عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- نموونەیا بیژنێ و دادوەری
- 1
- نموونەیەك بۆ وان ل سەر نڤێژێ ئینا كو پێدڤییە هەردەم نڤێژێ بكەن و بێزار نەبن.
- 2
- گۆت: «ل باژێرەكی دادوەرەك هەبوو، نە ژ خودێ دترسیا و نە رێز ل مرۆڤان دگرت،
- 3
- و ل وی باژێری بیژنەك هەبوو، دهاتە نك و دگۆتێ: ”مافێ من ژ هەڤركێ من بستینە.“
- 4
- دادوەری بۆ دەمەكێ درێژ ب داخوازیا وێ نەكر، لێ پشتی هنگی گۆتە خۆ: ”هەرچەندە ئەز ژ خودێ ناترسم و رێزێ ل مرۆڤان ناگرم،
- 5
- لێ چنكو ئەڤ بیژنە من سەوداسەر دكەت، ئەز دێ مافێ وێ بۆ وێ وەرگرم، نەكو ئەڤ بیژنە ب بەردەوامیا هاتنا خۆ من بوەستینیت.“»
- 6
- و خودانی گۆت: «گوهێ خۆ بدەنێ دادوەرێ نەراست چ دبێژیت.
- 7
- ئەرێ ما خودێ مافێ هەلبژارتیێن خۆ ئەوێن ب شەڤ و رۆژ هەوارا خۆ دگەهیننێ وەرناگریت؟ ئەرێ ما ئەو ب لەز داخوازا وان ب جهـ نائینیت؟
- 8
- ئەز دبێژمە هەوە ئەو دێ ب لەز مافێ وان بۆ وەرگریت. لێ دەمێ كوڕێ مرۆڤ ڤەدگەڕیێت ما دێ باوەریێ ل ئەردی بینیت؟»
- نموونەیا فەریسی و باجگری
- 9
- و ئەڤ نموونەیا هەنێ بۆ وان كەسان ئینا ئەوێن هزر دكەن دراستدارن و مرۆڤێن دی ژ خۆ نزمتر دبینن
- 10
- «دوو مرۆڤ چوونە پەرستگەهێ نڤێژێ بكەن، ئێك ژ وان فەریسی بوو و یێ دی باجگر بوو.
- 11
- یێ فەریسی راوەستیا و ب ڤی رەنگی نڤێژ كر: ”ئەز سوپاسیا تە دكەم خودێ، چنكو ئەز نە وەك مرۆڤێن دی یێن رێگر و خرابكار و دەهمەنپیسم و نە وەك ڤی باجگریمە.
- 12
- حەفتیێ دوو جاران ب رۆژی دبم، و تشتێ ب دەست من دكەڤیت ئەز دەهێكا ژێ ددەم.“
- 13
- لێ باجگر دویر راوەستیا و حەز نەدكر خۆ بەرێ خۆ ژی بدەتە ئەسمانی، و دانا سینگێ خۆ و گۆت: ”خودێ، دلوڤانیا خۆ ب من ببە، ئەز گونەهكارم.“
- 14
- ئەز دبێژمە هەوە: ئەڤ مرۆڤێ هەنێ یێ باجگر بێ گونەهـ ڤەگەریا مالا خۆ و نە یێ دی، چنكو هەركەسێ خۆ بلند بكەت دێ نزم بیت و یێ خۆ نزم بكەت دێ بلند بیت.»
- عیسا زارۆكان پیرۆز دكەت
- 15
- هندەك زارۆك ژی ئینانە نك عیسای داكو دەست بكەتە وانا، لێ دەمێ شاگردان ئەڤە دیتی، ل وان حەیتاند.
- 16
- لێ عیسای گازی وان كر و گۆت: «بهێلن زارۆك بهێنە نك من و رێكێ ل وان نەگرن. چنكو پاشاتیا خودێ بۆ یێن وەكو وانە.
- 17
- ئەز راستیێ دبێژمە هەوە: هەركەسێ وەكو زارۆكەكی پاشاتیا خودێ وەرنەگریت، ئەو ناچیتە د ژۆرڤە.»
- سەرۆكێ دەولەمەند
- 18
- ئێك ژ سەرۆكان پرسیار ژێ كر و گۆتێ: «مامۆستایێ باش، ئەز چ بكەم داكو ژیانا هەروهەر ب دەست خۆ ڤە بینم؟»
- 19
- ئينا عیسای گۆتێ: «بۆچی تۆ دبێژیە من باش؟ كەسێ باش نینە ژبلی ئێكی، ئەو ژی خودێیە.
- 20
- تۆ فەرمانێن خودێ دزانی: دەهمەنپیسیێ نەكە، كوشتنێ نەكە، دزیێ نەكە، شاهدەیا ب درەو نەدە و رێزێ ل دایك و بابێن خۆ بگرە.»
- 21
- ئینا گۆت: «هەر ژ زارۆكینیێ من ئەڤە هەمی یێن ب جهـ ئیناین.»
- 22
- دەمێ عیسای ئەڤ چەندە گوهـ لێ بووی گۆتێ: «ب تنێ تشتەكێ ژ تە كێمە: چ تشتێ تە هەی بفرۆشە و ل سەر هەژاران بەلاڤ بكە، دێ تە گەنجینەك ل ئەسمانان هەبیت، و وەرە ب دویڤ من بكەڤە.»
- 23
- و دەمێ ئەڤ چەندە گوهـ لێ بووی دلگران بوو، چنكو گەلەكێ دەولەمەند بوو.
- 24
- دەمێ عیسای دیتی كو ئەو خەمگرتی بوو، گۆت: «چەند یا ب زەحمەتە مرۆڤێ دەولەمەند بچیتە د پاشاتیا خودێ دا.
- 25
- چنكو چوونا حێشترەكی د كونا دەرزیكێ را ب ساناهیترە ژ چوونا دەولەمەندەكی بۆ پاشاتیا خودێ.»
- 26
- ئینا ئەوێن ئەڤ گۆتنە گوهـ لێ بووین گۆتن: «ئەڤجا كی دشێت قورتال ببیت؟»
- 27
- عیسای گۆت: «تشتێن د شیانێن مرۆڤان دا نەبن، د شیانا خودێ دانە.»
- 28
- پەتروسی گۆت: «ئەها ئەڤە مە هەمی تشت هێلان و ئەم ب دویڤ تە كەفتین.
- 29
- ئینا گۆتە وان: راستیێ بۆ هەوە دبێژم: كەس نینە مالا خۆ یان هەڤژینا خۆ یان برایێن خۆ یان دایكوبابێن خۆ یان زارۆكێن خۆ پێخەمەت پاشاتیا خودێ هێلا بیت
- 30
- و د ڤی سەردەمی دا گەلەك پتر ب دەست خۆ ڤە نەئینیت، و د سەردەمێ داهاتی ژی دا ژیانا هەروهەر وەرنەگریت.»
- عیسا جارەكا دی پێشبینیێ ب مرن و رابوونا خۆ دكەت
- 31
- پاشی عیسای هەر دوازدە شاگردە ب رەخەكی ڤە برن و گۆتە وان: «ئەها ئەڤە ئەم دێ سەركەڤینە ئورشەلیمێ، و هەر تشتێ دەربارەی كوڕێ مرۆڤ ب دەستێ پێغەمبەران هاتییە نڤیسین دێ ب جهـ هێت.
- 32
- چنكو دێ رادەستی مللەتان هێتە كرن و ترانە پێ هێنە كرن و جڤین پێ هێنە دان و دێ تف كەنێ
- 33
- و دێ وی دەنە بەر قامچیان، و كوژن، و ل رۆژا سیێ دێ رابیتەڤە.»
- 34
- لێ ئەو چ ژ وان تشتان تێنەگهەشتن. ئەو ئاخفتن ژ وان یا ڤەشارتی بوو، و وان نەزانی وی چ گۆت.
- عیسا گەڕۆكەكی كۆرە ساخ دكەت
- 35
- دەمێ عیسا نێزیكی ئەریحا دبوو، ئێكێ كۆرە ل رەخێ رێكێ یێ روینشتی بوو، خازوكی دكر.
- 36
- دەمێ گوهـ ل بورینا كومێ بووی، پرسیار كر كا ئەو چییە.
- 37
- گۆتنێ «عیسایێ ناسری د ڤێرێ را یێ دبوریت.»
- 38
- ئینا گازی كر: «عیسایێ كوڕێ داوودی، دلوڤانیێ ب من ببە.»
- 39
- ئینا ئەوێن ل پێشیێ، كۆرە پاشڤە بر دا بێدەنگ ببیت. لێ ئەوی پتر هەوار كر: «كوڕێ داوودی دلوڤانیێ ب من ببە!»
- 40
- عیسا راوەستیا و فەرمان دا وی مرۆڤی بیننە نك وی و دەمێ نێزیك بووی پرسیار ژێ كر:
- 41
- «تە چ دڤێت ئەز بۆ تە بكەم؟» گۆتێ: «خودان، بیناهیێ بكەمەڤە.»
- 42
- عیسای گۆتێ: «بیناهیێ بكە؛ باوەریا تە تۆ ساخ كری.»
- 43
- د جهـ دا دیت و كەفتە دویڤ و خودێ مەزن كر. دەمێ خەلكی هەمیان ئەڤ چەندە دیتی، پەسنا خودێ كرن.
