عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- هەر دوازدە هنارتی
- 1
- پاشی گازی كرە هەر دوازدە شاگردێن خۆ و دەستهەلاتداری ل سەر گیانێن پیس دایێ، داكو وان دەرئێخن و خەلكی ژ هەر لاوازی و نەخۆشیەكێ ساخكەن.
- 2
- ئەڤەنە ناڤێن دوازدە هنارتیان: ل پێشیێ شەمعونە ئەوێ دگۆتنێ پەتروس و برایێ وی ئەندراوسی و یەعقوبێ كوڕێ زەبەدی و برایێ وی یوحەننا،
- 3
- فیلیپوس، بەرتولماوس و توما و مەتتايێ باجگر، یەعقوبێ كوڕێ حەلفی و تەداوس
- 4
- شەمعونێ وەلاتپەروەرێ ب خیرەت و یەهودایێ ئەسخەریوتی ئەوێ بێبەختی لێ كری.
- عیسا هنارتیا دهنێریت
- 5
- ئەڤ دوازدە عیسای هنارتن و شیرەتكرن و گۆتێ: «د رێكا نەتەوەیێن دی را نەچن و نەچنە چ باژێرێ سامەریان،
- 6
- بەلێ هەڕنە بەرخێن بەرزە بووی ژ مالا ئیسرائیل.
- 7
- دەمێ هوین دچن، پەیامێ بگەهینن و بێژنێ: پاشاتیا ئەسمانان یا نێزیك بووی.
- 8
- نەخۆشان ساخكەن و مریان راكەن و لەش سپیبوویان پاقژكەن، جنان دەربئێخن. ب هەروە هەوە وەرگرت؛ ب هەروە بدەن.
- 9
- د شالێن خۆ دا زێری و زیڤی و سفری نەهەلگرن،
- 10
- تویركی بۆ رێكێ نەبەن و دوو كراسان و شروخەكێ و گۆپالەكی ژی؛ چنكو پالە هەژی خوارنا خۆیە.
- 11
- هەر گوند و باژێرەكێ هوین چوونێ، لێ بگەڕیێن كا كیێ هەژییە ل وێرێ بمینن؛ هەتا هوین دچن.
- 12
- دەمێ هوین دچنە مالەكێ سلاڤ كەنێ
- 13
- و ئەگەر ئەو مال یا هەژی بیت، بلا سلاڤا هەوە ل سەر بیت و ئەگەر نە یا هەژی بیت بلا سلاڤ بۆ هەوە بزڤریت.
- 14
- ئەگەر كەسەكێ ل مالەكێ یان باژێرەكی پێشوازیا هەوە نەكر و گوهێ خۆ نەدا ئاخفتنا هەوە؛ ل دەمێ هوین ژ وێرێ دەركەڤن، پێن خۆ ژ توزێ داقوتن.
- 15
- ب راستی ئەز دبێژمە هەوە: دێ كاودانێ وان ژ باژێرێ سودوم و عەمورە د رۆژا دادكرنێ دا كمباختر بیت.
- تەنگاڤكرن دێ هێن
- 16
- ئەها ئەزێ هەوە وەكو بەرخان دهنێرمە ناڤ گورگان، ئەڤجا هشیار بن وەكو ماران و بێ گونەهـ بن وەكو كوتران.
- 17
- ژ مرۆڤان هشیار بن : چنكو ئەو دێ هەوە دەنە دەستێ دادگەهان و دێ د كنیشتێن خۆ دا هەوە دەنە بەر قامچیان
- 18
- و ژ بەر من دێ هەوە بەنە بەرامبەری حوكمداران و پاشا بۆ شاهدەیێ ل نك وان و نەتەوەیێن نە جوهی.
- 19
- دەمێ هەوە ددەنە دەست، خەمێ نەخون؛ كا دێ چەوا ئاخڤن یان دێ چ بێژن، چنكو د وی دەمی دا دێ بۆ هەوە هێتە دان؛ كا چ بێژن.
- 20
- ژ بەركو هوین نە ئاخفتنكەرن، بەلكو گیانێ بابێ هەوە یێ د ناڤ هەوە دا دئاخڤیت.
- 21
- دێ برا بەرێ برای دەتە مرنێ و باب یێ زارۆكێ و دێ زارۆك بەرامبەر دایك و بابێن خۆ رابن و دێ دەنە كوشتن
- 22
- و دێ ژ بەر ناڤێ من كەربێن هەمیان ژ هەوە ڤەبن، بەلێ یێ خۆ بگریت هەتا دوماهیێ ئەو دێ قورتال بیت.
- 23
- ئەگەر هوین تەنگاڤ كرن ل باژێرەكی، برەڤنە باژێرەكێ دی. ئەز ب راستی دبێژمە هەوە: هوین باژێرێن ئیسرائیل تەمام ناكەن، هەتا كوڕێ مرۆڤ بهێت.
- 24
- چ شاگرد ژ مامۆستایێ خۆ مەزنتر نینن و چ خزمەتكار ژ خودانێ خۆ مەزنتر نینن.
- 25
- بەسی شاگردییە وەكو مامۆستایێ خۆ بیت و خزمەتكار وەكو خودانێ خۆ بیت. ئەگەر خودانێ مالێ ب بەعەلزەبولی هاتبیتە ناڤكرن، پا دێ خەلكێ مالا وی چەوا بیت؟
- 26
- ئەڤجا ژ وان نەترسن، چنكو چ ڤەشارتن نینن ئاشكرا نەبن و چ نەپەنی نینن دیار نەبن.
- 27
- ئەوا ئەز ل تاریێ دبێژمە هەوە، هوین ل روناهیێ بێژن و ئەوا هوین ب پستە پستێ گوهـ لێ دبن ل سەربانان گازی بكەن.
- 28
- ژ وان نەترسن ئەوێن لەشی دكوژن. ئەو نەشێن دەروونێ بكوژن. بەلێ ژ وی بترسن ئەوێ دشێت دەروون و لەشی پێكڤە د دوزەخێ دا وێران بكەت.
- 29
- ما نە دوو چویچك ب فلسەكی دهێنە فرۆتن؟ هەرچەندە ئێك ژ وان بێی بابێ هەوە ناكەڤیتە ئەردی.
- 30
- بەلێ مویێن سەرێ هەوە ژی یێن هژمارتین.
- 31
- ئەڤجا نەترسن هوین ژ گەلەك چویچكان ب بهاترن. \s دان ب عیسای دان و نەناسكرنا وی
- 32
- هەر كەسێ دانێ بەرامبەر خەلكی ب من بدەت، ئەز ژی دێ دانێ بەرامبەر بابێ خۆ یێ ل ئەسمانان ب وی دەم
- 33
- و هەر كەسەكێ من بەرامبەر خەلكی نەناس كەت؛ ئەز ژی دێ وی بەرامبەر بابێ خۆ یێ ل ئەسمانان نەناس كەم. \s عیسا و جیهان
- 34
- هزر نەكەن ئەزێ هاتیم دا ئاشتیێ بئێخمە سەر ئەردی، ئەز نەهاتیمە ئاشتیێ بینم؛ بەلێ شیری بینم،
- 35
- چنكو ئەزێ هاتیم مرۆڤی بكەمە دژی بابێ وی و كچێ دژی دایكا وێ و بویكێ دژی خەسیا وێ
- 36
- و ئەها هوسا دوژمنێن مرۆڤی دێ بنە خەلكێ مالا وی.
- 37
- هەر كەسێ ژ من پتر حەز ژ بابێ خۆ یان دایكا خۆ بكەت ئەو نە هەژی منە و هەر كەسێ پتر ژ من حەز ژ كوڕێ خۆ یان كچا خۆ بكەت، دیسان ئەو نە هەژی منە
- 38
- و هەر كەسێ خاچا خۆ نەهەلگریت و ب دویڤ من نەكەڤیت ئەو نە هەژی منە.
- 39
- هەر كەسێ ژیانا خۆ بپارێزیت دێ ژ دەست دەت و هەر كەسێ ژیانا خۆ ژ بەر من ژ دەست بدەت دێ ب دەست ڤە ئینیت.
- 40
- هەر كەسێ هەوە قەبیل بكەت، من ژی قەبیل دكەت و هەر كەسێ من قەبیل كەت؛ یێ ئەز هنارتیم ژی قەبیل دكەت.
- 41
- هەر كەسێ پێغەمبەرەكی قەبیل كەت، چنكو ئەو پێغەمبەرە؛ دێ خەلاتێ پێغەمبەرەكی وەرگریت و هەر كەسێ زەلامەكێ راست قەبیل بكەت، ژ بەر كو ئەو یێ راستە، دێ خەلاتێ مرۆڤەكێ راست وەرگریت.
- 42
- ئەگەر ئێكی پەرداغەكێ ئاڤا تەزی بدەتە ئێك ژڤان كەسێن بچویك، چنكو ئەو شاگردێ منە ئەز ب راستی دبێژمە هەوە خەلاتێ وی چ جاران بەرزە نابیت.»
