عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- پاقژ و نەپاقژ
- 1
- هندەك فەریسی و مامۆستایێن دەستوری ژ ئورشەلیم هاتنە نك عیسای و ژێ پرسین:
- 2
- «بۆچی شاگردێن تە ل دویڤ رەوشتێن ریهسپیان ناچن؟ چنكو دەستێن خۆ بەری خوارنێ ناشون.»
- 3
- عیسای بەرسڤ دا: «پا بۆچی هوین ل دویڤ فەرمانێن خودێ ناچن، داكو هوین رەوشتێن خۆ بپارێزن؟
- 4
- خودێ یێ گۆتی: رێزا باب و دایكا خۆ بگرە و هەر كەسێ باب یان دایكا خۆ كرێت كەت، دڤێت مرن سزایێ وی بیت.
- 5
- بەلێ هوین دبێژن: ئەو كەسێ گۆتییە باب یان دایكا خۆ: ”ئەو هاریكاری یا ئەز هەوە پێ ب خودان دكەم، من گوری خودێ كر“
- 6
- ئەوێ ژ رێزگرتنا دایك و بابان بێ بەهرە. هوین هوسا فەرمانێن خودێ بۆ پاراستنا رەوشتێن خۆ لاددەن.
- 7
- ئەی مرۆڤێن دووروی! ئەشعیا پێغەمبەر پێشبینیا وی ل سەر هەوە یا راست بوو؛ دەمێ گۆتی:
- 8
ئەڤ مللەتە قەدرێ من ب لێڤێن خۆ دگریت،
بەلێ دلێ وان گەلەكێ ژ من دویرە- 9
- پەرێستنا وان بۆ من یا بێ بهایە،
چنكو ئەو ل شوینا فەرمانێن خودێ؛ فەرمانێن مرۆڤان خەلكی پێ فێر دكەن. » - 10
- عیسای گازی جەماوەری كر و گۆتێ: «گوهـ بدەن و تێبگەهن:
- 11
- ئەوێ مرۆڤی پیس دكەت، نە ئەوە یێ دچیتە د دەڤی دا، بەلكو ئەوێ ژ دەڤی دەردكەڤیت.»
- 12
- ئینا شاگرد چوونە نك و گۆتنێ: «تۆ دزانی كو فەریسی ب ڤێ ئاخفتنێ دلگران بوون؟»
- 13
- وی بەرسڤ دا: «هەر شتلەكا بابێ منێ ئەسمانی نەچاند بیت، دێ هێتە هلكێشان.
- 14
- وان بهێلن؛ ئەو دكوڕەنە و وان دڤێت رێكێ نیشا كۆران بدەن. ئەگەر ئێكێ كۆرە كۆرەیەكی ب رێڤە ببەت، هەردوو دێ كەڤنە د چالەكێ دا.»
- 15
- پەتروسی گۆتێ: «بۆ مە ڤێ نموونەیێ روهن بكە.»
- 16
- ئینا بەرسڤا وی دا: «ئەرێ ما هوین ژی هێشتا تێنەگەهشتینە؟
- 17
- ما هوین نزانن هەر زادێ دچیتە ددەڤی دا، دچیتە دزكی ژی دا، پاشی دەردكەڤیت؟
- 18
- بەلێ ئەوێ ژ دەڤی دەردكەڤیت، ئەو ژ دلی دەردكەڤیت و ئەوە مرۆڤی پیس دكەت.
- 19
- چنكو هزروبیرێن خراب ژ دلی دەردكەڤن، هندی كوشتن، دەهمەنپیسی، پویچاتی، دزی و دیدەڤنیا درەو و نەكامی.
- 20
- ئەها ئەڤ تشتە مرۆڤی پیس دكەن، نەكو خوارنا زادی ب دەستێن نەشویشتی مرۆڤی پیس دكەن.»
- باوەریا ژنا كەنعانی
- 21
- عیسای ئەو دەڤەر هێلا و چوو دەوروبەرێن سور و سایدا.
- 22
- و ژنەكا كەنعانی ژ وان دەڤەرا چوو نك و ب هەواركی ڤە گۆت: «خودان، ئەی كوڕێ داوودی دلوڤانیێ ب من ببە! كچا من گەلەكا دنالیت، چنكو یا جنگرتییە.»
- 23
- بەلێ وی ب چ پەیڤان بەرسڤ نەدا، ئەڤجا شاگردێن وی نێزیك بوون و داخواز ژێكرن: «ڤێ ژ مە دویر بئێخە، چنكو یا ب دویڤ مەڤە دكەتە هەوار.»
- 24
- بەلێ وی بەرسڤ دا: «ئەز ب تنێ بۆ وان بەرخێن بەرزەیێن مالا ئیسرائیلێ هاتیمە هنارتن.»
- 25
- بەلێ ژنك نێزیكی وی بوو و كەتە سەر چوكێن خۆ و گۆتێ: «ئەی خودان، هاریكاریا من بكە.»
- 26
- وی بەرسڤ دا: «نە دروستە نانێ زارۆكان ببەن و بهاڤێژنە بەر كویچكان!»
- 27
- وێ بەرسڤ دا: «دروستە خودان، بەلێ كویچك ژی وان پرتان دخون ئەوێن دكەڤنە بن مێزا خودانێ وان.»
- 28
- ئێدی عیسای بەرسڤا وێ دا: «ئەی ژنێ، باوەریا تە یا موكمە! داخوازا تە ب جهـ هات.» ئینا كچا وێ هەر د وێ گاڤێ دا ساخبوو. \s عیسا خوارنێ دەتە چوار هزاران
- 29
- عیسای ئەو دەڤەر هێلا و بەرەڤ ب كنارێ گۆلا جەلیل ڤە چوو و ب سەر چیای كەفت و ل وێرێ روینشتە خوار.
- 30
- ئینا جەماوەرەكێ مەزن هاتە نك و گەلەك مرۆڤێن گووج و كوڕە و سەقەت و لاڵ و گەلەك نەخۆشێن دی دگەل خۆ ئینان و دانانە بەر پێن وی و وی ساخكرن.
- 31
- ژ بەر ڤێ چەندێ خەلك سەرخلولە بوون، دەمێ وان دیتی لاڵ یێ دئاخڤن و سەقەت یێ ساخدبن و گووج یێ ب رێڤە دچن و كوڕە یێ دبینن؛ ئینا وانا پەسنا خودێ ئیسرائیلی كر.
- 32
- بەلێ عیسای گازی شاگردێن خۆ كر و گۆت: «دلێ منێ ب جەماوەری ڤە، ئەڤە سێ رۆژە ئەو دگەل من و وان چ نینە بخون و من نەڤێت ئەز وان برسی فرێكەم، نەكو د رێكێ دا ژ برسا دا بكەڤن!»
- 33
- شاگردان گۆتێ: «مە ژ كیرێ ل ڤی چۆلی هند نان هەیە، داكو ڤی هەمی جەماوەری پێ تێر بكەین؟»
- 34
- عیسای گۆتە وان: «هەوە چەند نان هەنە؟» بەرسڤا وی دا: «حەفت نان و چەند ماسیێن بچویك.»
- 35
- عیسای فەرمانا كومبوویان كر، داكو برویننە خوار،
- 36
- ئەو نان و ماسی هەلگرتن و سوپاسی كر و كەركەر كر و داڤ شاگردێن خۆ و وان ژی دا كومبوویان.
- 37
- هەمیان خوار و تێر بوون و حەفت سەلكێن تژی ژ پرتێن ژ بەرمای هلگرتن.
- 38
- و ئەوێن خوارین ژبلی ژنان و زارۆكان، چوار هزار زەلام بوون.
- 39
- و عیسای كومبووی برێكرن و ل قاییكێ سیار بوو و چوو دەڤەرا مەجدان.
