عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- هندەك گۆتنێن عیسای دەربارەی گونەه، لێبورین و باوەریێ
- 1
- ئینا گۆتە شاگردێن خۆ: «مەحالە هەلنگافتن نەهێن، لێ نەخوزیكێن وی كەسی یێ دبیتە ئەگەرێ هەلنگافتنێ.
- 2
- دا بۆ وی باشتر بیت ئەگەر بەراشەك ب ستویێ وی ڤە هاتبا گرێدان و هاڤێتبا د دەریایێ دا، كو وی ئێكێ ژ ڤان بچویكان هەلنگاڤتبا.
- 3
- هشیاری خۆ بن: ئەگەر برایێ تە گونەهـ كر تۆ لێ بحەیتینە، و ئەگەر ل خۆ زڤری لێ ببورە.
- 4
- و ئەگەر رۆژێ حەفت جاران گونەهـ دژی تە كر و هەر حەفت جاران ل تە زڤری و گۆت: ”ئەز ل خۆ زڤریم،“ دڤێت تۆ ل وی ببوری.»
- 5
- ئینا هنارتیان گۆتە خودانی: «باوەریا مە پتر لێ بكە.»
- 6
- لێ خودانی گۆت: «ئەگەر هەوە تەمەت دندكا خەردەلی باوەری هەبا هەوە گۆتبا ئەڤێ دارا تویێ وەرە هەلكێشان و د دەریایێ دا وەرە چاندن، دا ئەو ب گۆتنا هەوە كەتن.
- 7
- لێ كی ژ هەوە هەیە كۆلەیەك هەی كێلانێ یان شڤانیێ دكەت، و دەمێ ژ چەمی ڤەدگەڕیێت ئێك سەر دبێژیتێ: ”بێهنا خۆ ڤەدە و وەرە خوارنێ“؟
- 8
- ئەرێ ما ژ بەری هەمیێ نابێژیتێ: ”خوارنەكێ بۆ من بینە داكو ئەز شیڤێ بخوم و ناڤتەنگا خۆ گرێدە و خزمەتا من بكە تاكو ئەز دخوم و ڤەدخوم و پاشی تۆ بخو و ڤەخو“؟
- 9
- ئەرێ ما دێ سوپاسیا كۆلەی كەت چنكو ب فەرمانا وی كر؟
- 10
- و هوین ژی هوسا، دەمێ فەرمان ل هەوە بهێنە كرن، و هوین هەمیان ب جهـ دئینن، بێژن: ”ئەم كۆلەیین بێ مفاینە، چنكو مە ئەو كر ئەوا ل سەر مە پێدڤی بوو بكەین.“»
- ساخكرنا دەهـ لەش گۆڕیان
- 11
- دەمێ عیسا بەرەڤ ئورشەلیمێ دچوو، د ناڤبەرا سامەریایێ و جەلیلێ را بوری.
- 12
- و دەمێ چوویە گوندەكی، دەهـ لەش گۆڕی كەفتنە پێشیا وی و دویر راوەستیان.
- 13
- و دەنگێ خۆ بلند كرن و گۆتن: «عیسا، مامۆستا دلوڤانیێ ب مە ببە.»
- 14
- و ئەوی دیتن و گۆتە وان: «هەرن خۆ نیشا كاهنان بدەن» و دەمێ ئەو دچوون ئەو پاقژ بوون.
- 15
- دەمێ ئێك ژ وان خۆ دیتی یێ ساخ بووی، ئینا ڤەگەڕیاڤە و ب دەنگەكێ بلند خودێ مەزن كر
- 16
- و خۆ دەڤ و دەڤ هاڤێتە بەر پێن عیسای و سوپاسیا وی كر. ئەو مرۆڤ یێ سامەری بوو.
- 17
- ئینا عیسای بەرسڤ دا و گۆت: «ئەرێ ما هەر دەهـ ساخ نەبوون؟ پا كا نەهێن دی؟
- 18
- ما كەس ژ ڤی بیانی پێڤەتر نینە ڤەگەڕیت و خودێ مەزن بكەت؟»
- 19
- و پاشی گۆتە وی: «رابە و هەرە سەر رێكا خۆ، باوەریا تە تۆ قورتال كری.»
- كەنگی دێ پاشاتیا خودێ هێت؟
- 20
- دەمێ فەریسیان پرسیار ژێ كری: «كەنگی دێ پاشاتیا خودێ هێت؟» گۆتە وان: «پاشاتیا خودێ ب نیشانەكا بەرچاڤ ناهێت.
- 21
- و نابێژن ئەڤەیە ل ڤێرێ، یان ئەڤەیە ل وێراهە، چنكو ئەها ئەڤە، پاشاتیا خودێ د ناڤ هەوە دایە.»
- 22
- و پاشی گۆتە شاگردێن خۆ: «دێ دەمەك هێت هوین دێ خوزیان راهێلن كو رۆژەكێ ب تنێ ژ رۆژێن كوڕێ مرۆڤ ببینن و هوین نابینن.
- 23
- و دێ هندەك ژ وان بێژنە هەوە وێ هەیە یێ ل وێراهە، یان ئەڤەیە ل ڤێرێ. هوین نەچن و ب دویڤ وان نەكەڤن.
- 24
- چنكو كا چەوا بریسی ل رەخەكێ ئەسمانی ڤەددەت و روناهیێ ددەتە رەخێ دی، ئەها هوسا كوڕێ مرۆڤ ژی دەمێ ڤەدگەڕیێت، وەسانە
- 25
- لێ دڤێت پێشیێ ئەو گەلەك ئازاران بكێشیت و ژلایێ ڤی نفشی ڤە بهێتە رەتكرن.
- 26
- و كا ل دەمێ نوحی چەوا بوو، دێ ل دەمێ كوڕێ مرۆڤ ژی یا وەسا بیت.
- 27
- ل دەمێ نوحی مرۆڤان دخوار و ڤەدخوار و ژن دئینان و شوی دكرن، تا وێ رۆژا كو نوح چوویە د گەمیێ دا و لافاو رابووی و هەمی ژناڤچووین.
- 28
- هەروەسا كا ل دەمێ لوتی چەوا بوو؛ مرۆڤان دخوار و ڤەدخوار، دكرین و دفرۆتن، دچاندن و ئاڤا دكرن.
- 29
- لێ ل رۆژا لوت ژ سودومێ دەركەفتی، خودێ ئاگر و كپریت ژ ئەسمانی باراندن و هەمی ژناڤبرن.
- 30
- ئەها دێ یا هوسا بیت ل رۆژا كوڕێ مرۆڤ دیار دبیت
- 31
- هەركەسێ وێ رۆژێ ل سەربانی بیت و تشتێن وی ل خوارێ بن، بلا نەهێتە خوارێ دا ببەت، و ئەوێ ل ناڤ زەڤیێ ژی بیت، بلا ژێ نەزڤڕیتەڤە.
- 32
- هەڤژینا لوتی بیننە بیرا خۆ.
- 33
- هەركەسێ بزاڤێ بكەت ژیانا خۆ بپارێزیت، دێ ژ دەست دەت، و هەركەسێ ژیانا خۆ ژ دەست بدەت، دێ پارێزیت.
- 34
- ئەز دبێژمە هەوە ئەگەر د وێ شەڤێ دا دوو كەس ل سەر تەختەكی بن، دێ ئێكی ژ وان بەن و یێ دی هێلن.
- 35
- و ئەگەر دوو دگەل ئێك ئاری بهێرن، دێ ئێكێ بەن و یا دی هێلن
- 36
- و ئەگەر دوو ل ناڤ زەڤیێ بن، دێ ئێكی بەن و یێ دی هێلن.»
- 37
- ئینا ئەوان پرسیار ژێ كر: «ل كیڤە، خودان؟» گۆتە وان: «كا كەلەخ ل كیرێ یە، دێ بالندێن كەلەخان ل وێرێ خڕڤە بن.»
