عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- رابوونا عیسای
- 1
- پشتی شەمبیێ ل سەرێ سحارێ رۆژا ئێكێ ژ حەفتیێ، مەریەما مەجدەلی و مەریەما دی چوون سەحكەنە گۆڕی.
- 2
- و ژ نشكەكێ ڤە بیڤەلەرزەكا توند چێ بوو، چنكو فریشتێ خودانی ژ ئەسمانان هاتە خوارێ، هات بەر گرێل كر و روینشتە سەر.
- 3
- و دیمەنێ فریشتەی وەكو بریسیێ بوو و جلكێن وی وەكو بەفرێ دسپی بوون.
- 4
- و نوبەدار ژ ترسا وی لەرزین و بەهتین.
- 5
- و فریشتەی گۆتە ژنكان: «نەترسن، ئەز دزانم هوین ل عیسایێ هاتییە خاچدان دگەڕیێن.
- 6
- نە ل ڤێرێ؛ یێ رابووی هەروەكو وی گۆتی. وەرن و سەحكەنە جهێ لێ ڤەشارتی.
- 7
- و ب لەز هەرن و بێژنە شاگردێن وی ئەوێ ژ ناڤ مریان رابووی و دێ بەری هەوە چیتە جەلیل، دێ ل وێرێ بینن. ئەڤە من گۆتە هەوە.
- 8
- و ژنكان گۆڕ هێلا و ب لەز چوون و ترس و كەیفەكا مەزن ئەو گرتبوون و ب غار چوونە نك شاگردێن وی دا مزگینی بدەنێ.»
- 9
- و دەمێ دچوون دا مزگینیێ بدەنە شاگردان، ژ نشكەكێ ڤە عیسا بخو هاتە بەریكا وان و گۆتێ: «سلاڤ!» ئینا پێشڤە چوون و پێن وی گرتن و خۆ بۆ چەماندن.
- 10
- عیسای گۆتە وان: «نەترسن؛ هەرن و بێژنە برایێن من بلا بچنە جەلیل، دێ ل وێرێ من بینن!»
- بەرتیلكرنا نوبەداران
- 11
- دەمێ ئەو ژنك دچوون هندەك نوبەدار چوونە باژێری و هەمی تشتێ رویدای گۆتە سەرۆكێن كاهنان.
- 12
- و پشتی سەرۆكێن كاهنان دگەل ریهسپیان كومبووین و ل سەر پیلانەكێ پێك هاتین، گەلەك پارە دانە سەربازان
- 13
- و گۆتنە وان: «بێژن: ”شاگردێن وی ب شەڤ ئەم دنڤستی هاتن تەرمێ وی دزین.“
- 14
- و ئەگەر نوچە گەهشتە والی ئەم دێ وی رازی كەین و دێ هەوە ژی ژ هەر گرفتیەكێ پارێزین.»
- 15
- ئینا سەربازان پارە وەرگرتن و ئەو كریارا وان گۆتیێ كر و ئەڤ گۆتنە هەتا نوكە ژی د ناڤ جوهیان دا یا بەلاڤە.
- مەسیح بۆ شاگردێن خۆ دیار دبیت
- 16
- هەر یازدە شاگردە چوونە وی چیایێ عیسای بۆ وان ل دەڤەرا جەلیل دەستنیشانكری.
- 17
- و دەمێ دیتین خۆ بۆ چەماند. بەلێ هندەك دوو دل بوون.
- 18
- عیسا بەرەڤ وان چوو و گۆت: «هەمی دەستهەلاتیا ل ئەرد و ل ئەسمانی یا بۆ من هاتییە دان.
- 19
- ئەڤجا هەرن و هەمی مللەتان بكەنە شاگرد: ب ناڤێ باب و كوڕ و گیانێ پیرۆز تافیركەن
- 20
- و ئەو فەرمانێن من داینە هەوە وان پێ فێركەن، دا پێگیریێ پێ بكەن و ئەها ئەڤە ئەز هەمی رۆژان هەتا دوماهیكا زەمانی، دگەل هەوەمە.»
