عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- یوحەننایێ تافیركەر رێكێ ئامادە دكەت
- 1
- د وان رۆژان دا یوحەننایێ تافیركەر ل چۆلێ یەهودیایێ دیار بوو؛ گازی دكر و دگۆت:
- 2
- «ل خۆ بزڤرن، چنكو پاشاتیا ئەسمانان یا نێزیك بووی.»
- 3
- ئەڤ یوحەننایە ئەوە یێ ئەشعیا پێغەمبەری بەحسێ وی كری و گۆتی:
دەنگەك ل چۆلی گازی دكەت:
رێكا خودانی ئامادە بكەن
و دەلیڤێن وی راست بكەن. - 4
- یوحەننای كنجەرەك ژ پویرتێ حێشتران دكرە بەرخو و ناڤتەنگا خۆ ب قایشەكا چەرمی گرێ ددا؛ خوارنا وی كولی و هنگڤینێ چۆلی بوو.
- 5
- هنگی خەلكێ ئورشەلیم و گشت دەڤەرا یەهودیایێ و هەمی گوندێن نێزیكی رویبارێ ئوردن دەردكەفتن و بەرەڤ وی دچوون
- 6
- و دان ب گونەهێن خۆ ددان و ل سەر دەستێ وی ل رویبارێ ئوردن دهاتنە تافیركرن.
- 7
- دەمێ یوحەننای دیتی گەلەك ژ فەریسیان و سەدوقیان یێن دهێنە نك وی دا بهێنە تافیركرن، گۆتە وان: «ئەی تێشكێن ماران، كێ هوین ئاگەهدار كرینە ژ توڕەبوونا داهاتی برەڤن؟
- 8
- بەرهەمێن هەژی تۆبەكرنێ بدەن و
- 9
- د دلێ خۆ دا نە بێژن: ”یبراهیم بابێ مەیە“، چنكو ئەز دبێژمە هەوە خودێ دشێت ژ ڤان بەران زارۆكان بۆ ئیبراهیمی چێكەت.
- 10
- و نوكە ژی بڤرێ ل سەر رەها دارێ هاتییە دانان؛ ئەڤجا هەر دارەكا بەرهەمەكێ چاك نەدەت دێ هێتە برین و هاڤێنە ناڤ ئاگری.
- 11
- ژ بۆ تۆبێ ئەز هەوە ب ئاڤێ تافیر دكەم، بەلێ ئەوێ پشتی من دهێت ژ من ب هێزترە، ئەز نە یێ هەژی هەلگرتنا شروخا ویمە. ئەو دێ هەوە ب گیانێ پیرۆز و ئاگری تافیر كەت.
- 12
- ملهێب د دەستێ دا و دێ بێدەرا خۆ باش دەتە بای و دێ گەنمێ خۆ خڕڤە كەت و بەتە كوارێ، دێ كا ژی ب ئاگرەكێ نەهێتە ڤەمراندن سوژیت.»
- تافیركرنا عیسایێ مەسیح
- 13
- هنگی عیسا ژ دەڤەرا جەلیل هاتە رویبارێ ئوردن و چوو نك یوحەننای؛ دا ل سەر دەستێ وی بهێتە تافیركرن.
- 14
- بەلێ یوحەننا قاییل نەبوو و گۆت: «ئەزێ پێدڤیمە ل سەر دەستێ تە بهێمە تافیركرن و تۆ یێ دهێیە نك من؟!»
- 15
- بەلێ عیسای بەرسڤا وی دا و گۆتێ: «بلا ڤێ گاڤێ هوسا بیت! چنكو ب ڤی رەنگی باشە هەر راستیەكێ تەمام بكەین.» هنگی دەستویریا وی دا.
- 16
- پشتی عیسا هاتییە تافیركرن، ئێكسەر ژ ئاڤێ دەركەفت و ئەسمان بۆ وی ڤەبوو و دیت گیانێ خودێ وەكو كوترەكێ هاتە خوار و دادا سەر
- 17
- و دەنگەكی ژ ئەسمانان گۆت: «ئەڤەیە كوڕێ منێ خۆشتڤی ئەوێ ئەز گەلەك پێ دل خۆش بوویم!»
