عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- خەلكی داد نەكەن
- 1
- «خەلكی داد نەكەن؛ دا هوین نەهێنە دادكرن،
- 2
- چنكو هەر ب وێ دادكرنا هوین خەلكی دادكەن، دێ هێنە دادكرن و ب وێ كێشان و پیڤانا بۆ خەلكی ب كار دئینن، دێ بۆ هەوە هێتە ب كارئینان.
- 3
- بۆچی تۆ زلی د چاڤێ برایێ خۆ دا دبینی، بەلێ تە ئاگەهـ ل وی گاریتەی نینە وێ د چاڤێ تە دا؟
- 4
- یان تۆ چەوا دشێی بێژیە برایێ خۆ: ”بهێلە زلی ژ چاڤێ تە بینمە دەر“ و گاریتە یێ د چاڤێ تە دا!
- 5
- ئەی دووروی تۆ ل پێشیێ گاریتەی ژ چاڤێ خۆ بینە دەر و هنگی دێ باش بینی دا زلی ژ چاڤێ برایێ خۆ بینیە دەر.
- 6
- ئەو تشتێ پیرۆز نەدەنە سا و دوڕێن خۆ نەهاڤێژنە بەر پێن بەڕازان، داكو پێ لێ نەكەن و بهێنە هەوە و هەوە زیڤال زیڤال بكەن.
- پرسیار بكە، بخوازە و بقوتە
- 7
- بخوازن دێ بۆ هەوە هێتە دان، لێ بگەڕن دێ هوین بینن، دەرگەهی بقوتن دێ بۆ هەوە هێتە ڤەكرن،
- 8
- چنكو یێ بخوازیت دێ ب دەست ڤە هێت و یێ لێ بگەڕیێت دێ بینیت و یێ دەرگەهی بقوتیت دێ بۆ وی هێتە ڤەكرن
- 9
- یان كوڕێ كێ ژ هەوە نانی ژێ بخوازیت دێ بەری دەتێ؟
- 10
- یان ماسیەكێ ژێ بخوازیت دێ مارەكی دەتێ؟
- 11
- ئەڤجا ئەگەر هوینێن خراب بزانن دیاریێن باش بدەنە زارۆكێن خۆ، پا چەوا بابێ هەوە یێ ئەسمانی پتر تشتێن باش نادەتە ئەوێن خواستنێ ژێ دكەن؟
- 12
- ئەڤجا ئەوا هەوە دڤێت خەلك بۆ هەوە بكەن، هوین ژی وێ بۆ وان بكەن؛ چنكو ئەڤەیە فەرمانێن دەستوری و پێغەمبەران. \s دەرگەهێ تەنگ و دەرگەهێ فرەهـ
- 13
- د دەرگەهێ تەنگ را هەڕنە ژۆر! چنكو ئەو دەرگەهێ دچیتە وێرانكرنێ یێ فرەهە و رێكا وی یا خۆشە و گەلەك د ڤی دەرگەهی را دچنە ژۆر،
- 14
- بەلێ دەرگەهێ دچیتە ژیانێ چەند یێ تەنگە و رێكا وی گەلەك یا ب زەحمەتە و كێمن ئەوێن ب سەرهلدبن.
- دار و بەرێ وێ
- 15
- هشیار بن ژ پێغەمبەرێن درەوین ئەوێن د كەڤلێن میهان دا دهێنە نك هەوە، بەلێ ئەو ژ ناڤ دا گورگێن هارن!
- 16
- ژ بەرهەمێ وان دێ نیاسن. ئەرێ ما ژ دۆڕیێ تری دهێتە چنین یان ژ ستریكێ هژیران دچنن؟
- 17
- ئەها هوسا هەر دارەكا باش دێ بەرهەمەكێ باش دەت، بەلێ دارا خراب دێ بەرهەمەكێ خراب دەت.
- 18
- دارەكا باش نەشێت بەرهەمەكێ خراب بدەت و دارەكا خراب ژی نەشێت بەرهەمەكێ باش بدەت.
- 19
- هەر دارەكا بەرهەمەكێ باش نەدەت دێ هێتە بڕین و دێ هێتە هاڤێتن بۆ ناڤ ئاگری
- 20
- ئەڤجا ژ بەرهەمێ وان دێ نیاسن.
- 21
- نە هەر كەسەكێ بێژیتە من ”ئەی خودان، ئەی خودان!“ دێ چیتە د پاشاتیا ئەسمانان دا، بەلێ ئەوێ ل دویڤ ڤیانا بابێ من ئەوێ ل ئەسمانان كار بكەت.
- 22
- د وێ رۆژێ دا گەلەك دێ بێژنە من: ”ئەی خودان، ئەی خودان! ئەرێ ما مە ب ناڤێ تە پێغەمبەراتی نە دكر؟ و ب ناڤێ تە مە جن نە دەرئێخستن؟ و مە گەلەك حنێر ب ناڤێ تە نە دكرن؟“
- 23
- بەلێ ئەز دێ ب ئاشكرا بێژمە وان: ”من هەر هوین نەنیاسینە! ئەی خودانێن كارێن چەوت ژ من دویر بكەڤن.“
- هوستایێ دانا و یێ دەبەنگ
- 24
- ئەڤجا هەچیێ گوهێ خۆ بدەتە ئاخفتنێن من و كار پێ بكەت، وەكو مرۆڤێ دانایێ خانیێ خۆ ل سەر كەڤرەكی ئاڤاكری
- 25
- و باران هاتن و رویبار رابوون و هروبا هاتن و ب ڤی خانی كەفتن، بەلێ نەكەفت؛ چنكو یێ ل سەر كەڤری هاتییە دانان
- 26
- و هەر كەسەكێ گوهـ بدەتە ڤان ئاخفتنێن من و كار پێ نەكەت، وەكو مرۆڤێ دەبەنگە یێ خانیێ خۆ ل سەر خیزی ئاڤاكری؛
- 27
- ئەڤجا باران هاتن و رویبار رابوون هروبا هاتن و ب ڤی خانی كەفتن و خانی كەفت و كەفتنا وی یا مەزن بوو.»
- 28
- دەمێ عیسای ئەڤ ئاخفتنە تەمام كری، خڕڤەبووی ژ فێركرنێن وی گوهشین،
- 29
- چنكو وی وەكو خودان دەستهەلاتەكی ئەو فێردكرن، نە وەكو مامۆستایێن وانێن دەستوری.
