عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- نە خۆشی ل سەر مامۆستایێن دەستوری و فەریسیان
- 1
- هنگی عیسای گۆتە خەلك و شاگردێن خۆ:
- 2
- «مامۆستایێن دەستوری و فەریسی ل سەر تەختێ موسای دروینشتینە،
- 3
- ئەڤجا هەچیا دبێژنە هەوە بكەن و ب جهـ بینن، بەلێ ل دویڤ كریارێن وان نەكەن. چنكو ئەو دبێژن، بەلێ ناكەن.
- 4
- بارێن گران گرێددەن و ددانە سەر ملێن خەلكی، بەلێ ئەو خۆ تبلەكا خۆ بۆ هەلگرتنا باری نالڤینن.
- 5
- و ئەگەر تشتەكی بكەن ژی ژ بەر هندێیە، داكو خەلك بەرێ خۆ بدەنە وان. ئەو ئایەتا ب شاشكێن خۆ ڤە پەحن دكەن و ب دەهمەنێن كراسێن خۆ ڤە شور دكەن
- 6
- و حەز ژ هندێ دكەن ل شەهیانێن نان خوارنا و ل كنیشتان ل پێشیێ روینن
- 7
- و حەز ژ هندێ دكەن د ناڤ بازاران دا؛ خەلك سلاڤ كەنێ و بێژنێ: ”ئەی مامۆستا، ئەی مامۆستا.“
- 8
- بەلێ هوین وە نەكەن كەس بێژیتە هەوە ”ئەی مامۆستا،“ چنكو مامۆستایێ هەوە ئێكە و هوین هەمی برانە.
- 9
- و ل سەر جیهانێ كەسێ ب بابو ناڤ نەكەن. چنكو بابێ هەوە ئێكە؛ ئەوێ ل ئەسمانان
- 10
- و وە نەكەن كەسەك بێژیتە هەوە سەرۆك، چنكو سەرۆكێ هەوە ئێكە؛ ئەو ژی مەسیحە.
- 11
- و یێ كو د ناڤبەرا هەوە دا یێ مەزن بیت، دێ خزمەتكارێ هەوە بیت.
- 12
- ئەڤجا هەچیێ خۆ مەزن بكەت، دێ نزم بیت و یێ خۆ نزم بكەت دێ بلند بیت.
- 13
- نەخوزیكێن هەوە ئەی مامۆستایێن دەستوری و فەریسیان ئەی دووروینو! چنكو هوین دەرگەهێ پاشاتیا ئەسمانان ل خەلكی دگرن، نە هوین دچنە ژۆر و نە دهێلن ژی خەلكێ دڤێت بچیتە ژۆر.
- 14
- نەخوزیكێن هەوە ئەی مامۆستایێن دەستوری و فەریسیان ئەی دووروینو! چنكو مالێ بیژنان دخون و نڤێژێن خۆ بۆ رویمەتی درێژ دكەن. ژ بەر هندێ دێ دادكرنەكا گرانتر ب سەرێ هەوە هێت.
- 15
- نەخوزیكێن هەوە ئەی مامۆستایێن دەستوری و فەریسیان ئەی دووروینو! چنكو هوین ل دەریا و دەشتا دگەڕیێن؛ دا ئێكی بینە سەر باوەریا خۆ و ئەگەر هات؛ هوین وی دوو جاران ژ خۆ پتر دكەنە كوڕێ دوزەخێ.
- 16
- نەخوزیكێن هەوە ئەی سەركێشێن كۆرە. هوین دبێژن: ”هەچیێ سویندێ ب پەرستگەهێ بخوت سویند ل سەر نینە، بەلێ یێ سویندێ ب زێرێ پەرستگەهێ بخوت، دڤێت پێگیریێ پێ بكەت.“
- 17
- گەلی تێنەگەهشتی و كۆران ما كیش مەزنترە زێر یان پەرستگەها زێری پیرۆز دكەت؟
- 18
- و هوین دبێژن: ”هەچیێ ب قوربانگەهێ سویند بخوت سویند ل سەر نینە؛ بەلێ ئەوێ سویندێ ب وی خەلاتێ ل سەر قوربانگەهێ بخوت، دڤێت پێگیریێ پێ بكەت.“
- 19
- گەلی تێنەگەهشتی و كۆران! ما كیشك مەزنترە خەلات یان قوربانگەها خەلاتی پیرۆز دكەت؟
- 20
- ئەڤجا هەچیێ سویندێ ب قوربانگەهێ بخوت؛ وی سویند ب وێ و ب هەمی تشتێ ل سەر ژی خوار
- 21
- و هەچیێ ب پەرستگەهێ سویند بخوت، وی سویند ب وێ و ب ئاكنجیێ وێ ژی خوار
- 22
- و هەچیێ ب ئەسمانی سویند بخوت ئەوێ سویندێ ب تەختێ خودێ و ئەوێ ل سەر روینشتی ژی خوار.
- 23
- نەخوزیكێن هەوە ئەی مامۆستایێن دەستوری و فەریسیان ئەی دووروینو! چنكو هوین هەتا دەهێكێن نەعنەع، سبت و رەها زەر ددەن، بەلێ تشتێن گرنگ د دەستوری دا هوین لاددەن: دادپەروەری و دلوڤانی و دلسۆزی. ئەوا پێدڤی ئەوە، هەوە هەردوو ب جهـ ئینابان.
- 24
- گەلی سەركێشێن كۆرە، هوین ئاڤا خۆ ژ پێشیێ پاقژ دكەن، بەلێ هوین حێشترێ دادعیرن.
- 25
- نەخوزیكێن هەوە ئەی مامۆستایێن دەستوری و فەریسیان ئەی دووروینو! چنكو هوین دەرڤەی پەرداغ و سێنیكێن خۆ دشون، بەلێ ژ ناڤ دا یێن پرن ژ تالان و سەربەردایێ.
- 26
- ئەی فەریسیێ كۆرە! تۆ ل پێشیێ پەرداغێ ژ ناڤ دا پاقژ بكە داكو ژ دەرڤە ژی پاقژ ببیت.
- 27
- نەخوزیكێن هەوە ئەی مامۆستایێن دەستوری و فەریسیان ئەی دووروینو! چنكو هوین وەكو وان گۆڕانن ئەوێن گێچكری؛ ژ دەرڤە جوان دیاردكەن، بەلێ ژ ناڤ دا دپری هەستیكێن مریان و پیساتینە.
- 28
- هەروەسا هوین ژی بۆ خەلكی دیار دكەن، كو هوین دراستن بەلێ ژ ناڤ دا پری دوورویاتی و شاشینە.
- 29
- نەخوزیكێن هەوە ئەی مامۆستایێن دەستوری و فەریسیان ئەی دووروینو! چنكو هوین گۆڕێن پێغەمبەران ئاڤا دكەن و گۆڕێن مرۆڤێن چاك دنەخشینن
- 30
- و هوین دبێژن: ”ئەگەر ئەم ل سەردەمێ باب كالكێن خۆ ژیابان، مە پشكداری د كوشتنا پێغەمبەران دا نەدكر.“
- 31
- ب ڤێ چەندێ هوین دژی خۆ شاهدەیێ ددەن، كو هوین كوڕێن كوژەكێن پێغەمبەرانە.
- 32
- ئەڤجا هوین ژی شوپا باب كالكێن خۆ تەمام كەن.
- 33
- گەلی مارێن كوڕێن كۆرەماران، هوین دێ چەوا ژ سزایێ دوزەخێ قورتال بن؟
- 34
- ئەڤجا ئەڤە ئەز دێ پێغەمبەر و دانایان و مامۆستایان بۆ هەوە فرێكەم و دێ هندەك ژ وانا كوژن و خاچدەن و هندەكان ژی د كنیشتێن خۆ دا قامچی دەن و دێ ژ باژێرەكی بۆ یێ دی كەڤنە دویڤ.
- 35
- و ئەها هوسا ب ڤی رەنگی دێ هەر خوینەكا پاقژا رشتیا ل سەر ئەردی كەڤیتە سەر ستویێ هەوە: هەر ژ خوینا هابیلێ چاك هەتا دگەهیتە خوینا زەكەریایێ كوڕێ بەرەخیای، یێ كو هەوە د ناڤبەرا پەرستگەهـ و قوربانگەهێ دا كوشتی.
- 36
- ئەز ب راستی دبێژمە هەوە: ئەڤ هەمی سزادانە دێ ب سەرێ ڤی نفشی هێت.
- عیسا ئاگەهداریا ئورشەلیم دكەت
- 37
- ئەی ئورشەلیم، ئەی ئورشەلیم، ئەی كوژەكا پێغەمبەران و بەرهاڤێژا كەسێن هنارتیێ نك تە، چەند جاران من دڤیا وەكو مریشك چیچەلوكێن خۆ دبن چەنگێن خۆ ڤە كومدكەت؛ وەسا زارۆكێن تە خڕڤەكەم، بەلێ هەوە نەڤیا!
- 38
- ئەڤە دێ مالا هەوە وێران بیت
- 39
- چنكو ئەز دبێژمە هەوە هوین ژ نوكە پێڤە من نابینن، هەتا هوین دبێژن: پیرۆزە یێ ب ناڤێ خودانی دهێت .»
