عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- عیسا و یوحەننایێ تافیركەر
- 1
- پشتی عیسا ژ شیرەتكرنا هەر دوازدە شاگردێن خۆ ب دوماهی هاتی ژ وێرێ چوو، دا فێركرنێ بكەت و مزگینیێ د باژێرێن جەلیل دا بكەت.
- 2
- دەمێ یوحەننای د زیندانێ دا گوهـ ل كارێن عیسای بووی، هندەك ژ شاگردێن خۆ هنارتنە نك و
- 3
- پرسیار ژێ كر: «ئەرێ توی ئەوێ دێ هێت، یان خۆ ل هیڤیا ئێكێ دی بگرین؟»
- 4
- عیسای بەرسڤا وان دا و گۆت: «هەرن و ئەوا هەوە گوهـ لێ دبیت و ئەوا هوین دبینن بێژنە یوحەننای:
- 5
- كۆرە یێ دبینن، گووجێ ب رێڤە دچن، لەشێن سپی بووی یێ پاقژ دبن و كەڕ یێ گوهـ لێ دبن و مری یێ رادبنەڤە و هەژار یێ دهێنە مزگینی كرن
- 6
- و خوزیكێن وی یێ گومان ب من نەبیتن!»
- 7
- دەمێ شاگردێن یوحەننای دچوون، عیسای بۆ یێن خڕڤەبووی ل سەر یوحەننای دەست ب ئاخفتنێ كر: «هوین دەركەفتینە چۆلی دا چ ببینن؟ دا لەڤەنەكێ با بلەرزینیت ببینن؟
- 8
- ئەڤجا هوین دەركەفتن دا چ ببینن؟ دا مرۆڤەكێ ب جلكێن كەشخە ببینن؟ ئەها ئەڤە خودانێن جلكێن كەشخە یێن د كوچكێن پاشایان دا.
- 9
- ئەڤجا هوین دەركەفتن دا چ ببینن، دا پێغەمبەرەكی ببینن؟ بەلێ، ئەز دبێژمە هەوە، ئەو ژ پێغەبەرەكی مەزنتر.
- 10
- ئەڤە ئەوە یێ ل سەر هاتییە نڤیسین:
دێ قاسدێ خۆ ل پێشیا تە فرێكەم،
دا رێكا تە ئامادە كەت. - 11
- ب راستی دبێژم هەوە: كەسەك ژ دایكا خۆ نەبوویە ژ یوحەننایێ تافیركەر مەزنتر. بەلێ ئەوێ ژ هەمیان بچویكتر د پاشاتیا ئەسمانی دا ژ وی مەزنترە.
- 12
- ژ دەمێ یوحەننایێ تافیركەر هەتا نوكە، زۆرداری یا ل پاشاتیا ئەسمانان دهێتە كرن و یێن زۆردار ب خورتی ب دەست خۆ ڤە دئینن.
- 13
- چنكو هەمی پێغەمبەران و دەستور پێغەمبەراتی كر هەتا دەمێ یوحەننای
- 14
- و ئەگەر هەوە دڤێت باوەر بكەن، ئەڤ یوحەننە؛ ئیلیاە یێ كو دا هێت.
- 15
- یێ گوهـ هەین بلا گوهـ لێ بیت.
- 16
- بەلێ پا ئەز كوڕێن ڤی سەردەمی ب چ تشتی بەراورد بكەم؟ ئەو وەكو زارۆكێن ل ناڤ بازارێ دروینشتینە گازی هەڤالێن خۆ دكەن
- 17
- و دبێژن:
مە بلویل بۆ هەوە لێدا و هوین ل بەر نەلەیزین
و مە بۆ هەوە ڤەلوراند و هەوە نەكرە گری. - 18
- ژ بەر كو یوحەننا هاتبوو، نەدخوار و نەڤەدخوار و وان دگۆت: ”جنەك یێ تێدا.“
- 19
- و كوڕێ مرۆڤ هات و وی دخوار و ڤەدخوار و وان گۆت: ”ئەڤە مرۆڤەكێ خوەرە و سەر خۆشە، هەڤالێ باجگران و گونەهكارانە،“ بەلێ دانایی ب كارێن وی ڤە یا دیارە.»
- باژێرێن نەپەشێمانان
- 20
- پاشی عیسای باژێرێن پرانیا حنێرێن وی لێ هاتینە كرن، گونەهباركرن؛ چنكو خەلكێ وان پەشێمان نە ببوون و
- 21
- گۆت: «خولی ب سەرێ تە ئەی كورەزین! خولی ب سەرێ تە بهێت سەیدا! چنكو، ئەگەر ئەو حنێرێن د ناڤ هەوە دا هاتینە كرن ل سور و سایدا هاتبانە كرن، دا خەلكێ وان ژمێژە پەشێمان بن و كنجران كەنە بەرخو و د ناڤ خولیێ دا روینن؛
- 22
- بەلێ دبێژمە هەوە، كو دێ كاودانێ سور و سایدا ژ یێ هەوە ل رۆژا دادكرنێ باشتر بیت.
- 23
- تۆ ئەی كەفەرناحوم: ما تۆ دێ بلند بییە ئەسمانان؟ نە! تۆ دێ كەڤییە د بنێ دوزەخێ دا. ئەگەر ئەو حنێرێن ل ناڤ تە هاتینە كرن ل سودوم هاتبانەكرن؛ دا هەتا ئەڤرۆ مینیت،
- 24
- بەلێ ئەز دبێژمە هەوە، كو دێ كاودانێ سودوم ژ یێ تە ل رۆژا دادكرنێ باشتر بیت.»
- بێهن ڤەدان بۆ ماندیان
- 25
- ل وی دەمی عیسای گۆت: «سوپاسیا تە دكەم ئەی بابێ خودانێ ئەرد و ئەسمانان، چنكو تە ئەڤ تشتە ژ شەهرەزان و تێگەهشتیان ڤەشارتن و بۆ زارۆكان ئاشكرا كرن؛
- 26
- بەلێ، ئەی باب، چنكو ئەڤە ڤیانا تە بوو.
- 27
- هەمی تشتێ ژ لایێ بابێ من ڤە بۆ من هاتییە دان و كەس كوڕی ناس ناكەت باب نەبیت و كەس بابێ ناس ناكەت كوڕ نەبیت و ئەو كەسێن كوڕی دڤێت بۆ دیاردكەت.
- 28
- وەرنە نك من ئەی هەمی ماندی و بارگران، دێ هەوە تەنا كەم.
- 29
- باسولێ من هەلگرن و ژ من فێر ببن، چنكو ئەزێ دلوڤان و دەروون بچویكم و دێ بۆ دەروونێن خۆ بێهن ڤەدانێ بینن،
- 30
- چنكو بارسولێ منێ ب ساناهییە و بارێ منێ سڤكە.»
