عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- ژن بەردان
- 1
- پشتی عیسای ئەڤ ئاخفتنە تەمام كری، ژ ناوچا جەلیل چوو دەڤەرا یەهودیایێ، ئەوا دكەڤیتە پشت رویبارێ ئوردن.
- 2
- گەلەك جەماوەر ب دویڤ كەفتن، ئینا نەساخێن وان ل وێرێ ساخكرن .
- 3
- هندەك فەریسی هاتنە نك عیسا؛ داكو تاقی بكەن، ژێ پرسین: «ئەرێ چێدبیت زەلام ژ بەر هەر ئەگەرەكا هەبیت؛ ژنا خۆ بەردەت؟»
- 4
- وی بەرسڤ دا و گۆت: «ئەرێ ما هەوە نەخواندییە، كو چێكەری ژ دەستپێكێ نێر و مێ چێكرن ؟
- 5
- و گۆت: ژ بەر ڤێ چەندێ زەلام دایك و بابان دێ هێلیت و دێ هەردوو بنە ئێك لەش
- 6
- و پشتی هنگی نە دوو لەشن، بەلێ ئێك لەشە. ئەڤجا ئەو تشتێ خودێ گرێدای مرۆڤ ژێكڤە ناكەت.»
- 7
- ژێ پرسین: «پا بۆچی موسای فەرمان كربوو، كو مرۆڤ باوەرناما بەردانێ بدەتە ژنا خۆ و وێ بەردەت؟»
- 8
- عیسای بەرسڤ دا: «ژ بەر دلرەقیا هەوە موسای هێلا هوین ژنێن خۆ بەردەن، بەلێ ل دەستپێكێ هوسا نەبوو
- 9
- و ئەز دبێژمە هەوە هەر كەسێ ژبلی گونەها دەهمەنپیسیێ ژنا خۆ بەردەت و بۆ خۆ ئێكا دی بینیت، ئەو دەهمەنپیسیێ دكەت.»
- 10
- ئینا شاگردان گۆتێ: «پا ئەگەر ئەڤە بیت كاودانێ مێری دگەل ژنێ، چێترە ژنێ نەئینیت.»
- 11
- عیسای بەرسڤا وان دا: «هەر كەس نەشێت ڤێ گۆتنێ قەبیل بكەت، ب تنێ یێن بۆ هاتییە دای نەبن.
- 12
- چنكو هندەك د زكماكی دا دخەساندینە و هندەك ژی ژ لایێ خەلكی ڤە هاتینە خەساندن و یێن دی ژ بەر پاشاتیا ئەسمانان خۆ خەساندییە. ئەڤجا یێ بشێت ڤێ چەندێ قەبیل بكەت، بلا قەبیل كەت.»
- عیسا زارۆكان پیرۆز دكەت
- 13
- پشتی هنگی هندەك زارۆك ئینانە نك عیسای، دا دەستێن خۆ بدانتە سەر وان و نڤێژێ بكەت، ئینا شاگردان پاشڤە برن.
- 14
- بەلێ عیسای گۆت: «بهێلن زارۆك بهێنە نك من و رێ لێ نەگرن، چنكو پاشاتیا ئەسمانان بۆ یێن وەكی ڤانە.»
- 15
- و پشتی دەستێن خۆ داناینە سەر وان؛ ژ وێرێ چوو. \s گەنجێ دەولەمەند
- 16
- گەنجەك هاتە نك عیسای و پرسیار ژێكر: «ئەی مامۆستایێ باش، چ قەنجی بكەم، دا ژیانا هەروهەر ب دەست من بكەڤیت؟»
- 17
- عیسای بەرسڤا وی دا: «بۆ تۆ دەربارەی قەنجیێ پرسیارا من دكەی؟ ب تنێ ئێكێ باشە. بەلێ ئەگەر تە بڤێت تۆ بچیە د ژیانا هەروهەر دا؛ فەرمانان ب جهـ بینە.»
- 18
- گەنج ژێ پرسی: «كیش فەرمانان؟» عیسای بەرسڤ دا: « كوشتنێ نەكە، دەهمەنپیسیێ نەكە، دزیێ نەكە، شاهدەیا ب درەو نەدە.
- 19
- رێزا باب و دایكا خۆ بگرە، حەز ژ كەس و كارێن خۆ وەكو دەروونا خۆ بكە .»
- 20
- گەنجی گۆتێ: «من ژ زارۆكاتیا خۆ وەرە یا ب ڤان هەمیان كری، چ هێشتا ژ منێ كێمە؟»
- 21
- عیسای بەرسڤا وی دا: «ئەگەر تە بڤێت تۆ یێ تەمام بی، هەرە هەمی تشتێ خۆ بفرۆشە و ل سەر هەژاران بەلاڤكە، دێ تە خزینەك ل ئەسمان هەبیت، پاشی ل دویڤ من وەرە.»
- 22
- دەمێ گەنجی گوهـ ل ڤێ ئاخفتنێ بووی، بخەم كەت و چوو، چنكو ئەو خودان مالەكێ مەزن بوو.
- 23
- ئینا عیسای گۆتە شاگردێن خۆ: «ب راستی دبێژمە هەوە، زەحمەتە دەولەمەند بچیتە د پاشاتیا ئەسمانان دا.
- 24
- دیسا دبێژم: حێشتر د كونا دەرزیكێ را بچیت ب ساناهیترە ژ دەولەمەندی بچیتە د پاشاتیا ئەسمانان دا.»
- 25
- دەمێ شاگردان گوهـ ل ڤی تشتی بووی؛ گەلەك مەندەهووش بوون و پرسین: «پا، كی دشێت قورتال بیت؟»
- 26
- عیسای بەرێ خۆ دا وان و گۆت: «ئەڤە ل نك مرۆڤان قەت نابیت، بەلێ ل نك خودێ، هەمی تشت چێ دبن.»
- 27
- پەتروس لێ ڤەگێرا و گۆت: «مە هەمی تشت هێلان و ئەم ل دویڤ تە كەفتین، پا دێ ئەڤجا بەهرا مە چ بیت؟»
- 28
- عیسای بەرسڤا وان دا: «ب راستی دبێژمە هەوە، دەمێ كوڕێ مرۆڤ ل سەر تەختێ خویێ رومەتێ دروینیت، ل دەمێ نوی چێكرنێ، هوینێن ب دویڤ كەفتین؛ دێ ل سەر داوزدە تەختان روینن و دێ ل سەر هەر دوازدە هۆزێن ئیسرائیلیان حوكمی كەن.
- 29
- و هەر كەسێ خانی، برا، خویشك، باب، دایك، زارۆك یان زەڤی ژ بەر ناڤێ من هێلابیت، دێ سەد جاركی هندێ وەرگریت و دێ ژیانا هەروهەر ب میراتی بۆ مینیت.
- 30
- بەلێ گەلەكێن بەراهی دێ بنە دوماهی و گەلەكێن دوماهی دێ بنە بەراهی.»
