عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- یوحەننایێ تافیركەر رێكێ ئامادە دكەت
- 1
- ئەڤەیە دەستپێكا مزگینیا عیسایێ مەسیح كوڕێ خودێ.
- 2
- هەروەكو د پەیاما ئەشعیا پێغەمبەری دا هاتییە نڤیسین:
ئەها ئەڤە ئەز هنارتیێ خۆ ل پێشیا تە دهنێرم،
ئەو دێ بۆ تە رێكێ ئامادە كەت - 3
- دەنگەك ل چۆلی گازی دكەت: رێكا خودانی ئامادە بكەن،
و رێیێن وی ڤەوژێرن، - 4
- وەسا یوحەننایێ تافیركەر ل چۆلی دیاربوو. ئەوی بۆ تافیركرنا ل خۆ زڤڕینێ ژ بۆ لێبورینا گونەهان گازی دكر
- 5
- و هەمی خەلكێ دەڤەرا یەهودیایێ و ئورشەلیمێ دەردكەفتن و قەستا یوحەننای دكرن و دان ب گونەهێن خۆ ددان و ژ لایێ وی ڤە د رویبارێ ئوردن دا دهاتنە تافیركرن.
- 6
- یوحەننای كراسەكێ ژ پویرتێ حێشتران ل بەر بوو، و قایشەكا كەڤلی ل پشتێ بوو، و كولی و هنگڤینێ چۆلی دخوارن.
- 7
- وی گازی دكر و دگۆت: «پشتی من دێ ئێكێ ژ من ب هێزتر هێت، ئەوێ ئەز هەژی هندێ نینم بچەمیێم و بەنكێ پێلاڤا وی ڤەكەم.
- 8
- من هوین ب ئاڤێ تافیركرن، لێ ئەو دێ هەوە ب گیانێ پیرۆز تافیركەت.»
- یوحەننا عیسای تافیر دكەت
- 9
- د وان رۆژان دا عیسا ژ ناسیرایێ ل دەڤەرا جەلیل هات و ژ لایێ یوحەننای ڤە، د رویبارێ ئوردن دا هاتە تافیركرن.
- 10
- چەوا عیسا ژ ئاڤێ دەركەفت، دیت ئەسمان ڤەبوون و گیانێ پیرۆز، وەكو كوترەكێ هاتە خوارێ و ل سەر وی دادا.
- 11
- و دەنگەك ژ ئەسمانان هات و گۆت: «تۆ كوڕێ منی یێ خۆشتڤی، ئەز ب تە كەیفخۆشم.»
- ئبلیس عیسای تاقی دكەت
- 12
- ئێكسەر گیانێ پیرۆز عیسا دەرئێخستە چۆلێ.
- 13
- چل رۆژان ل وێرێ ما و ژ لایێ ئبلیسی ڤە دهاتە تاقیكرن. د ناڤ دڕندان دا بوو و فریشتان خزمەتا وی دكر.
- عیسا شاگردێن پێشەنگ داخواز دكەت
- 14
- پشتی یوحەننا هاتییە زیندانكرن، عیسا هاتە جەلیل و مزگینیا خودێ رادگەهاند،
- 15
- و دگۆت: «دەم یێ ب دوماهی هاتی، پاشاتیا خودێ نێزیك بوو، ئەڤجا ل خۆ بزڤڕن و باوەریێ ب مزگینیێ بینن.»
- 16
- دەمێ ئەو ل كنارێ گۆلا جەلیل ب رێڤە دچوو، دوو ماسیگر دیتن ئەو ژی شەمعون و برایێ وی ئەندراوس بوون، تۆڕ دهاڤێتە د گۆلێ دا،
- 17
- عیسای گۆتە وان: «ل دویڤ من وەرن، دێ هەوە كەمە نێچیرڤانێن مرۆڤان.»
- 18
- ئینا د گاڤێ دا تۆڕێن خۆ هێلان و ب دویڤ عیسای كەفتن.
- 19
- پیچەكێ وێڤەتر چوو، یەعقوبێ كوڕێ زەبەدی و برایێ وی یوحەننا د قاییكێ دا دیتن، تۆڕ دروست دكرن،
- 20
- د جهـ دا گازی وان كر، وان ژی بابێ خۆ زەبەدی دگەل پالەیێن وی د قاییكێ دا هێلان و ب دویڤ وی كەفتن.
- دەرئێخستنا گیانەكێ پیس
- 21
- چوونە كەفەرناحوم، رۆژا شەمبیێ عیسا چوو د كنیشتێ ڤە و دەست ب فێركرنێ كر.
- 22
- ئەو خەلكێ ل وێرێ ژ فێركرنا وی حێبەتی مان، چنكو وی وەكو مرۆڤەكێ دەستهەلاتدار ئەو فێردكرن، نە وەكو مامۆستایێن دەستوری.
- 23
- د وی دەمی دا زەلامەك د كنیشتا وان ڤە هەبوو گیانەكێ پیس هنگافتبوو، كرە قێری
- 24
- و گۆت: «تە چ ژ مە دڤێت، عیسایێ ناسری؟ ئەرێ تۆ هاتی دا مە ژ ناڤ ببەی؟ ئەز دزانم تۆ كیی، تۆ پیرۆزێ خودێی!»
- 25
- عیسای لێ حەیتاند و گۆت: «كڕ بە و ژێ دەركەڤە!»
- 26
- گیانێ پیس زەلام ئێخست و قێریەكا ب هێز راهێلا و ژێ دەركەفت.
- 27
- خەلك هەمی گوهشین و پرسیار ژ ئێكودوو كر: «ئەڤە چییە؟ فێركرنەكا نوییە یا ب دەستهەلاتداری ڤە دهێتە گۆتن! فەرمانێ ل گیانێن پیس ژی دكەت و ئەو ب فەرمانا وی دكەن!»
- 28
- ناڤودەنگێ عیسای د گاڤێ دا ل هەمی دەوروبەرێن جەلیل بەلاڤ بوو.
- ساخكرنا خەسیا شەمعونی و گەلەكێن دی
- 29
- دەمێ ئەو ژ كنیشتێ دەركەفتین، دگەل یەعقوبی و یوحەننای هاتنە مالا شەمعون و ئەندراوسی.
- 30
- خەسیا شەمعونی د ناڤ نڤینان دا یا تاوی بوو، ئێكسەر بەحسێ رەوشا وێ بۆ عیسای كرن.
- 31
- بەرەڤ وێ چوو و دەستێ وێ گرت و راكر و تا ژێ چوو و وێ دەست ب خزمەتا وان كر.
- 32
- ب شەڤ، پشتی رۆژ چوویە ئاڤا، هەمی مرۆڤێن نەساخ و ئەوێن ئەجنان هنگافتین ئینانە نك عیسای.
- 33
- خەلكێ باژێری هەمی ل بەر دەرگەهی خڕڤەبوون.
- 34
- گەلەك نەساخ ژ گەلەك جورێن نەساخیان چارەسەر كرن، و گەلەك ئەجنە دەرئێخستن، و وی نەدهێلا ئەجنە بئاخڤن، چنكو وانا دزانی ئەو كییە.
- مزگینی گەهاندە جەلیل
- 35
- سپێدەیا رۆژا پاشتر بەری ئەلندێ، عیسا رابوو و دەركەفت و قەستا جهەكێ ڤەدەر كر، و ل وێرێ نڤێژ دكر.
- 36
- شەمعون و ئەوێن دگەل دا، چوون و لێ گەڕیان
- 37
- و دەمێ وان ئەو دیتی گۆتنێ: «هەمی یێ داخوازیا تە دكەن!»
- 38
- ئینا عیسای گۆتە وان: «وەرن دا بچینە گوندێن دەوروبەر، دا مزگینیێ ل وێرێ ژی رابگەهینم. چونكو ئەزێ ژ بەر هندێ هاتیم.»
- 39
- ل دەوروبەرێن جەلیل دگەڕیا، مزگینی ل كنیشتێن وان رادگەهاند و ئەجنە دەردئێخستن.
- ساخكرنا زەلامەكێ گۆڕی
- 40
- زەلامەكێ گۆڕی هاتە نك وی، هیڤی ژێ كرن و بەرامبەری وی چوكڤەدان و گۆتێ: «ئەگەر تە بڤێت، تۆ دشێی من پاقژ كەی.»
- 41
- دلێ وی پێ سۆت، دەستێ خۆ كرێ و گۆت: «من دڤێت، پاقژ ببە.»
- 42
- د گاڤێ دا گۆڕیاتی لێ نەما و پاقژ بوو.[a]
- 43
- عیسای د گاڤێ دا ئەو ب رێ ئێخست، پشتی ب توندی هوشداریا وی كری،
- 44
- و گۆتێ: «نابیت تۆ تشتەكی بۆ ئێكی ڤەگێری، لێ هەڕە و خۆ نیشا كاهنی بدە، و ئەوا موسای فەرمان پێ دای، پێش پاقژكرنا خۆ ڤە بدە و ئەو دێ بۆ وان بیتە شاهد!»
- 45
- لێ ئەو دەركەفت و دەستپێكر ب ئاشكرای دگۆت و سەرهاتیا خۆ بەلاڤ دكر، تا ئێدی عیسا نەدشیا ب ئاشكرای بچیتە چ باژێران، بەلكو ئەو ژ دەرڤە ل جهێن ڤەدەر ڤەدما. و خەلك ژ هەمی جهان دهاتنە نك وی.
- a. ل گۆر دەستورێ موسای، كەسێ گۆڕی ماف نەبوو بچیتە د پەرەستگەهێ ڤە و هەركەسێ دەستێ خۆ كربایێ ئەو ژی "پیس" دهاتە هژمارتن.
