عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- 1
- دەمێ ژ پەرستگەهێ دەركەفتی شاگردێن وی هاتنە نك و بەرێ وی دانە ئاڤاهیێن پەرستگەهێ
- 2
- و گۆتە وان: «ما هوین ڤان هەمی ئاڤاهیان نابینن؟ ئەز راستیێ دبێژمە هەوە ل ڤێرێ بەر ل سەر بەری نامینیت.» \s نیشانێن دوماهیا سەردەمان
- 3
- ل سەر چیایێ زەیتونان یێ روینشتیبوو. شاگردێن وی ب تنێ هاتنە نك و گۆتنێ: «بۆ مە بێژە كەنگی دێ ئەڤ چەندە رویدەت و نیشانا هاتنا تە و دوماهیا سەردەمی چینە؟»
- 4
- ئینا عیسای بەرسڤ دا: «ئاگەهدار بن كەس هەوە دسەردا نەبەت.
- 5
- گەلەك دێ ب ناڤێ من هێن و بێژن: ”ئەزم مەسیح“ و دێ گەلەكان دسەردا بەن.
- 6
- و دێ هەوە گوهـ ل جەنگ و نوچێن جەنگان بیت. بەلێ نەوە بیت هوین بترسن، چنكو دڤێت ئەڤە هەمی روی بدەت. بەلێ ئەڤە هێشتا نە دوماهیكە.
- 7
- چنكو دێ مللەت دژی یێ دی رابیت و پاشاتیەك دژی یێ دی، دێ كولپ و بیڤەلەرز دگەلەك جهان پەیدا بن،
- 8
- بەلێ ئەڤە هەمی دەستپێكا ژانێن زارۆك بوونێنە.
- 9
- و دێ هنگی خەلك هەوە ئێخیتە تەنگاڤیان و كوژن و دێ ژ بەر ناڤێ من ل نك هەمی مللەتان چەپەل بن
- 10
- و دێ گەلەك ڤارێبن و ئێكودوو دەنە دەست و نەیاریا ئێكودوو كەن
- 11
- و دێ گەلەك پێغەمبەرێن ب درەو پەیدا بن و دێ گەلەكان دسەردا بەن.
- 12
- و ژ بەركو زێدەبوونا گونەهان؛ دێ ڤیانا گەلەكا سار بیت،
- 13
- بەلێ ئەوێ هەتا دوماهیێ خۆ بگریت ئەو دێ قورتال بیت.
- 14
- و ئەڤ مزگینیا پاشاتیێ دێ ل گشت جیهانێ بۆ شاهەدەیا ل نك هەمی نەتەوان هێتە بەلاڤكرن و پاشی دێ دوماهیك هێت.
- تەنگاڤیا مەزن
- 15
- ئەڤجا دەمێ هوین پیساتیا وێرانكرنێ ل جهێ پیرۆز دبینن، ئەڤجا بلا خوێندەڤان تێبگەهن، ئەوا ل سەر زمانێ دانیال پێغەمبەر هاتی،
- 16
- هنگی ئەوێن ل دەڤەرا یەهودیایێ برەڤنە چیا
- 17
- و هەچیێ ل سەر بانی بیت، بلا نە هێتە خوارێ داكو مالێ خۆ ببەت
- 18
- و هەچیێ ل چەمی ژی بیت، بلا نە ڤەگەڕیێت داكو جلكێن خۆ ببەت.
- 19
- نەخوزیكێن ژنێن د وان رۆژان دا ب تشت و زارۆك شیران!
- 20
- نڤێژان بكەن داكو رەڤینا هەوە ل زڤستانێ یان شەمبیێ نەبیت.
- 21
- چنكو دێ هنگی تەنگاڤیەكا مەزن روی دەت وەكو وێ ژ دەستپێكا جیهانێ هەتا نوكە روی نەدایە و روی نادەت.
- 22
- و ئەگەر ئەو رۆژ نەهاتبانە كورتكرن كەس ژ مرۆڤان قورتال نە دبوو، بەلێ ژ بەر هەلبژارتیان ئەو رۆژ دێ هێنە كورتكرن.
- 23
- ئەگەر هنگی ئێكی گۆتە هەوە: ”مەسیح ئەڤەیە ل ڤێرێ!“ یان ژی ”ل وێرا هەیە!“، باوەر نەكەن.
- 24
- چنكو دێ مەسیحێن ب درەو و پێغەمبەرێن ب درەو دیار بن و دێ نیشانێن مەزن و مەندهوشیان پێشكێشكەن، ئەگەر شیان هەتا یێن هەلبژارتی ژی دێ د سەردا بەن.
- 25
- ئەڤە من ئەڤ چەندە بەری رویدانا وێ گۆتە هەوە
- 26
- ئەڤجا ئەگەر خەلكی گۆتە هەوە: ”وێ هە مەسیحێ ل دەشتێ“ هوین نەدەركەڤن؛ یان ژی ئەگەر گۆتن: ”یێ د ژۆرڤە“ هوین باوەر نەكەن.
- 27
- چنكو چەوا بریسی ل رۆژهەلاتێ ددەت و ل رۆژئاڤایێ شەوقێ ددەت، هاتنا كوڕێ مرۆڤ ژی دێ هوسا بیت.
- 28
- ل جهێ گەنی لێ بیت، دێ قەلەرەشك لێ كوم بن.
- هاتنا مەسیحی یا دووێ
- 29
- ئێكسەر پشتی تەنگاڤیا د وان رۆژان دا دێ رۆژ تاری بیت و هەیڤ شەوقێ نادەت؛ ستێر دێ ژ ئەسمانان كەڤن و دێ هێزێن ئەسمانان تێكچن.
- 30
- هنگی دێ نیشانا كوڕێ مرۆڤ ل ئەسمانی دیار بیت و دێ هۆزێن ئەردی هەمی گرین و داننە خۆ و دێ كوڕێ مرۆڤ بینن یێ ب شیان و رومەتەكا مەزن ل سەر عەورێن ئەسمانی دهێت
- 31
- و دێ فریشتێن خۆ ب دەنگەكێ مەزنێ بوریزانێ فرێكەت، داكو هەلبژارتیێن وی ژ هەرچوار كناران ژ ڤی لایێ ئەسمانان هەتا یێ دی خڕڤەكەن.
- نموونەیا دار هژیرێ
- 32
- ژ نموونەیا دارهژیرێ ڤێر ببن: دەمێ چەقێن وێ كەسك دبن و بەلگ پێڤە دهێن هوین دزانن هاڤین یا نێزیكە.
- 33
- هەروەسا دەمێ هەوە ئەڤە هەمی دیت، بزانن یا نێزیكە؛ لبەر دەرگەهییە.
- 34
- ئەز راستیێ دبێژمە هەوە چ جاران ئەڤ نفشە ژ ناڤ ناچیت هەتا ئەڤ تشتێن هە هەمی روی نەدەن.
- 35
- ئەرد و ئەسمان دێ پویچ بن، بەلێ چ جاران پەیڤا من پویچ نابیت.
- كەس وێ رۆژ و سەعەتێ نزانیت
- 36
- بەلێ ب تنێ باب نەبیت؛ كەس وێ رۆژ و سەعەتێ هەتا فریشتێن ئەسمانان ژی نزانیت.
- 37
- هەروەكو ل سەردەمێ نوحی رویدای، دێ هاتنا كوڕێ مرۆڤ هوسا بیت.
- 38
- ل رۆژێن بەری توفانێ خەلكی دخوار و ڤەدخوار و شوی دكرن و ژن دئینان، هەتا ئەو رۆژا نوح چوویە د گەمیێ دا
- 39
- و وان پێنەدزانی هەتا توفان رابوو و هەمی ژناڤبرن؛ دەمێ كوڕێ مرۆڤ ژی بهێت دێ هوسا بیت.
- 40
- هنگی دێ دوو زەلام ل چەمی بن؛ دێ ئێك هێتە برن و دێ یێ دی هێتە هێلان.
- 41
- و دوو ژن دستاری دهێرن؛ دێ ئێك هێتە برن و دێ یا دی هێتە هێلان.
- 42
- ئەڤجا دهشیار بن، چنكو هوین نزانن دێ كیش رۆژێ خودانێ هەوە هێت،
- 43
- بەلێ ڤێ چەندێ بزانن: ئەگەر خودانێ مالێ زانیبا دێ چ دەمێ شەڤێ دز هێتێ دا مینتە هشیار و نە دهێلا مالا وی بهێتە دزین.
- 44
- ئەڤجا هوین ژی دئامادە بن، چنكو دێ كوڕێ مرۆڤ دەمەكێ وەسا هێت هوین هزر نەكەن.
- نموونەیا كۆلەیێ دلسۆز
- 45
- ئەڤجا ئەو كییە، كۆلەیێ دلسۆز و دانا ئەوێ مەزنێ وی ل سەر خولامان كرییە سەردار، داكو خوارنێ ل وەخت بدەتە وان؟
- 46
- خوزیكا وی كۆلەیێ مەزنێ وی دهێتن و دبینیت یێ ب كارێ خۆ رادبیت.
- 47
- ئەز راستیێ دبێژمە هەوە: ئەو دێ وی كەتە بەرپرسێ هەمی سامانێ خۆ.
- 48
- بەلێ ئەگەر ئەو كۆلەیێ خراب بیت و د دلێ خۆ دا گۆت: ”دێ مەزنێ من گیرو بیت“
- 49
- و دەست ب لێدانا هەڤالێن خۆ یێن كۆلە كر و دگەل سەرخۆشان خوار و ڤەخوار،
- 50
- دێ ل رۆژەكا وەسا مەزنێ وی كۆلەی هێت، كو چاڤەرێ نەبیت و وێ سەعەتێ نەزانیت،
- 51
- و دێ وی پارچە پارچە كەت و بەهرا وی كەتە دگەل دوورویان، ل وی جهێ گری و چیرچیرا ددانان لێ.»
