عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- پێدڤییا ل خۆ زڤرینێ
- 1
- ل وی دەمی هندەك ئامادەبوون و بەحسێ وان جەلیلیان بۆ عیسای دكر، ئەوێن پیلاتوسی خوینا وان دگەل خوینا قوربانیێن وان تێكهەلكری.
- 2
- عیسای بەرسڤا وان دا و گۆت: «ئەرێ هوین هزر دكەن، كو گونەهێن وان جەلیلیان ژ جەلیلیێن دی پتر بوون، لەوما ئەڤە ب سەرێ وان هات؟
- 3
- ئەز دبێژمە هەوە: نەخێر، لێ ئەگەر هوین هەمی ل خۆ نەزڤرن، هوین ژی دێ وەسا ژناڤچن.
- 4
- یان ژی یا ژ هەوە ڤە ئەو هەژدە كەسێن ل سیلوامێ كەلوت ب سەردا هەرفتی و كوشتین گونەهبارتر بوون ژ هەمی ئاكنجیێن ئورشەلیمێ؟
- 5
- ئەز دبێژمە هەوە: نەخێر، لێ ئەگەر هوین هەمی ل خۆ نەزڤرن، هوین ژی دێ وەسا ژناڤچن.»
- نموونەیا دارهژیرێ یا بەرهەمی نەدەت
- 6
- پاشی ئەڤ نموونە بۆ ئینا: «مرۆڤەكی دارەكا هژیرێ ل ناڤ رەزێ خۆ چاندبوو. هات دا بەرهەمێ وێ ببینیت، لێ چ پێڤە نەدیت.
- 7
- گۆتە رەزڤانی: ”ئەڤە سێ سالە ئەز دهێمە ڤێرێ دا بەرهەمێ ڤێ هژیرێ ببینم، لێ ئەز چ بەرهەمێ وێ نابینم، ئەڤجا ببرە، ما دێ بۆچی ئەردێ مە گریت؟“
- 8
- لێ رەزڤانی بەرسڤا وی دا و گۆت: ”هێژا، ئەڤ سالە ژی بهێلە، تاكو ئەز ئاخا دەوروبەرێن وێ ڤەكولم و زبلی بهاڤێژمێ.
- 9
- بەلكو سالا بهێت بەرهەمی بدەت؛ ئەگەر نە، پاشی ببرە.“»
- ساخكرنا ژنەكا پشت كوڤل ل شەمبیێ
- 10
- د رۆژەكا شەمبی دا، عیسای ل كنیشتەكێ فێركرن دكر.
- 11
- ل وێرێ ژنەك هەبوو ئەو هەژدە سال بوو گیانەكێ لاوازیێ كەفتبوویێ و یا پشت كوڤل بوو و نەدشیا خۆ راست كەت.
- 12
- دەمێ عیسای دیتی گازی كرێ و گۆتێ: «ژنكێ تۆ ژ لاوازیا خۆ قورتال بووی.»
- 13
- دەستێن خۆ دانانە سەر پشتا وێ، هەر د جهـ دا راست بوو و خودێ مەزن كر،
- 14
- لێ سەرۆكێ كنیشتێ گەلەك توڕە بوو، چنكو عیسای ئەو ژنك ل رۆژا شەمبیێ ساخكر، ئینا گۆتە كومبوویان: «شەش رۆژ هەنە پێدڤییە مرۆڤ تێدا كار بكەت، د ڤان رۆژان دا وەرن بۆ ساخكرنێ، نەكو ل رۆژا شەمبیێ.»
- 15
- خودانی بەرسڤا وی دا و گۆت: گەلی دوورویان، ئەرێ ما هەر ئێك ژ هەوە رۆژا شەمبیێ هەفسارێ گای یان كەرێ خۆ ڤەناكەت و ژ گوڤێ دەربئێخیت و ئاڤ بدەت؟
- 16
- لێ ئەڤ ژنكا هەنێ كچەكا ئیبراهیمییە، و ئەڤە هەژدە سالە ئبلیسی گرێدا بوو، ئەرێ ما یا پێدڤی نەبوو ل رۆژا شەمبیێ ژ وێ گرێدانێ بهێتە ڤەكرن؟
- 17
- دەمێ ئەڤ ئاخفتنە گۆتی: هەمی هەڤڕكێن وی كەفتنە شەرمێ. لێ هەمی كومبوویێن دی ژ بەر كارێن پیرۆز یێن وی دكرن، كەیفخۆش بوون.
- «نموونەیا دندكا خەردەلی و هەڤیرترشی»
- 18
- عیسای گۆت: پاشاتیا خودێ وەكو چییە؟ ب چ هەڤبەر بكەم؟
- 19
- ئەو وەكو دندكا تۆڤێ خەردەلییە، زەلامەك بهاڤێژیتە ئەردێ خۆ و شین بوو و بوو دارەكا مەزن، و بالندێن ئەسمانی ل سەر چەقێن وێ هاتنە لیسی.
- 20
- دیسان گۆت: ئەز پاشاتیا خودێ ب چ هەڤبەر بكەم؟
- 21
- ئەو وەكو هەڤیرترشییە، ژنەك هەلبگریت و د ناڤ سێ جوینێن ئاری دا ڤەشێریت، تا ئەڤ هەڤیرە هەمی ترش دبیت.
- دەرگەهێ تەنگ
- 22
- د گۆند و باژێران دا دەرباز دبوو و فێركرن دكر، و بەرەڤ ئورشەلیمێ دچوو.
- 23
- ئێكی گۆتێ: «خودان، ئەرێ ما ژمارا ئەڤێن قورتال دبن دكێمن؟» ئینا عیسای گۆتە وان:
- 24
- «خۆ زیرەك بكەن داكو د دەرگەهێ تەنگ را بچنە ژۆر. ئەز دبێژمە هەوە گەلەك دێ بزاڤێ كەن بچنە ژۆر، لێ ئەو نەشێن.
- 25
- پشتی خودانێ مالێ رابووی و دەرگەهـ گرتی، هوین دێ ژ دەرڤە مینن راوەستیای و دێ دەرگەهی قوتن و بێژن: ”خودان، دەرگەهی ل مە ڤەكە،“ دێ بەرسڤا هەوە دەت و بێژیت: ”ئەز هەوە نانیاسم و نزانم هوین ژ كیڤە هاتینە.“
- 26
- وێ گاڤێ هوین دێ بێژن: ”ئەم ئەوین یێن دگەل تە خواری و ڤەخواری، و تە ل كولانێن مە فێركرن دكر.“
- 27
- دێ بێژیتە هەوە: ”ئەز نزانم هوین ژ كیڤە هاتینە. ژ من دویر بكەڤن، گەلی خودانێن كریارێن خراب.“
- 28
- ل وێرێ دێ گری و چیرچیرا ددانان هەبیت، دەمێ هوین ئیبراهیم و ئیسحاق و یەعقوب و هەمی پێغەمبەران د پاشاتیا خودێ دا دبینن، و هوین یێن هاتینە دەرئێخستن بۆ ژ دەرڤە.
- 29
- هندەك كەس دێ ژ رۆژهەلات و رۆژئاڤا و ژ باكور و باشوری هێن، و دێ د پاشاتیا خودێ دا پالڤەدەن.
- 30
- ئەها ئەڤە هندەك كەسێن پاشیێ دێ بنە یێن پێشیێ، و هندەكێن پێشیێ دێ بنە یێن پاشیێ.»
- خەمباریا عیسای ل سەر ئورشەلیمێ
- 31
- د وی دەمی دا هندەك فەریسی هاتنە نك عیسای و گۆتنێ: «ڤێرێ ب جهـ بهێلە و هەڕە، چنكو هێرودێسی دڤێت تە بكوژیت.»
- 32
- ئینا گۆتە وان: «هەڕن و بێژنە وی رویڤی: ”ئەها ئەڤە ئەز ئەڤرۆ و سوبەهی ئەجنان دەردئێخم و نەساخان ساخ دكەم، و ل رۆژا سیێ دێ هەمی تشتان تەمام كەم.“
- 33
- لێ پێدڤییە ئەڤرۆ و سوبەهی و ل رۆژا د دویڤ دا ل سەر گەشتا خۆ بەردەوام بم، چنكو نابیت چ پێغەمبەر ژ دەرڤەی ئورشەلیمێ ژناڤبچن.
- 34
- ئورشەلیم، ئورشەلیم، هەی كوژەكا پێغەمبەران و بەربارانكەرا وان هنارتیێن بۆ تە هاتینە هنارتن. من چەند جاران حەز دكر ئەز كوڕێن تە خڕڤە بكەم، كا چەوا مریشك چیچەلوكێن خۆ د بن چەنگێن خۆ ڤە خڕڤە دكەت، لێ هەوە نەڤیا.
- 35
- ئەها ئەڤە مالا هەوە ب وێرانی بۆ هەوە هاتە هێلان. ئەز دبێژمە هەوە هوین من قەت نابیننە ڤە، تاكو ئەو رۆژ بهێت و هوین بێژن: ”یێ پیرۆزە ئەوێ ب ناڤێ خودێ دهێت.“»
