عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- نموونەیا دەهـ كچا
- 1
- «هنگی دێ پاشاتیا ئەسمانان وەكو ڤێ چەندێ بیت: دەهـ كچا كچین چرایێن خۆ هەلگرتبن و چووبنە پێشوازیا زاڤای.
- 2
- پێنج ژ وانا دزانابوون و پێنج دنەزان.
- 3
- ئینا یێن نەزان چرایێن خۆ بێ زەیتا زێدە برن،
- 4
- بەلێ یێن زانا زەیتا زێدە ژی دگەل چرایێن خۆ برن.
- 5
- زاڤا گیرو بوو و خەوا وان هات و هەمی نڤستن.
- 6
- د نیڤا شەڤێ دا، گازی بلندبوون: ”ئەها زاڤایێ دهێت، هەڕنە پێشوازیا وی!“
- 7
- ئینا هەمی كچێن كچین ژ خەو رابوون و چرایێن خۆ ئامادەكرن.
- 8
- و یێن نەزان گۆتنە یێن زانا: ”هندەكێ ژ زەیتا خۆ بدەنە مە، چنكو چرایێن مە یێن دڤەمرن!“
- 9
- ئینا یێن زانا بەرسڤ دا: ”چێ دبیت تێرا مە نەكەت، ئەڤجا هەڕنە نك زەیت فرۆشان بخو بكڕن.“
- 10
- و دەمێ یێن نەزان چووین دا بكڕن، زاڤا گەهشت، ئینا یێن ئامادە دگەل زاڤای و دەواتیان چوونە د ژۆرڤە و دەرگەهـ هاتە گرتن.
- 11
- و پشتی دەمەكی كچێن دی ژی ڤەگەڕیان و گۆتن: ”ئەی خودان، ئەی خودان، بۆ مە دەرگەهی ڤەكە.“
- 12
- بەلێ زاڤای بەرسڤ دا: ”ب راستی بێژمە هەوە: ئەز هەوە نانیاسم!“
- 13
- ئەڤجا هشیار بن، چنكو هوین نە رۆژێ و نە سەعەتێ دزانن.
- نموونەیا وەزنان
- 14
- دیسان پاشاتیا ئەسمانی وەكو مرۆڤەكێ ل سەر وەغەرێیە. كۆلەیێن خۆ داخوازكرن و ملكێ خۆ دا دەستێ وان.
- 15
- ئێك ژ وان پێنج وەزنە ژ زیڤی دانێ و دوو دانە یێ دی و یێ سیێ وەزنەك دایێ، هەر ئێك ل دویڤ شیانا وی و پاشی وەغەر كر.
- 16
- و د گاڤێ دا یێ پێنچ وەزنە وەرگرتین چوو و بازرگانی پێكر، ئینا پێنچ وەزنێن دی قازانجكرن.
- 17
- و هەروەسا یێ دوو وەزنە برین؛ ئەو ژی دووا قازانج بوو.
- 18
- بەلێ یێ وەزنەك بری، چوو و قورەك د ئەردی دا كولا و پارێ خودانێ خۆ تێ دا ڤەشارت.
- 19
- و پشتی دەمەكێ درێژ، خودانێ وان كۆلەیان ڤەگەڕیا و گازی وان كر دا حسابێ دگەل وان بكەت.
- 20
- ئەوێ كو پێنج وەزنە وەرگرتین، پێنج وەزنێن دی ژی ئینان و گۆت: ”ئەی خودان، تە پێنج وەزنە دابوونە من، بنێرە ئەڤە من ژبلی وان پێنج وەزنێن دی قازانج كرن.“
- 21
- ئینا خودانێ وی گۆتێ: ”تە باشكر، ئەی كۆلەیێ چاك و دلسۆز! تۆ ل سەر پیچەكێ یێ دلسۆز بووی، ئەڤجا ئەز دێ تە دانمە سەر گەلەكێ. وەرە د شادیا خودانێ خۆ دا!“
- 22
- و پاشی یێ دوو وەزنە وەرگرتین هات و گۆت: ”ئەی خودان تە دوو وەزنە دابوونە من، ئەڤجا ئەڤە ژبلی وان دوو وەزنێن دی من قازانج كرن!“
- 23
- ئینا خودانێ وی گۆتێ: ”تە باشی كر، ئەی كۆلەیێ چاك و دلسۆز! تۆ ل سەر پیچەكێ یێ دلسۆز بووی، ئەڤجا ئەز دێ تە دانمە سەر گەلەكێ. وەرە د شادیا خودانێ خۆ دا.“
- 24
- و پاشی یێ ئێك وەزنە وەرگرتی هات و گۆت: ”ئەی خودان من تۆ یێ ب مرۆڤەكێ دلرەق نیاسی، تۆ ژ وێرێ ددوری جهێ تە نەچاندی و كوم دكەی ژ جهێ تە تۆڤ نەهاڤێتنێ؛
- 25
- ئینا ئەز ترسیام و ئەز چووم و من وەزنا تە د ئەردی دا ڤەشارت. ئەڤجا ئەڤە پارێ تە!“
- 26
- ئینا خودانێ وی بەرسڤ دا: ”ئەی كۆلەیێ خرابێ تەمبەل! تە دزانی كو ئەز ژ ئەردێ من نەچاندی ددورم و ژ ئەردێ من تۆڤ نەهاڤێتنێ كوم دكەم؛
- 27
- ئەڤجا پێدڤی بوو، تە پارێ من دانابا نك پارەگوهوران داكو دەمێ ئەز ڤەدگەڕیام من دگەل قازانجێ وێ زڤراندبانەڤە!“
- 28
- و پاشی گۆتە كۆلەیێن دی: ”ئەڤجا وەزنێ ژێ وەرگرن و بدەنە خودانێ دەهـ وەزنان.
- 29
- چنكو هەچیێ هەی دێ گەلەك بۆ هێتە دان هەتا ب سەردا درژیت و ئەوێ نەبیت هەتا ئەوێ هەی ژی دێ ژێ هێتە ستاندن
- 30
- بەلێ ئەڤ كۆلەیێ چ مفا تێ دا نە، بهاڤێژە د تاریا ژ دەرڤە دا، ل وی جهێ دێ گری و چیرچیرا ددانان لێ بیت.“
- مەسیح جیهانێ هەمیێ داد دكەت
- 31
- دەمێ كوڕێ مرۆڤ ب رومەتا خۆ ڤە دهێت دگەل هەمی فریشتێن خۆ دێ ل سەر تەختێ رومەتا خۆ روینیت.
- 32
- و دێ ل بەرامبەر وی هەمی مللەت هێتە كومكرن و دێ وان ژێكجودا كەت هەروەكو شڤان پەزی ژ بزنان جودا دكەت،
- 33
- و دێ پەزی ل دەستێ خۆ یێ راستێ راوەستینیت و ل دەستێ چەپێ بزنان.
- 34
- و پاشی دێ پاشا بێژیتە یێن ل دەستێ وی یێ راستێ: ”وەرن ئەی ئەوێن بابێ من پیرۆز كرین، ببنە میراتگرێن وێ پاشاتیا بۆ هەوە هاتییە ئامادەكرن هەر ژ چێكرنا جیهانێ،
- 35
- چنكو ئەز برسی بووم ئینا هەوە ئەز تێركرم، ئەزێ تێهنی بووم هەوە ئاڤ دا من، ئەزێ بیانی بووم هەوە ئەز حەواندم،
- 36
- یێ رویس بووم هەوە ئەز ب جلك ئێخستم، نەساخ بووم هەوە سەرەدانا من كر، زیندانكری بووم ئینا هوین هاتنە نك من.“
- 37
- وی دەمێ دێ یێن راست و دروست بەرسڤێ دەن و بێژن: ”ئەی خودان، مە كەنگی تۆ برسی دیتی و مە تۆ تێركری، یان ژی تێهنی و مە ئاڤ دا تە؟
- 38
- و مە كەنگی تۆ بیانی دیتی و مە تۆ حەواندی، یان ژی رویس و مە تۆ ب جلك ئێخستی؟
- 39
- و كەنگی مە تۆ نەساخ یان زیندانكری دیتی و ئەم هاتینە سەرەدانا تە؟“
- 40
- دێ پاشا بەرسڤا وان دەت: ”ب راستی دبێژمە هەوە: چنكو هەوە ئەڤ چەندە یا دگەل ئێك ژ ڤان بچویكترین برایێن من كری، هەوە ئەو یا دگەل من كری.“
- 41
- پاش دێ بێژیتە ئەوێن ل دەستێ چەپێ: ”ژ من دویر كەڤن، ئەی نەفرەتداران، بۆ ئاگرێ هەروهەر ئەوێ هاتییە ئامادەكرن بۆ ئبلیسی و فریشتێن وی؛
- 42
- چنكو ئەز برسی بووم و هەوە خوارن نەدا من و ئەز تێهنی بووم و هەوە ئاڤ نەدا من،
- 43
- ئەزێ بیانی بووم هەوە ئەز نەحەواندم، رویس بووم و هەوە ئەز ب جلك نە ئێخستم، نەساخ و زیندان كری و هوین نەهاتنە سەرەدانا من.“
- 44
- ئەڤجا ئەڤە دێ بەرسڤێ دەن و بێژن: ”ئەی خودان، كەنگی مە تۆ دیتی برسی یان تێهنی یان بیانی یان رویس یان ژی نەساخ یان زیندانكری و مە خزمەتا تە نەكرییە؟“
- 45
- دێ هنگی بەرسڤا وان دەت: ”ب راستی دبێژمە هەوە: چنكو هەوە ئەڤ چەندە دگەل ئێك ژ ڤان بچویكترین برایێن من نەكرییە، هەوە دگەل من ژی نەكرییە.“
- 46
- ئەڤجا ئەڤێن هەنێ دێ چنە سزادانا هەروهەر، بەلێ یێن راست و دروست دێ چنە ژیانا هەروهەر.»
