عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- عیسا مرۆڤەكێ گووج ساخ دكەت
- 1
- عیسا ل قاییكێ سیاربوو و ل گۆلێ دەرباز بوو و ڤەگەڕیا باژێرێ خۆ.
- 2
- چەند مرۆڤەكا گووجێ ل سەر گلدكەكا درێژكری ئینا نك وی. دەمێ عیسای باوەریا وان دیتی، وی گۆتە یێ گووج: «پشتراست بە كوڕێ من، گونەهێن تە هاتنە لێبورین.»
- 3
- ل ڤێ چەندێ هندەك مامۆستایێن دەستوری دگەل خۆ گۆت: «ئەڤ مرۆڤە یێ دخریێت.»
- 4
- و عیسا د هزرا وان گەهشت و گۆت: «بۆچی هوین هزرێن خراب د دلێ خۆ دا دكەن؟
- 5
- ما كیشك ب ساناهیترە بێژی: ”گونەهێن تە هاتنە لێبورین“ یان ”رابە و ب رێڤە هەرە“؟
- 6
- بەلێ دا بزانن، كو كوڕێ مرۆڤ دەستهەلاتیا لێبورینا گونەهان ل سەر ئەردی یا هەی؛» پاش گۆتە یێ گووج: «رابە گلدكا خۆ راكە و هەرە مالا خۆ.»
- 7
- ئینا رابوو و چوو مالا خۆ.
- 8
- دەمێ خڕڤەبوویان ئەڤە دیتی، ئەو ب ترس كەفتن و پەسنا خودێ كرن ئەوێ ئەڤ دەستهەلاتییە دایە مرۆڤان.
- گازیكرنا مەتتای
- 9
- دەمێ عیسا د وێرێ را دبوری، وی مرۆڤەك دیت ناڤێ وی مەتتا بوو یێ روینشتی بوو ل بەر مێزا باج كومكرنێ. عیسای گۆتە وی: «ل دویڤ من وەرە» و ئەو رابوو و ل دویڤ چوو.
- 10
- دەمێ عیسای و شاگردان نان ل مالا مەتتای دخوار گەلەك باجگر و گونەهكارێن دی هاتن و خوارن دگەل وان خوار.
- 11
- دەمێ فەریسیان ئەڤە دیتی، پرسیارا شاگردێن وی كرن: «بۆچی مامۆستایێ هەوە دگەل باجگر و گونەهكاران نانی دخوت؟»
- 12
- دەمێ ئەڤە گوهـ لێ بووی، عیسای بەرسڤ دا: «مرۆڤێن ساخ پێدڤی نوژداری نینن، بەلێ مرۆڤێن نەساخ دپێدڤینە،
- 13
- بەلێ هەرن و د ڤێ گۆتنێ بگەهن: من دلوڤانی دڤێت، نەكو قوربانی ،چنكو ئەز نەهاتیمە گازی راستان بكەم، بەلێ گونەهكاران.» \s پرسیار دەربارەی رۆژیێ
- 14
- پاشی شاگردێن یوحەننای هاتنە نك عیسای و گۆتنە وی: «بۆچی ئەم و فەریسی رۆژیان دگرین و شاگردێن تە ناگرن؟»
- 15
- عیسای گۆتە وان: «ئەرێ ما داوەتێ دشێن خۆ پوسیدە بكەن و زاڤا هێشتا یێ د ناڤ وان دا؟ بەلێ دێ رۆژ هێن، كو دێ زاڤا ژ ناڤ وان هێتە راكرن و وی دەمی دێ رۆژیان گرن.
- 16
- كەسەك جلكەكێ دڕیای ب پارچەكا نوی پاتە ناكەت، چنكو پارچا نوی دێ تێك چیت و ل سەر ناهێت و دڕیانا وی خرابتر لێ هێت.
- 17
- هەروەسا كەس مەیا نوی ناكەتە مەشكەكا كەڤن؛ ئەگەر وە كر مەشك دێ پەقیت و مەی دێ رێژیت و مەشك دێ پویچ بیت. بەلێ مەیا نوی دكەنە مەشكێن نوی، ئەڤجا مەی و مەشك پێكڤە دهێنە پاراستن.» \s ساخكرنا كچا سەرۆكی و ژنا نەخۆش ب خوین ژبەرچوونێ
- 18
- دەمێ كو وی ئەڤە دگۆت سەرۆكەك هات خۆ بۆ چەماند و گۆت: «كچا من نوكە یا مری، بەلێ تۆ وەرە دەستێ خۆ ب سەردا بینە ئەو دێ ڤەژیت.»
- 19
- ئەڤجا عیسا رابوو و دگەل چوو و هەروەسا شاگردێن وی ژی.
- 20
- د وی دەمی دا ژنەك ئەو دوازدە سال بوو خوین ژ بەر دچوو ژ پشتێ ڤە هاتە نك و دەستێ خۆ كرە لێڤا كراسێ وی،
- 21
- چنكو وێ دگۆتە خۆ: «ئەگەر ب تنێ ئەز دەستێ خۆ بكەمە كراسێ وی دێ ساخ بم.»
- 22
- عیسا زڤری و دیت و گۆت: «پشتراست بە كچا من، باوەریا تە تۆ ساخكری.» ئەو ژنك د وێ گاڤێ دا ساخ بوو.
- 23
- دەمێ عیسا چوویە مالا سەرۆكی و ئەوێن بلویل لێ دان و دلوراندن دگەل كومبوویان دیتن، تێك چووبوون،
- 24
- گۆت: «هەرن! كچك نەمرییە، بەلێ یا نڤستییە!» و ئەو پێكەنین.
- 25
- پشتی خڕڤەبووی هاتینە دەرئێخستن، ئەو چوو ژۆر و دەستێ كچكێ گرت و رابووڤە
- 26
- و دەنگوباسێن ڤێ چەندێ ل هەمی دەڤەرێ بەلاڤە بوون. \s عیسا دوو كۆران ساخ دكەت
- 27
- دەمێ عیسا ژ وێرێ دچوو، دوویێن كۆرە ب دویڤ كەفتن، گازی دكر و دگۆتێ: «دلوڤانیێ ب مە ببە؛ ئەی كوڕێ داوودی!»
- 28
- دەمێ ئەو چوویە د خانی ڤە هەردوو ب پێشڤە هاتن و عیسای پرسیار ژ وان كر: «ئەرێ هوین باوەریێ دئینن، كو ئەز دشێم ڤێ بكەم؟» وان بەرسڤ دا: «بەلێ خودان.»
- 29
- ئینا دەستێ خۆ ب چاڤێن وان دا ئینا خوار و گۆت: «بلا بۆ هەوە ل دویڤ باوەریا هەوە بهێتە كرن!»
- 30
- ئەڤجا چاڤێن وان ڤەبوون و عیسای ئەو ب توندی ئاگەهدار كرن و گۆت: «هشیاربن! نەبێژنە كەسەكێ!»
- 31
- بەلێ ئەو دەركەفتن و دەنگوباس دەربارەی وی سەرانسەری دەڤەرێ بەلاڤكرن. \s لاڵ دئاخڤیت
- 32
- دەمێ ئەو دەركەفتین مرۆڤەكێ لاڵێ جنگرتی ئینا نك عیسای.
- 33
- دەمێ جن هاتییە دەرئێخستن، لاڵ ئاخفت و خڕڤەبووی سەرخلولە بوون و گۆتن: «وەكو ڤی تشتی دبنیرا ل ئیسرائیلێ نەهاتییە دیتن»،
- 34
- بەلێ فەریسیان گۆت: «ئەو ب سەرۆكێ جنان، جنان دەردئێخیت.»
- دورین گەلەكە و پالە كێمن
- 35
- عیسای ل ناڤ باژێر و گوندان دگەڕیا و ل كنیشتێن وان فێركرن دكر و مزگینیا پاشاتیێ گێراند و هەمی لاواز و نەخۆشی ساخ دكرن.
- 36
- دەمێ وی خڕڤەبووی دیتین دلێ وی ما پێڤە، چنكو ئەو بێزار و دەربەدەر بوون؛ وەكو پەزێ بێ شڤان بوون.
- 37
- د وی دەمی دا گۆتە شاگردێن خۆ: «دورین گەلەكە و پالە كێمن؛
- 38
- ژ بەر هندێ ژ خودانێ دورینێ بخوازن؛ دا پالەیان بهنێریتە دورینا خۆ.»
