عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- بۆ جڤاكا ل ئەفەسۆسێ
- 1
- «بۆ فریشتەیێ جڤاكا باوەرداران ل ئەفەسۆسێ بنڤیسە:
‹ئەوێ حەفت ستێران د دەستێ خۆ یێ راستێ دا دگریت و د ناڤەڕاستا حەفت چرادانكێن زێڕین دا بڕێڤە دچیت، ڤان تشتان دبێژیت: - 2
- من های ژ كریار و رەنج و خۆڕاگرتنا تە هەیە و دزانم تۆ نەشێی بێهنا خۆ ل سەر كەسێن خراب فرەهـ كەی. تە ئەو تاقی كرن یێن دبێژن ئەم هنارتینە، لێ ئەو نە هنارتینە، تە دیت ئەو درەوین دەركەفتن.
- 3
- ئەز دزانم ژی تۆ یێ خۆڕاگری و تە رەنج ژ پێخەمەت ناڤێ من كێشا و نەوەستیای.
- 4
- لێ من ئەڤ تشتە یێ ل سەر تە هەی: تە دەست ژ حەزژێكرنا خۆ یا دەستپێكێ بەردا.
- 5
- ئەڤجا بینە بیرا خۆ كا تۆ ژ كیرێ كەفتی! ل خۆ بزڤڕە و كریارێن دەستپێكێ بكە. ئەگەر نە، ئەز دێ هێمە تە و چرادانكا تە ژ جهێ وێ راكەم[a] ، ژبلی ئەگەر تۆ ل خۆ بزڤڕی.
- 6
- لێ تە ئەڤ تشتێ باش هەیە: كەربێن تە ژ كریارێن نیقولایتیان ڤەدبن، ئەو كریارێن كەربێن من ژی ژێ ڤەدبن.
- 7
- ئەوێ گوهـ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، دێ دەستویریێ دەمێ كو ژ دارا ژیانێ بخۆت، ئەوا د بەهەشتا خودێ دا.›»[b]
- بۆ جڤاكا ل سمیرنایێ
- 8
- «بۆ فریشتەیێ جڤاكا باوەرداران ل سمیرنایێ بنڤیسە:
‹ئەوێ ئێكێ و دویماهیێ، ئەوێ مری و زیندی بووی، ڤان تشتان دبێژیت: - 9
- من های ژ تەنگاڤی و هەژاریا تە هەیە، لێ تۆ یێ دەولەمەندی. هەروەسا من های ژ بوهتانێن[c] وان كەسان هەیە یێن دبێژن ئەم جوهینە. ئەو نە جوهینە، لێ ئەو كنیشتەیا[d] ئبلیسینە.
- 10
- ژ وان ئازاران قەت نەترسە یێن ل بەرە بهێنە سەرێ تە. ئەڤە ئبلیسی ل بەرە هندەك ژ هەوە بهاڤێژیتە د زیندانێ دا، داكو هوین بهێنە تاقیكرن و دەهـ رۆژان دێ د تەنگاڤیێ دا بن. تا مرنێ یێ دلسۆز بە و ئەز دێ تانجا ژیانێ دەمە تە.
- 11
- ئەوێ گوهـ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، مرنا دوویێ قەت زیانێ لێ ناكەت.›»
- بۆ جڤاكا ل پەرگامایێ
- 12
- «بۆ فریشتەیێ جڤاكا باوەرداران ل پەرگامایێ بنڤیسە:
‹ئەوێ شیرێ تیژ یێ دوودەڤ هەی، ڤان تشتان دبێژیت: - 13
- من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل[e] نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.
- 14
- لێ من چەند تشتەك ل سەر تە هەنە: ل وێرێ تە هندەك كەسێن هەین، ل دویڤ فێركرنا بەلعامی دچن، ئەوێ بالاق[f] فێر دكر كو ئەگەرەكی بۆ هەلنگفتنێ ل بەر ئیسرائیلیان دانیت، دا ژ قوربانێن بۆ پووتان[g] هاتینە پێشكێشكرن بخۆن و دەهمەنپیسیێ بكەن.[h]
- 15
- ب هەمان شێوە، تە هندەك ژی هەنە، ل دویڤ فێركرنا نیقولایتیان دچن.
- 16
- ئەڤجا ل خۆ بزڤڕە. ئەگەر نە، ئەز دێ زوی هێمە نك تە و شەڕێ وان ب شیرێ دەڤێ خۆ كەم.
- 17
- ئەوێ گوهـ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، ئەز دێ ژ مەننایا[i] ڤەشارتی دەمێ و ئەز دێ بەركەكێ سپی دەمێ، ناڤەكێ نوی یێ ل سەر نڤیسیە، كو كەس نەزانیت ژبلی وی یێ وەردگریت.›»
- بۆ جڤاكا ل تیاتیرایێ
- 18
- «بۆ فریشتەیێ جڤاكا باوەرداران ل تیاتیرایێ بنڤیسە:
‹كوڕێ خودێ، ئەوێ چاڤێن وی وەكو گوڕیا ئاگری و پێیێن وی وەكو برۆنزێ تەیساندی، ڤان تشتان دبێژیت: - 19
- من های ژ كریارێن تە، ئانكو حەزژێكرن و باوەری و خزمەت و خۆڕاگرتنا تە، هەیە. هەروەسا دزانم كو كریارێن تە یێن ڤێ دویماهیێ ژ یێن دەستپێكێ پترن.
- 20
- لێ من ئەڤ تشتە یێ ل سەر تە هەی: تۆ بێهنا خۆ ل وێ ژنكێ، ئیزابێلێ[j] ، فرەهـ دكەی، ئەوا دبێژیت ئەز پێغەمبەرم و بەنیێن من د سەر دا دبەت و فێر دكەت كو دەهمەنپیسیێ بكەن و قوربانێن بۆ پووتان هاتینە پێشكێشكرن بخۆن.
- 21
- من دەم دایێ داكو ئەو ل خۆ بزڤڕیت، لێ وێ نەڤێت ژ دەهمەنپیسیا خۆ ل خۆ بزڤڕیت.
- 22
- ئەڤە ئەز دێ نەخۆشیەكا گران دەمێ و هاڤێژمە د ناڤ نڤینان را و ئەوێن ل گەل وێ بێنامویسیێ دكەن ئێخمە د تەنگاڤیەكا گران دا، ژبلی ئەگەر ژ كریارێن وێ ل خۆ بزڤڕن.
- 23
- ئەز دێ ل زاڕۆكێن وێ ژی دەم و كوژم. ئەڤجا هەمی جڤاكێن باوەرداران دێ زانن كو ئەزم یێ زێهن و دلان دپشكنیت و ئەز دێ ل دویڤ كریارێن هەوە دەمە هەر ئێكی ژ هەوە.[k]
- 24
- لێ ئەز بۆ هەوە یێن دی ل تیاتیرایێ، ئەوێن ب دویڤ ڤێ فێركرنێ نەكەفتین، ئەوێن ئەو تشت نەزانین یێن هندەك دبێژنێ ‹تشتێن كویر یێن ئبلیسی›، دبێژم: ئەز بارەكێ دی نادانمە سەر ملێ هەوە،
- 25
- هەما ئەو تشتێ هەوە هەی قاییم بگرن، هەتا ئەز بهێم.
- 26
- -28 هەر ئێكێ سەركەفتنێ بینیت و تا دویماهیێ كارێن من ب جهـ بینیت، ئەز دێ دەستهەلاتێ ل سەر مللەتان دەمێ، هەروەكو من ژی ژ بابێ خۆ وەرگرتی.
‹ب گۆپالەكێ ئاسنی دێ حوكمداریێ ل سەر وان كەت،
دێ وان وەكو جەڕكان پەلخینیت.›[l]
دێ ستێرا سپێدێ ژی دەمێ. - 29
- ئەوێ گوهـ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت.›»
- a. 2:5 بنێڕە 1:12-13، 20
- b. 2:7 دەستپێكرن 2:9
- c. 2:9
q بوهتان: تاوانباركرنا بێ بنیات - d. 2:9
q كنیشتە: جهێ پەرستنێ یێ جوهیان. ل فەرهەنگۆكێ بنێڕە. - e. 2:13
q ماندەل: ئینكار - f. 2:14
q بالاق: پاشایێ مۆئابێ بوو. - g. 2:14
q پووتان: صەنەمان - h. 2:14 سەرژمێری 25:1-3؛ 31:16
- i. 2:17
q مەننا: ل فەرهەنگۆكێ بنێڕە. - j. 2:20
q ئیزابێل: وەكو هێما هاتیە بكارئینان. د پەیمانا كەڤن دا ئیزابێل شاژنەك بوو كو گەلەك دژایەتیا خودێ دكر. بنێڕە 1 پاشا 16:31؛ 18:4 - k. 2:23 پەند 24:12
- l. 2:26-28 زەبوور 2:8-9
