عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- پیلانا كوشتنا عیسای
- 1
- دەمێ عیسای ئەڤ هەمی ئاخفتنە ب دوماهیك ئیناین، گۆتە شاگردێن خۆ:
- 2
- «هوین دزانن پشتی دوو رۆژێن دی جەژنا دەربازبوونێیە. دێ وێ رۆژێ كوڕێ مرۆڤ دەنە دەست؛ دا بهێتە خاچدان.»
- 3
- ل وی دەمی سەرۆكێن كاهنان و ریهسپیێن مللەتی ل مالا سەرۆكێ كاهنان قیافای كومبوون
- 4
- و پیلانكرن، دا ب فێلبازی عیسای بگرن و بكوژن.
- 5
- بەلێ وان گۆت: «ئەم ل جەژنێ وی ناگرین دا تێكچوون د ناڤ مللەتی دا چێ نەبیت.»
- ژنكەك گولاڤێ ب سەرێ عیسای دا دكەت
- 6
- دەمێ عیسا ل مالا شەمعونێ لەش سپی ل بەیت عەنیا بوو
- 7
- ژنكەك هاتە نك گولاڤەكا گرانبها ڤێ بوو و دەمێ وی پالدای ب سەرێ وی دا كر.
- 8
- دەمێ شاگردێن وی ئەڤ چەندە دیتی پێ نە خۆش بوون و گۆتن: «ئەڤە چ پارە مەزاختنە!
- 9
- چنكو چێ دبوو ئەڤ گولاڤە ب بهایەكێ باش هاتبا فرۆتن و دابا هەژاران.»
- 10
- و دەمێ عیسای ب ڤێ چەندێ زانی، گۆتە وان: «بۆچی هوین نە خۆشیا بۆ ڤێ ژنكێ چێدكەن؟ وێ كارەكێ باش دگەل من كر.
- 11
- هەژار هەمی دەمان یێن ل نك هەوە، بەلێ ئەز هەمی دەما ل نك هەوە نابم.
- 12
- دەمێ وێ گولاڤ ب سەرێ من دا كری، وێ ئەز بۆ ڤەشارتنێ ئامادەكرم.
- 13
- ب راستی دبێژمە هەوە: ل هەر چ جهێ جیهانێ گازی ب ڤێ مزگینیێ بهێتە كرن، دێ بەحسێ كارێ ڤێ ژنكێ بۆ بیرهاتن كەن.» \s بێبەختیا یەهودایێ ئەسخەریوتی
- 14
- پشتی هنگی ئێك ژ دوازدە شاگردان ئەوێ ناڤێ وی یەهودایێ ئەسخەریوتی چوو نك سەرۆكێن كاهنان
- 15
- و گۆت: «دێ چەندێ دەنە من ئەز وی بدەمە دەستێ هەوە؟» ئەڤجا سیهـ زیڤی بۆ وی كێشان.
- 16
- و ژ وی دەمی وەرە، یەهودا بخو ل دەلیڤەكێ دگەڕیا دا وی بدەتە دەستێ وان. \s شیڤا جەژنا دەربازبوونێ دگەل شاگردان
- 17
- ل رۆژا ئێكێ ژ جەژنا نانێ بێ هەڤیرترش شاگردە هاتنە نك عیسا و گۆتنێ: «ئەم بۆ تە ل كیرێ شیڤا جەژنا دەربازبوونێ ئامادە بكەین، دا بخوی.»
- 18
- بەرسڤ دا: «هەڕنە باژێری و نك فلانی و بێژنێ: ”مامۆستا دبێژیت: دەمێ منێ نێزیك بووی و دێ جەژنا دەربازبوونێ دگەل شاگردێن خۆ ل نك تە كەم.“»
- 19
- و شاگردان ئەو كر یا عیسای فەرمان پێدای و ل وێری شیڤا دەربازبوونێ ئامادەكر.
- 20
- و ل وێ شەڤێ دگەل هەر دوازدان یێ پالدای بوو دا شیڤی بخون،
- 21
- و ل دەمێ خوارنێ گۆتی: «ب راستی دبێژمە هەوە: ئێك ژ هەوە دێ من دەتە دەست.»
- 22
- ئەو هەمی گەلەك ب خەم كەفتن و دەستپێكر ئێك ئێكە پرسیار ژێ كر: «ئەرێ ئەزم ئەی خودان؟»
- 23
- بەرسڤا وان دا: «ئەوێ دەستێ خۆ دگەل من درێژ دكەتە سێنیكێ، ئەو دێ من دەتە دەست.
- 24
- كوڕێ مرۆڤ دچیت، هەروەكو ل سەر هاتییە نڤیسین، بەلێ نە خوزیكێن وی زەلامێ كوڕێ مرۆڤ دەتە دەست. چنكو بۆ وی زەلامی چێتر بوو ئەو ژ دایكا خۆ نەببا.»
- 25
- یەهودایێ ئەو ددا دەست، ژێ پرسی: «ئەرێ ئەزم، ئەی مامۆستا؟» عیسای بەرسڤا وی دا: «تە گۆت.»
- 26
- و دەمێ وان دخوار، عیسای نانەك هەلگرت و سوپاسی كر و كەركر و داڤ شاگردان و گۆت: «وەرگرن، بخون: ئەڤە لەشێ منە!»
- 27
- پاشی پەرداغەك هەلگرت و سوپاسی كر و دا وان و گۆتێ: «هوین هەمی ژێ ڤەخون؛
- 28
- ئەڤە خوینا منە، خوینا پەیمانا ژ بەر گەلەكان بۆ لێبورینا گونەهان دێ هێتە رێتن.
- 29
- بەلێ پا دبێژمە هەوە: ئەز ژ نوكە و پێڤە ژ بەرهەمێ مێوێ ناڤەخوم هەتا وێ رۆژێ دگەل هەوە سەرو ژنوی د پاشاتیا بابێ خۆ دا ڤەدخوم.»
- 30
- پشتی وان سترانا گیانی گۆتی، چوونە چیایێ زەیتونان. \s عیسا دزانیت كو شاگرد دێ وی هێلن
- 31
- پشتی هنگی گۆتە وان «هوین دێ هەمی ئەڤ شەڤە ژ بەر من هەلنگڤن، چنكو یا هاتییە نڤیسین:
دێ شڤانی قوتم
و دێ كەرێ پەزی بژالە بیت - 32
- بەلێ پشتی رابوونا من دێ بەراهیكا هەوە چمە جەلیل.»
- 33
- پەتروسی بەرسڤا وی دا و گۆت: «ئەگەر هەمی ژ بەر تە ب هەلنگڤن، ئەز ناهەلنگڤم.»
- 34
- عیسای بەرسڤا وی دا: «ب راستی دبێژمە تە، ئەڤ شەڤە بەری دیكل بانگدەت، تۆ دێ سێ جاران حاشایێ ژ من كەی.»
- 35
- پەتروسی گۆت: «خۆ ئەگەر پێدڤی بیت دگەل تە بمرم، ئەز حاشایا تە ناكەم.» و هەمی شاگردان هوسا گۆت.
- ل جەتسیمانی
- 36
- پاشی عیسا و شاگردێن خۆ چوونە ناڤ رەزێ ب ناڤێ جەتسیمانی و گۆتە وان: «ل ڤێرێ بروینن هەتا بچمە وێرێ نڤێژێ بكەم.»
- 37
- و پەتروس و هەردوو كوڕێن زەبەدی دگەل خۆ برن و دەست ب پوسیدە و خەمەكا گران كر.
- 38
- و گۆتە وان: «دەروونا من هندا ب خەمە هەتا مرنێ! ل ڤێرێ بمینن و شەڤبیریێ دگەل من ببەن!»
- 39
- و پیچەكێ دویر كەفت و كەفتە سەر دێمێ خۆ و نڤێژ كر، گۆت: «ئەی بابێ من، ئەگەر چێ ببیت، بلا ئەڤ پەرداغە ژ من دەرباز بیت؛ بەلی نە وەكو من بڤێت، بەلكو وەكو تە دڤێت.»
- 40
- و ڤەگەڕیا نك شاگردان دیت دنڤستینە، گۆتە پەتروسی: «ئەڤجا هەوە نەشیا دەمژمێرەكێ ب تنێ ژی شەڤبیریێ دگەل من ببەن؟
- 41
- هشیار بمینن و نڤێژان بكەن دا نەكەڤنە د تاقیكردنێ دا. گیانێ ئامادەیە، بەلێ لەشێ لاوازە.»
- 42
- دیسا بۆ جارا دووێ چوو نڤێژ كر: «ئەی بابێ من، ئەگەر چێ نەبیت ئەڤە ژ من دەرباس ببیت بێی كو ئەز ڤەخوم، بلا ب ڤیانا تە بیت.»
- 43
- و ڤەگەڕیا نك شاگردان، هەر دیتن دنڤستی، چنكو خەوێ چاڤێن وان گران كربوون.
- 44
- و هێلان و زڤری بۆ جارا سیێ نڤێژ كر و هەر ئەو ئاخفتن دوبارە كر.
- 45
- و ڤەگەڕیا نك شاگردێن خۆ و گۆت: «ئەڤە هوین هێشتا دنڤستینە و بێهنا خۆ ڤەددەن؟ دەم هات و كوڕێ مرۆڤ ددەنە دەستێ گونەهكاران.
- 46
- رابن دابچین! ئەها ئەڤە نێزیك بوو ئەوێ من ددەتە دەست.» \s گرتنا عیسای
- 47
- ل دەمێ ئەو دئاخفت، ژ نشكەكێ ڤە یەهودا، ئێك ژ وان دوازدان گەهشت و گەلەك ئەوێن شیر و دار د دەستی دا دگەل بوون و سەرۆكێن كاهنان و ریهسپیێن خەلكی ئەو هنارتبوون.
- 48
- و ئەوێ كرییە د دەستی دا، نیشانەك دابوویێ و گۆت: «ئەوێ ئەز ماچی دكەم، ئەوە. وی بگرن.»
- 49
- و ئێكسەر هاتە نك عیسای و گۆت: «سلاڤ، مامۆستا!» و ماچیكر.
- 50
- و عیسای گۆتێ: «هەڤالێ من، بۆچی تۆ ل ڤێرێی؟» ئەوێن دگەل یەهودا هاتنە پێش، دەست هاڤێتنێ و عیسا گرت.
- 51
- و ئێك ژ وان ئەوێن دگەل عیسای دەستێ خۆ درێژ كر و شیرێ خۆ ئینا دەرێ و دانا كۆلەیێ سەرۆكێ كاهنان و گوهێ وی بری.
- 52
- ئینا عیسای گۆتێ: «شیرێ خۆ بزڤرینە د كاڤلانی دا! چنكو ئەوێن دەست هاڤێتینە شیری، دێ ب شیری ژناڤچیت.
- 53
- یان تۆ هزر دكەی، نوكە ئەز نەشێم داخوازا ژ بابێ خۆ بكەم و بۆ من پتر ژ دوازدە قولێن لەشكەرێن فریشتان فرێكەت؟
- 54
- بەلێ پا دا چەوا ئەوا د نڤیساران دا ب جهـ هێت، ئەوا دبێژیت پێدڤییە هوسا روی بدەت؟»
- 55
- و پاشی عیسای ئاخفتنا خۆ ئاراستەی كومبوویان كر و گۆت: «ئەرێ هەچكو ئەز رێگر هوین ب شیر و دارێن خۆ هاتن، دا من بگرن؟ ئەز هەمی رۆژان د پەرستگەهێ دا یێ روینشتی بووم و من فێركرن دكر و هەوە ئەز نەدگرتم!
- 56
- بەلێ ئەڤە هەمی روی دا دا نڤیسینێن پێغەمبەران ب جهـ بهێن!» ل وی دەمی هەمی شاگردان ئەو هێلا و رەڤین. \s دادكرن بەرامبەری جڤاتا بلند
- 57
- ئەوێن عیسا گرتی، برە نك قیافای سەرۆكێ كاهنان ئەوێ مامۆستایێن دەستوری و ریهسپی ل نك كوم بووین.
- 58
- و ژ دویرڤە پەتروس ب دویڤ عیسای را هەتا مالا سەرۆكێ كاهنان چوو و قەستا ژۆر كر و ل ناڤ نوبەداران روینشت دا دوماهیێ ببینیت.
- 59
- و سەرۆكێن كاهنان و هەمی جڤات دگەڕیان دا شاهدەیا ب درەو ل سەر عیسای بدەن، دا وی ب مرنێ داد كەن.
- 60
- هەرچەندە كو گەلەك شاهدێن ب درەو دەركەفتن، یاكو لێ دگەڕیان نەدیتن. بەلێ ل دوماهیێ دوو هاتنە پێش
- 61
- و گۆتن: «ڤی گۆت: ”ئەز دشێم پەرستگەها خودێ بهەرفم و ب سێ رۆژان ئاڤا بكەم.“»
- 62
- سەرۆكێ كاهنان راوەستا و گۆتێ: «ما تۆ چ بەرسڤا ل سەر ڤان گۆتنێن ل سەر تە شاهدی دای نادەی؟»
- 63
- بەلێ عیسا بێدەنگ ما. سەرۆكێ كاهنان گۆتێ: «تۆ ب خودێ یێ ساخ، بێژە مە: ئەرێ توی مەسیحێ كوڕێ خودێی؟»
- 64
- عیسای بەرسڤ دا: «تە گۆت و ئەز دبێژمە هەوە:
هوین ژ نوكە پێڤە دێ كوڕێ مرۆڤ بینن، ل لایێ راستێ یێ شیانێ یێ روینشتی و ل سەر عەورێن ئەسمانان دهێت .» - 65
- هنگی سەرۆكێ كاهنان جلكێن خۆ دراندن و كرە هەوار: «ئەو خڕیا! ئەم ئێدی پێدڤی ب چ شاهدان نینین. هەوە بخو گوهـ ل خڕیانا وی بوو؛
- 66
- ئەڤجا هوین چ دبێژن؟» وان بەرسڤ دا: «هەژی مرنێیە!»
- 67
- تف كرنە دێمێ وی و قوتان و هندەكان زللەهـ لێدان
- 68
- و گۆتن: «پێغەمبەراتیێ بۆ مە بكە، ئەی مەسیح، ئەڤە كی بوو دانایە تە؟» \s پەتروس عیسای نەناس دكەت
- 69
- د وی دەمی دا پەتروسێ د حەوشێ دا یێ روینشتی بوو، ئینا خدامەك هاتە نك و گۆت: «تۆ دگەل عیسایێ جەلیلی بووی.»
- 70
- پەتروسی بەرامبەری هەمیا ئینكار كر و گۆت: «ئەز نزانم تۆ چ دبێژی.»
- 71
- و دەمێ دەركەفتییە بەر دەرگەهێ حەوشێ، خزمەتكارەكا دی ئەو دیت و گۆتە ئامادەبوویان: «ئەڤە ژی دگەل عیسایێ ناسری بوو.»
- 72
- و پەتروسی دیسا ئینكار كر و سویند خوار: «ئەز وی زەلامی نانیاسم!»
- 73
- پشتی هنگی یێن ل وێرێ چوونە نك پەتروسی و گۆتێ: «ب راستی تۆ ئێك ژ وانی، چنكو زاراڤێ تە شاهدەیێ ل سەر تە ددەت.»
- 74
- پەتروس دەست ب نفرین و سویند خوارنێ كر و گۆت: «ئەز وی زەلامی نانیاسم!» و د گاڤێ دا دیكلی بانگ دا.
- 75
- ئینا پەیڤا عیسای هاتە بیرا پەتروسی دەمێ گۆتیێ: «بەری دیكل بانگ بدەت، تۆ دێ سێ جاران حاشایێ ژ من كەی.» ئینا دەركەفتە ژ دەرڤە و گریەكا تەحل خۆ ل گەوریێ دا.
