عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- داوەتا ل قانا جەلیل
- 1
- ل رۆژا سیێ داوەتەك ل قانا جەلیل هەبوو، و دایكا عیسای ل وێرێ بوو.
- 2
- عیسا و شاگردێن وی ژی هاتبوونە داخوازكرن بۆ داوەتێ.
- 3
- دەمێ مەی نەمای، دایكا عیسای گۆتە وی: «وان مەی نەما.»
- 4
- عیسای گۆتە وێ: «تە چ ژ منە دایێ! دەمێ من هێشتا نەهاتییە.»
- 5
- دایكا وی گۆتە خزمەتكاران: «چ دبێژیتە هەوە، هوین وێ بكەن.»
- 6
- و شەش حەودێن بەری ل وێرێ بوون، جوهیان ئاڤا وان ب كار دئینا بۆ تافیركرنێ، هەر ئێك ژ وانا دوو هەتا سێ جەڕكێن ئاڤێ دچوویێ.
- 7
- عیسای گۆتە وان: «حەودا تژی ئاڤ بكەن.» و هند كرنێ دا د سەر دا چیت.
- 8
- ئینا گۆتە وان: «و نوكە ژێ داگرن و بۆ سەرۆكێ نانخوارنێ پێشكێش كەن» و وان وە كر.
- 9
- دەمێ سەرۆكێ نانخوارنێ تام كرییە وێ ئاڤا بوویە مەی و سەرچاوێ وێ نەدزانی، لێ ئەو خزمەتكارێن ئاڤ گێرای دزانی، سەرۆكێ نانخوارنێ گازی زاڤای كر
- 10
- و گۆتە وی: «خەلك هەمی مەیا باش ل بەراهیێ پێشكێش دكەن، و پشتی مێڤان سەرخۆش دبن مەیەكا كێمتر ژ وێ پێشكێش دكەن، لێ تە مەیا باش یا هێلای تا نوكە!»
- 11
- ئەڤ سەرسورمانە نیشانا ئێكێیە ئەوا عیسای ل قانا ل جەلیل كری و مەزناهیا خۆ دیار كر، ئینا شاگردێن وی باوەری پێ ئینان.
- 12
- پشتی ڤێ چەندێ، عیسا و دایك و برایێن خۆ و شاگردێن خۆ چوونە باژێرێ كەفەرناحومێ و چەند رۆژەكان ل وێرێ مان.
- عیسا پەرستگەهێ پاقژ دكەت
- 13
- دەمێ جەژنا دەربازبوونا جوهیان نێزیك بووی، عیسا بەرەڤ ئورشەلیمێ چوو.
- 14
- و ئەوی ل پەرستگەهێ فرۆشكارێن چێل، پەز، و كوتران و پارەگهور یێن روینشتی دیتن،
- 15
- ئینا قامچیەك ژ كنفان ڤەهاند و هەمی ژ پەرستگەهێ كرنە دەرێ دگەل چێل و پەزێن وان، و مێزێن پارەگهوران ب سەرئێك دا ئینانە خوار و پارێن وان بژالە كرن،
- 16
- و گۆتە كوترفرۆشان: «ئەڤا ژ ڤێرێ بكەنە دەرێ، مالا بابێ من نەكەنە مالا بازرگانیێ!»
- 17
- هاتە بیرا شاگردێن وی كو یا نڤیسیە:
حەزژێكرنا من ل سەر مالا تە من دخوت. [a] - 18
- ئینا جوهیان بەرسڤا وی دا و گۆتنێ: «دێ چ نیشانەكێ نیشا مە دەی دەستهەلاتیا تە دیار بكەت بۆ ڤی كارێ تە كری.»
- 19
- عیسای بەرسڤا وان دا: «ئەڤێ پەرستگەهێ بهەرفینن، و دێ د سێ رۆژان دا ئاڤا كەم.»
- 20
- جوهیان گۆتە وی: «ئاڤاكرنا ڤێ پەرستگەهێ چل و شەش سالان یا ڤەكێشای. ئەرێ تۆ دێ د سێ رۆژان دا ئاڤا كەی؟»
- 21
- لێ ئەوی بەحسێ پەرستگەها لەشێ خۆ دكر.
- 22
- دەمێ ژ ناڤ مریان رابووی هاتە بیرا شاگردێن وی كو وی ئەڤ ئاخفتنە گۆتبوو، ئینا باوەری ب نڤیسارێ و ئاخفتنا عیسای گۆتی ئینا.
- 23
- و دەمێ ئەو ل ئورشەلیمێ ل جەژنا دەربازبوونێ گەلەكان باوەری ب ناڤێ وی ئینا چنكو وان ئەو نیشانێن كرین دیتن.
- 24
- لێ عیسا ژ وان نە یێ پشتراست بوو، چنكو وی هەمی دنیاسین
- 25
- و پێدڤی نەبوو ئێك بۆ وی شاهدەیێ دەربارەی مرۆڤی بدەت چنكو ئەوی دزانی كا چ د دلێ مرۆڤی دا هەیە.
- a. 2:17 زەبور 69:9
