عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- بنیاتێ عیسایێ مەسیح
- 1
- ئەڤە پەرتوكا بنیاتێ عیسایێ مەسیحە، كوڕێ داوودی كوڕێ ئیبراهیمی:
- 2
- ئیبراهیمی ئیسحاق ژێبوو، ئیسحاقی یەعقوب ژێبوو، یەعقوبی یەهودا و برایێن وی ژێبوون،
- 3
- یەهودای فارس و زارەح ژ تامارێ ژێبوون، فارسی حەسرون ژێبوو، حەسرونی ئارام ژێبوو،
- 4
- ئارامی ئەمینەداب ژێبوو، ئەمینەدابی نەحشون ژێبوو، نەحشونی سەلمون ژێبوو،
- 5
- سەلمونی بوعەز ژ راحابێ ژێبوو، بوعەزی عوبید ژ راعوتێ ژێبوو، عوبیدی یەسسا ژێبوو،
- 6
- و یەسسای داوود پاشا ژێبوو.
داوودی سلێمان ژ ژنا ئورییای ژێبوو، - 7
- سلێمانی رەحەبعام ژێبوو، رەحەبعامی ئەبییا ژێبوو، ئەبییای ئاسا ژێبوو،
- 8
- ئاسای یەهوشافات ژێبوو، یەهوشافاتی یورام ژێبوو، یورامی عوزییا ژێبوو،
- 9
- عوزییای یوتام ژێبوو، یوتامی ئەحاز ژێبوو، ئەحازی حزقیا ژێبوو،
- 10
- حزقیای مەنەسا ژێبوو، مەنەسای ئامون ژێبوو، ئامونی یوشیا ژێبوو
- 11
- و یوشیای، یەكونیا و برایێن وی د دەمێ كوچبەربوونا بابلێ دا ژێبوون.
- 12
- پشتی كوچبەریێ بۆ بابل یەكونیای شەئەلتەئیل ژێبوو، شەئەلتەئیلی زەروبابل ژێبوو،
- 13
- زەروبابلی ئەبیهود ژێبوو، ئەبیهودی ئەلیاقیم ژێبوو، ئەلیاقیمی عازور ژێبوو،
- 14
- عازوری سادوق ژێبوو، سادوقی ئەخیم ژێبوو و ئەخیمی ئەلیود ژێبوو،
- 15
- ئەلیودی ئەلیعازر ژێبوو، ئەلیعازر مەتتان ژێبوو، مەتتانی یەعقوب ژێبوو،
- 16
- و یەعقوب بابێ یوسڤێ هەڤژینێ مەریەمێ بوو، ئەو مەریەما عیسایێ دبێژنێ مەسیح ژێبوو.
- 17
- ئەڤجا ژمارا بابكان ژ ئیبراهیمی هەتا داوودی چواردەنە و ژ داوودێ هەتا كوچبەربوونا بابلێ چواردەنە و ژ كوچبەربوونا بابلێ هەتا مەسیحی چواردە بابكن.
- ژدایكبوونا عیسایێ مەسیح
- 18
- ژدایكبوونا عیسایێ مەسیح هوسا بوو: دایكا وی مەریەم دەزگرا یوسفی بوو. ژ بەری كو ئەو هەردوو بگەهنە ئێك، هاتە دیتن، كو مەریەم یا ژ گیانێ پیرۆز ب تشتە.
- 19
- بەلێ چنكو یوسڤێ دەزگرێ وێ مرۆڤەكێ راست بوو و نەدڤیا هەتكا وێ ببەت، ئینا بریار دا ب نەپەنی ڤە بەردەت.
- 20
- بەلێ دەمێ هزر د ڤێ چەندێ دا كری، فریشتەكێ خودانی بۆ وی د خەونێ دا دیار بوو و گۆتێ: «یوسڤێ كوڕێ داوودی تۆ ژ هندێ نەترسە، كو مەریەمێ وەك هەڤژین بۆ خۆ ببەی، چنكو ئەوێ د زكێ وێ دا ژ گیانێ پیرۆزە.
- 21
- دێ وێ كوڕەك بیت و تۆ دێ ناڤێ وی كەیە عیسا، چنكو ئەو دێ گەلێ خۆ ژ گونەهێن وان قورتال كەت.»
- 22
- ئەڤە هەمی هاتە رویدان؛ دا ئەوا خودانی ل سەر ئەزمانێ پێغەمبەری گۆتی ب جهـ بهێت:
- 23
- دێ كچا كچین ب تشت كەڤیت و كوڕەك دێ بیت
و دێ بێژنێ عەمانوئیل
و رامانا ڤی ناڤی ژی: خودێ دگەل مەیە . - 24
- دەمێ یوسڤ ژ خەو رابووی، وی ئەو كر یا فریشتێ خودانی فەرمانا وی كری و مەریەم وەكو هەڤژین بۆ خۆ بر.
- 25
- بەلێ ئەو نەچوو نڤینا وێ هەتا كوڕەك بووی و ناڤێ وی كرە عیسا.
