- 13
- ل گەل ئێكودوو د بێهنفرەهـ بن،[m] ئەگەر ئێكی گازندە ل سەر ئێكێ دی هەبن، ل ئێكودوو ببورن. هەروەكو خودان ل هەوە بوری، هوین ژی وەسا ل ئێكودوو ببورن.[n]
- 14
- د سەر ڤان هەمیان را، حەزژێكرنێ بكەنە بەر خۆ، كو د كاملیێ دا هەمی تشتان پێكڤە گرێ ددەت.
- 15
- بلا د دلێ هەوە دا ئاشتیا مەسیحی حوكمداریێ بكەت، ئەو ئاشتیا هوین بۆ وێ هاتینە گازیكرن، كو ببنە ئێك لەش، هەروەسا د سوپاسدار ژی بن.
- 16
- بلا پەیڤا مەسیحی ب دەولەمەندیا خۆ د دلێ هەوە دا ئاكنجی ببیت، هوین ژی ب هەمی ئاقلمەندی ئێكودوو فێر بكەن و ئاگەهدار بكەن، زەبووران و سروود و سترانێن روحانی، ب سوپاسداری ژ دلێ خۆ بۆ خودێ بسترن.
- 17
- هەر تشتێ هوین بكەن، ب گۆتن یان كریار، ب ناڤێ خودان عیسای بكەن و ب رێكا وی سوپاسیا خودایێ باب بكەن.[o]
- پەیوەندیێن ناڤ مالێ
- 18
- گەلی ژنان، كا چەوا هەژی خودانیە، هەر ئێك ژ هەوە ملكەچی مێرێ خۆ بیت.[p]
- 19
- گەلی مێران، هەر ئێك ژ هەوە حەز ژ ژنا خۆ بكەت و ل گەل وان د توند نەبن.[q]
- 20
- گەلی زاڕۆكان، د هەمی تشتان دا گوهداریا دایك و بابێن خۆ بكەن، چنكو ئەڤە جهێ رازیبوونا خودانیە.[r]
- 21
- گەلی بابان، زاڕۆكێن خۆ تۆڕە نەكەن، دا بێ ئومێد نەبن.[s]
- 22
- گەلی بەنیان، د هەمی تشتان دا گوهداریا خودانێن خۆ یێن ڤێ جیهانێ بكەن، نە ب وێ خزمەتێ یا ل بەر چاڤان دهێتە كرن، ب تنێ بۆ رازیكرنا مرۆڤان، لێ ب دلساخی و ترسا خودانی گوهداریێ بكەن.
- 23
- هەر تشتەكێ هوین بكەن، وەسا ژ دل بكەن، هەروەكو بۆ خودانی بیت، نە بۆ مرۆڤان،
- 24
- چنكو هوین دزانن دێ پاداشتی كو میراتە ژ خودانی وەرگرن، ژ بەر كو هوین خزمەتا خودان مەسیحی دكەن.
- 25
- لێ یێ نەڕاستیێ بكەت دێ سزایێ نەڕاستیا خۆ وەرگریت و لایەنگری نینە.[t]
- a. 3:1 ئانكو ئەوێن ل ئەسمانی.
- b. 3:1 زەبوور 110:1
- c. 3:5
q گڕ: ب عەرەبی ‹شهوة› - d. 3:5
q پووتپەرێسی: صەنەمپەرێسی - e. 3:6 دەق و دەق: ‹كوڕێن نەگوهداریێ›.
- f. 3:8
q بوهتان: تاوانباركرنا بێ بنیات - g. 3:9 ئەفەسۆس 4:22
- h. 3:10 ئەفەسۆس 4:24؛ دەستپێكرن 1:26
- i. 3:11
q نەجوهی: دەقێ رەسەن دبێژیت: ‹یونانی›. - j. 3:11
q سونەتكرن: ل وی سەردەمی ب تنێ جوهیان زاڕۆكێن خۆ سونەت دكرن. - k. 3:11
q بەربەر: ئەو مللەتن یێن ب زمانێ یونانی نەئاخڤن و ب كەسێن دویر ژ شارستانیێ دهاتنە هژمارتن. - l. 3:11
q سكێتی: مللەتەكن، ب هزرا رۆماییان، هۆڤن و گەلەك ژ شارستانیێ د دویرن. - m. 3:12-13 ئەفەسۆس 4:2
- n. 3:13 ئەفەسۆس 4:32
- o. 3:16-17 ئەفەسۆس 5:19-20
- p. 3:18 ئەفەسۆس 5:22؛ 1 پەترۆس 3:1
- q. 3:19 ئەفەسۆس 5:25؛ 1 پەترۆس 3:7
- r. 3:20 ئەفەسۆس 6:1
- s. 3:21 ئەفەسۆس 6:4
- t. 3:22-25 ئەفەسۆس 6:5-8
