عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- سەرەدانا ستێرناسان
- 1
- پشتی عیسا ل بەیت لەحم ژ دایك بووی ل دەڤەرا یەهودیایێ ل سەردەمێ پاشا هێرودێسی، هندەك ستێرناس ژ لایێ رۆژهەلاتێ ڤە هاتنە ئورشەلیم
- 2
- و پرسیار كرن: «كانێیە پاشایێ جوهیان یێ ژ دایك بووی؟ چنكو مە ستێرا وی ل رۆژهەلاتێ دیت، ئەڤجا ئەم یێن هاتین بۆ وی چۆكڤەدانێ بكەین.»
- 3
- دەمێ هێرودێس پاشای ئەڤە گوهـ لێ بووی ئەو و هەمی خەلكێ ئورشەلیمێ تێك چوون.
- 4
- ئینا وی هەمی سەرۆكێن كاهنێن جوهیان دگەل مامۆستایێن دەستوری كومكرن و ژێ پرسی: «مەسیح دێ ل كیرێ ژ دایك بیت؟»
- 5
- ئینا وان بەرسڤ دا و گۆت: «ل بەیت لەحما یەهودیایێ، چنكو هوسا یا ل سەر ئەزمانێ پێغەمبەری هاتییە نڤیسین:
- 6
- و تۆ ئەی بەیت لەحما ل دەڤەرا یەهودا،
قەت ل ناڤ سەرۆكێن یەهودا نە یا كێمی،
چنكو دێ ژ ناڤ تە سەرۆكێ چاڤدێریێ ل خەلكێ ئیسرائیلێ دكەت دەركەڤیت. - 7
- پاشی هێرودێسی ب نهێنی گازی كرە ستێرناسان و دەمێ دیاربوونا ستێرێ ژ وان پرسی.
- 8
- پاشی فرێكرنە بەیت لەحم و گۆت: هەڕن و باش ل زارۆكی بگەڕن و دەمێ هوین دبینن بێژنە من دا ئەز ژی خۆ بۆ بچەمینم.»
- 9
- پشتی وان ئاخفتنا پاشای بهیستی، ئەو ب رێ كەفتن و ئەو ستێرا وان بەری هنگی ل رۆژهەلاتێ دیتی ل پێشیا وان دچوو هەتا ل هنداڤ وی جهی زارۆك لێ راوەستا.
- 10
- دەمێ وان ستێر دیتی گەلەك و گەلەك كەیفخۆش بوون.
- 11
- و دەمێ ب ژۆر كەفتین وان زارۆك دگەل دایكا وی مەریەمێ دیت و وان خۆ بۆ چەماند، پاشی تویركێن خۆ ڤەكرن و خەلاتێن زێری و بێهنێن بخویرێ و موڕی پێشكێشی وی كرن.
- 12
- و ژ بەر كو د خەونێ دا هاتنە ئاگەهدار كرن نەزڤرنەڤە نك هێرودێسی، ئەو د رێكەكا دی را بەرەڤ وەلاتێ خۆ ڤەگەڕیانەڤە. \s رەڤین بەرەڤ مسرێ
- 13
- دەمێ ستێرناس چووین، فریشتەكێ خودانی د خەونێ دا بۆ یوسڤی دیار بوو و گۆتێ: «رابە و زارۆكی و دایكا وی برەڤینە مسرێ و ل وێرێ بمینە هەتا ئەز دبێژمە تە؛ چنكو هێرودێس دێ ل زارۆكی گەڕیێت دا بكوژیت.»
- 14
- ئەڤجا یوسڤ د وێ شەڤێ دا رابوو و زارۆك و دایكا وی بەرەڤ مسرێ ڤە برن.
- 15
- ل وێرێ مان هەتا مرنا هێرودێسی، دا ئەوا خودانی گۆتی ل سەر ئەزمانێ پێغەمبەری ب جهـ بهێت: من كوڕێ خۆ ژ مسرێ گازی كر.
- 16
- دەمێ هێرودێسی زانی ستێرناسان ترانە پێ كرن، گەلەك توڕە بوو و فەرمان دا هەمی كوڕكێن بەیت لەحم و دەوروبەرێن وێ یێن ژ دوو سالیێ بچویكتر بكوژن، ل دویڤ دەمێ دیاربوونا ستێرێ هەروەكو ژ ستێرناسان زانی.
- 17
- هنگی ئەو پەیڤا ب زمانێ یەرمیا پێغەمبەر هاتییە گۆتن ب جهـ هات:
- 18
دەنگەك ژ رامە هاتە گوهلێبوون،
هەوار و نالینەكا تیژ!
راحێل بۆ كوڕێن خۆ دكەتە گری
و رازی نابیت دلێ وێ بهێتە خۆش كرن، چنكو ئەو ئێدی نەمان.- ڤەگەڕیان ژ مسرێ
- 19
- پشتی هێرودێس مری، فریشتەكێ خودانی ل مسرێ د خەونەكێ دا بۆ یوسفی دیاربوو
- 20
- و گۆتێ: «رابە زارۆكی و دایكا وی بزڤرینەڤە دەڤەرا ئیسرائیلێ، چنكو ئەوێن هەولداین وی بكوژن یێن مرین!»
- 21
- ئەڤجا رابوو زارۆك و دایكا وی ڤەگەڕاندنە دەڤەرا ئیسرائیلێ.
- 22
- بەلێ دەمێ گوهـ لێ بووی، كو ئەرخیلاووس یێ دەستهەلاتیێ ل سەر دەڤەرا یەهودیایێ شوینا بابێ خۆ هێرودێسی دكەت، ترسیا بچیتە وێرێ و ژ بەر كو د خەونێ دا هاتە ئاگەهدار كرن، ئەڤجا چوو دەڤەرا جەلیل
- 23
- و گەهشتە باژێرێ دگۆتنێ «ناسیرە» و ل وێرێ خۆ جهـ بوو، دا ئەوا هاتییە گۆتن ل سەر ئەزمانێ پێغەمبەران ب جهـ بهێت: «دێ بێژنێ یێ ناسری.»
