عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- پلانەك بۆ كوشتنا عيسای
- 1
- دوو رۆژ بۆ جەژنا دەربازبوونێ و جەژنا نانێ شكەڤا مابوون. هێشتا سەرۆكێن كاهنان و مامۆستایێن دەستوری دخواستن، چەوا ب فێلبازی وی بگرن و بكوژن.
- 2
- وان دگۆت: «ئەم ڤێ ل جەژنێ ناكەین، نەكو ئالۆزی د ناڤ گەلی دا چێببیت.»
- ژنەك گولاڤێ ل عیسای دكەت
- 3
- دەمێ عیسا ل بەیت عەنیا یێ پالدای ل نك شەمعونێ لەش گۆڕی نان دخوار، ژنكەك هات و شویشەكا گولاڤا گران بها ڤێ بوو ژ جورێ ناردین، شویشە شكاند و گولاڤ ب سەرێ وی دا كر.
- 4
- هندەك دلتەنگ بوون و گۆتنە ئێكودوو: «ئەڤە چ مەزاختنەكا زێدەیە!
- 5
- چێدبوو ئەڤ گولاڤە ب سێ سەد دیناران هاتبا فرۆتن و بهایێ وێ دابا هەژاران!» هوسا نەرازیبوونا خۆ ژێ دیار كر.
- 6
- ئینا عیسای گۆت: «ژێ گەڕن! بۆچی هوین وێ تەنگاڤ دكەن؟ ئەوێ كارەكێ چاك بۆ من كر.
- 7
- هەمی دەمان هەژار یێن ل نك هەوە و هەر دەمێ هەوە بڤێت هوین دشێن چاكیێ لێ بكەن، لێ ئەز هەردەم ل نك هەوە نابم.
- 8
- ئەوێ ئەو كر ئەوا وێ پێ چێدبیت: بەری دەمی لەشێ من بۆ ڤەشارتنێ گولاڤ كر.
- 9
- و ب راستی دبێژمە هەوە: ل هەر جهەكێ ل جیهانێ ئەڤ مزگینی بهێتە بەلاڤكرن، دێ بەحسێ ئەوا ڤێ ژنكێ كری ژ بۆ بیرهاتنا وێ ژی هێتە كرن.»
- بێبەختیا یەهودایێ ئەسخەریوتی
- 10
- پاشی یەهودایێ ئەسخەریوتی، كو ئێكە ژ دوازدان چوو نك سەرۆكێن كاهنان دا عیسای بدەتە دەستێ وان.
- 11
- دەمێ وان گوهـ ل ڤێ چەندێ بووی كەیفخۆش بوون، سۆز دانێ ئەو دراڤەكی بدەنێ. ئەڤجا ل دەلیڤەیەكی دگەڕیا دا وی بدەتە دەستێ وان.
- شیڤا جەژنا دەربازبوونێ دگەل شاگردان
- 12
- ل رۆژا ئێكێ ژ جەژنا نانێ شكەڤا، ل وێ رۆژێ بەرخێ دەربازبوونێ دهاتە سەرژێكرن، شاگردێن وی پرسیار ژێ كرن: «تە دڤێت ئەم كیڤە بچین و شیڤا دەربازبوونێ ئامادە بكەین، دا تۆ بخوی؟»
- 13
- ئینا دوو شاگردێن خۆ هنارتن و گۆتە وان: «هەڕنە باژێری، و ل وێرێ زەلامەك دێ كەڤیتە پێشیا هەوە گۆزكەك یێ هەلگرتی، ئەڤجا ل دویڤ هەڕن،
- 14
- و دەمێ دچیتە مالەكێ بێژنە خودانێ خانی ”مامۆستا دبێژیت: كانێ ئەو ژۆرا ئەز و شاگردێن خۆ شیڤا دەربازبوونێ تێڤە بخوین؟“
- 15
- دێ ژۆرەكا مەزنا لێكدای نیشا هەوە دەت یا ل بێلایێ، ل وێرێ بۆ مە ئامادە كەن.»
- 16
- هەردوو شاگردە دەركەفتن و چوونە باژێری، و ئەوا عیسای گۆتی دیت، و شیڤا دەربازبوونێ ئامادە كر.
- 17
- دەمێ بووییە شەڤ، عیسا دگەل هەر دوازدان هات.
- 18
- دەمێ یێ دپالدای خوارن دخوارن، عیسای گۆت: «ب راستی دبێژمە هەوە دێ ئێك ژ هەوە من دەتە دەست و نوكە یێ خوارنێ دگەل من دخوت.»
- 19
- و هەمی دلگران بوون و ئێك ل دویڤ ئێكی پرسیار ژێ دكرن: «ئەرێ ئەزم؟»
- 20
- ئینا گۆتە وان: «ئەو ئێك ژ دوازدانە، ئەوێ دگەل من پاریێ خۆ د سێنیێ دهەلینیت.
- 21
- دێ كوڕێ مرۆڤ هوسا ژناڤچیت هەروەكو ل سەر هاتییە نڤیسین، لێ نەخوزیكێن وی كەسێ ئەوێ كوڕێ مرۆڤ ل سەر دەستێ وی دهێتە گرتن. بۆ وی زەلامی باشتر بوو ئەگەر ژ دایك نە ببا.»
- شیڤا خودانی
- 22
- و دەمێ وان خوارن دخوار، عیسای نانەك هەلگرت و سوپاسی كر و كەركەر كر و دا وان و گۆت: «وەرگرن و بخون، ئەڤە لەشێ منە.»
- 23
- پاشی پەرداغەك هەلگرت و سوپاسی كر و دا وان و هەمیان ژێ ڤەخوار.
- 24
- و گۆتە وان: «ئەڤە خوینا من یا پەیمانێیە، ئەوا ژ پێخەمەتی گەلەكان دهێتە رێتن.
- 25
- ب راستی دبێژمە هەوە: ئێدی ئەز ژ بەرێ مێوێ ڤەناخوم، تا وێ رۆژا ئەز ل پاشاتیا خودێ ژ نوی ڤەدخوم.»
- 26
- ئەو ب زەبورەكێ سترین و پاشی بۆ چیایێ زەیتونان چوون.
- عیسا دزانیت كو شاگردە دێ وی هێلن
- 27
- عیسای گۆتە وان: «هوین هەمی دێ من ڤێ شەڤێ هێلن، چنكو یا هاتییە نڤیسین:
ئەز دێ ل شڤانی دەم و دێ پەز بڕ بیت. - 28
- لێ پشتی رابوونا من ئەز دێ بەراهیكا هەوە چمە جەلیل.»
- 29
- لێ پەتروسی گۆتە وی: «خۆ ئەگەر هەمی تە بهێلن، ئەز تە ناهێلم!»
- 30
- عیسای گۆتە وی: «ب راستی دبێژمە تە: ئەڤرۆ بەلكو ئەڤ شەڤە بەری دیكل دوو جاران بانگ بدەت تۆ دێ سێ جاران نیاسینا من ماندەل كەی.»
- 31
- لێ پەتروسی پتر دووپات كر: «ئەگەر خۆ ئەز نەچار بووم دگەل تە بمرم تە ماندەل ناكەم!» و هەمی شاگردان وەكو ڤێ ئاخفتنێ گۆت.
- عیسا نڤێژێ ل جەتسیمانێ دكەت:
- 32
- و هاتنە جهەكی ناڤێ وێ جەتسیمانی بوو، و گۆتە شاگردێن خۆ: «ل ڤێرێ روینن، تا ئەز نڤێژێ بكەم.»
- 33
- پەتروس و یەعقوب و یوحەننا دگەل خۆ برن و حێبەتی ما و گەلەك دلگران بوو.
- 34
- و گۆتە وان: «ئەز تا مرنێ یێ خەمگینم. ل ڤێرێ بمینن و های ژ خۆ هەبن!»
- 35
- پاشی پیچەكێ چوو پێش و خۆ هاڤێتە ئەردی و نڤێژ كر، دا ئەگەر د شیان دا بیت، ئەو دەم د سەڕا ببوریت،
- 36
- و گۆت: «ئابا، بابۆ! تۆ دشێی هەمی تشتان بكەی؛ ئەڤی پەرداغێ ژ من دەرباز كە. لێ بلا ئەو بیت نە ئەوا من دڤێت بەلكو ئەوا تە دڤێت.»
- 37
- پاشی ڤەگەڕیا دیت شاگرد یێن نڤستینە، ئینا گۆتە پەتروسی: «تۆ ژی یێ نڤستی شەمعون؟ ما تۆ نەشیای دەمژمێرەكێ هشیار بمینی؟
- 38
- هشیاری خۆ بن و نڤێژان بكەن، نەوەكو بكەڤنە د تاقیكرنێ دا. گیان یێ رازییە، لێ لەش یێ لاوازە.»
- 39
- جارەكا دی دویر كەفت، چوو نڤێژ كر و هەر ئەو ئاخفتن دووبارە كر.
- 40
- و دەمێ ڤەگەڕیای دیت یێن نڤستینە، چنكو خەوێ چاڤێن وان گران كربوون، و نەدزانین ب چ بەرسڤا وی بدەن.
- 41
- بۆ جارا سیێ زڤری و گۆتە وان: «ئەڤجا بنڤن و بێهنا خۆ ڤەدەن! بەسە! دەم هات، ئەها ئەڤە كوڕێ مرۆڤ دێ بۆ دەستێ گونەهكاران هێتە دان.
- 42
- رابن دا بچین: ئەڤە ئەو نێزیك بوو، ئەوێ من ددەتە گرتن.»
- گرتنا عیسای
- 43
- دەمێ ئەو دئاخفت، یەهودا گەهشت، ئێك ژ هەر دوازدە شاگردان بوو، ل بەراهیا كومەكا مرۆڤان دهات، شیر و دار د دەستێن وان دا بوون، سەرۆكێن كاهنان و مامۆستایێن دەستوری و ریهسپیان ئەو هنارتبوون.
- 44
- و ئەوێ وی ددەتە گرتن نیشانەك دابوو وان و گۆت: «ئەوێ ئەز ماچی بكەم، ئەو ئەوە، هوین بگرن و ببەن و باش لێ هشیار بن.»
- 45
- دەمێ یەهودا گەهشتی، ئێكسەر چوو نك عیسای و گۆتە وی: «مامۆستا، مامۆستا!» و ماچی كر.
- 46
- ئینا وان دەستەسەر كر و گرت.
- 47
- لێ ئێك ژ وان ئەوێن ل وێرێ راوەستیای شیرێ خۆ كێشا و دانا كۆلەیێ سەرۆكێ كاهنان و گوهێ وی ژێ ڤەكر.
- 48
- عیسای گۆتە وان: «هەر وەكو هوین بۆ رێگرەكی یێن دەركەفتین، هوین ب شیر و داران ڤە هاتین من ببەن؟
- 49
- ئەز هەر رۆژ د ناڤ هەوە دا بووم من ل پەرستگەهێ فێركرن دكر و هەوە ئەز نەگرتم، لێ ئەڤە رویددەت دا نڤیسار بهێنە ب جهـ ئینان.»
- 50
- هەمیان ئەو هێلا و رەڤین.
- 51
- و گەنجەكی بەس شالەكا كتانی ل سەر لەشێ وی بوو ب دویڤ كەفت، ئینا ئەو گەنج گرتن
- 52
- و شالا خۆ ل وێرێ هێلا و رویس رەڤی.
- عیسا ل بەرامبەری جڤاتا جوهیان
- 53
- عیسا كێشانە نك سەرۆكێ كاهنان، و هەمی سەرۆكێن كاهنان و مامۆستایێن دەستوری و ریهسپی لێ كوم بوون.
- 54
- و پەتروس ژ دویرڤە ب دویڤ كەفت تا ناڤ مالا سەرۆكێ كاهنان، دگەل نوبەداران یێ روینشتی بوو، خۆ ل بەر ئاگری گەرم دكر.
- 55
- سەرۆكێن كاهنان و جڤاتا بلند هەمی ل بەلگەیەكی دگەڕیان دا وی بكوژن، لێ نەددیتن،
- 56
- گەلەكان شاهدەیا درەو ل سەر دا، لێ شاهدەیێن وان وەكو ئێك نەبوون.
- 57
- و هندەك رابوون ژ درەو شاهدەی ل سەر دان، دگۆتن:
- 58
- «مە یێ گوهـ لێ بووی دبێژیت: ئەز دێ ڤێ پەرستگەهێ هەرفینم، ئەوا دەستان ئاڤا كری و دێ د سێ رۆژان دا ئێكا دی ئاڤا كەم كو ب دەستان نە هاتبیتە ئاڤاكرن.»
- 59
- لێ خۆ د ڤێ چەندێ ژی دا شاهدەیا وان وەكو ئێك نەبوو.
- 60
- سەرۆكێ كاهنان د ناڤ دا راوەستیا و پرسیار ژ عیسای كر: «ئەرێ ما تۆ بەرسڤێ نادەی، ب وێ چەندا شاهدەیێ ل سەر تە ددەن؟»
- 61
- لێ ئەو هەر یێ بێ دەنگ بوو، چ ئاخفتن نەدكرن. ئەڤجا سەرۆكێ كاهنان دیسان پرسیار ژێ كر و گۆت: «ئەرێ توی مەسیحێ كوڕێ پیرۆزمەندی؟»
- 62
- عیسای گۆت: «ئەز ئەوم و هوین دێ كوڕێ مرۆڤ بینن، یێ ل دەستێ راستێ یێ شیانێ روینشتی و دگەل عەورێن ئەسمانی یێ دهێت.»
- 63
- ئەڤجا سەرۆكێ كاهنان جلكێن خۆ دراندن و گۆت: «ئەرێ ما مە پێدڤی ب شاهدان ما؟
- 64
- هەوە گوهـ ل كوفریا وی بوو: ئەڤجا هوین چ دبێژن؟» هەمیان پێكڤە بریار دان، كو هەژی مرنێیە.
- 65
- و هندەكان تف كرێ و سەروچاڤێن وی گرتن و كولم ددانانێ و دگۆتنێ: «پێشبینیێ بكە!» و نوبەداران ئەو بر و دا بەر زللەهان.
- پەتروس خۆ ب عیسای نائینیتە دەر
- 66
- دەمێ پەتروس ل مال ل خوارێ، خدامەكا سەرۆكێ كاهنان هات
- 67
- و دەمێ پەتروس دیتی یێ خۆ گەرم دكەت، لێ نێری و گۆتێ: «و تۆ ژی دگەل عیسا یێ ناسری بووی!»
- 68
- لێ وی ماندەل كر و گۆت: «ئەز نزانم و تێ ناگەهم تۆ چ دبێژی!» پاشی دەركەفتە بەر دەرگەهی و دیكلی بانگ دا
- 69
- و خدامێ ئەو دیت، دیسان دگۆتە یێن ل وێرێ راوەستاین: «ئەڤە ئێك ژ وانە.»
- 70
- جارەكا دی ماندەل كر. پشتی دەمەكێ كورت، هندەكێن دی یێن راوەستیای ژی گۆتنە پەتروسی: «ب راستی تۆ ژی ئێك ژ وانای، چنكو تۆ ژی ژ جەلیلێی.»
- 71
- نفرین كرن و سویند خوار: «ئەز ڤی زەلامێ هوین بەحسێ وی دكەن، نانیاسم.»
- 72
- وی دەمی جارەكا دی دیكلی بانگ دا، هاتە بیرا پەتروسی كا عیسای چ گۆتییە وی: «بەری دیكل دوو جاران بانگ ددەت، دێ تۆ سێ جاران من ماندەل كەی.» دەمێ هزرا وی كری، نەشیا خۆ و گریا.
