عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- عیسا ب رێزگرتن ب ژووردكەڤیتە ئورشەلیمێ
- 1
- و دەمێ نێزیكی ئورشەلیمێ بووین، و گەهشتینە گوندێ بەیت فاجی و گوندێ بەیت عەنیا ل چیایێ زەیتونان، دوو شاگردێن خۆ هنارتن
- 2
- گۆتە وان: «هەڕنە گوندێ بەرامبەری خۆ و دەمێ هوین دچنە ناڤ گوندی، ئێكسەر دێ جانەكەرەكێ گرێدای بینن كو هێشتا چ مرۆڤ لێ سیار نەبووینە، وی ڤەكەن و بیننە ڤێرێ
- 3
- و ئەگەر ئێكی پرسیار ژ هەوە كر: ”هوین بۆچی هۆ دكەنە هە؟“ بێژنێ: ”خودانی پێدڤی یا پێ هەی، و د گاڤێ دا دێ هنێریتە ڤێرێ ڤە.“»
- 4
- ئینا هەردوو شاگردە چوون، و جانەكەرەك دیت یێ ژ دەرڤەی دەرگەهی ل سەر رێكێ گرێداییە و هەفسارێ وی ڤەكر.
- 5
- هندەكان ل وێرێ پرسیار ژێ كر: «هوین بۆچی هەفسارێ جانەكەری ڤەدكەن؟»
- 6
- شاگردان بەرسڤا وان دا ب ئەوا عیسای گۆتییە وان ، ئینا ئەو هێلان.
- 7
- هەردوو شاگردان جانەكەر بۆ عیسای ئینا و جلكێن خۆ دانانە سەر و ئەو لێ سیار بوو.
- 8
- گەلەك مرۆڤان جلكێن خۆ ل سەر رێكێ رائێخستن و هندەكێن دی تایێن داران بڕین و رێك پێ رائێخستن،
- 9
- و ئەڤێن ل پێشیا عیسای و ئەوێن ل دویڤ وی دكرنە گازی:
« هۆساننا! بەرەكەتدارە ئەوێ ب ناڤێ خودانی هاتی! [a] - 10
بەرەكەتدارە پاشاتیا بابێ مە داوودی ئەوا ب ناڤێ خودێ هاتی،
هۆساننا ل بلنداهیان!»- 11
- عیسا گەهشتە ئورشەلیمێ و چوو د پەرستگەهێ ڤە. پشتی سەحكرییە دەوروبەرێن خۆ، دەم درەنگی بوو، ئەڤجا دگەل هەر دوازدە شاگردێن خۆ دەركەفتە بەیت عەنیا.
- عیسا نفرینا ل دار هژیرێ دكەت
- 12
- ل رۆژا دویڤ دا، پشتی ژ بەیت عەنیا دەركەفتین، برسی بوو.
- 13
- دار هژیرەكا كەسك ژ دویرڤە دیت، قەستا وێ كر، بەلكو هندەك هژیران پێڤە ببینیت. دەمێ گەهشتییە نك، ژبلی بەلگان، چ پێڤە نەدیت، چنكو دەمێ هژیران هێشتا نەهاتبوو.
- 14
- هنگێ وی گۆتە دارێ: «ئێدی چ جاران كەس ژ بەرێ تە نەخوت.» و شاگردان گوهـ ل ڤێ چەندێ بوو.
- عیسا پەرستگەهێ ژ فرۆشكاران پاقژ دكەت
- 15
- هاتنە ئورشەلیمێ، چوو د پەرستگەهێ ڤە، و دەست ب دەرێخستنا وان كەسان كر، ئەوێن كڕین و فرۆتنێ د پەرستگەهێ ڤە دكەن، و مێزێن پارەگهوران و تەختكێن كوترفرۆشان وەرگێران.
- 16
- و هەر كەسێ متایەك دگەل دا با نەدهێلا د پەرستگەهێ را دەرباز ببیت.
- 17
- و دەست ب فێركرنێ كر و گۆتە وان: «ما نەهاتییە نڤیسین: ” مالا من ب مالا نڤێژێ بۆ هەمی مللەتان دهێتە نیاسین “؟ لێ هەوە یا كرییە كونجا رێگران.»
- 18
- سەرۆكێن كاهنان و مامۆستایێن دەستوری گوهـ ل ڤێ چەندێ بوو و دەستپێكر ل رێیەكێ گەڕیان كا دێ چەوا وی ژناڤ بەن. ئەو ژ وی دترسیان، چنكو مللەت هەمی ب فێركرنا وی حێبەتی ببوون.
- 19
- و دەمێ بووییە شەڤ، عیسا و شاگردێن خۆ دەركەفتنە ژ دەرڤەی باژێری.
- سەرهاتیا دارهژیرێ
- 20
- سپێدێ زوی، دەمێ دبوورین، دیتن ئەو دارهژیر ژ رەهان یا هشك بووی.
- 21
- بیرا پەتروسی ل ئاخفتنا عیسای هات و گۆتێ: «بنێرە، مامۆستا! ئەو هژیرا تە نفرین لێ كری، یا هشك بووی.»
- 22
- ئینا عیسای گۆتە وان: «بلا هەوە باوەری ب خودێ هەبیت.
- 23
- ب راستی دبێژمە هەوە، هەر كەسێ بێژیتە ڤی چیای: ”رابە و هەڕە د دەریایێ دا،“ گومان د دلی دا نەبیت، و باوەر بكەت، كو ئەو تشتێ بێژیت دێ چێبیت، تشتێ گۆت دێ بۆ وی ب دەست ڤە هێت.
- 24
- ژ بەر هندێ ئەز دبێژمە هەوە، دەمێ نڤێژێ دكەن هەر تشتێ هوین داخواز بكەن، باوەریێ بینن هەوە یا وەرگرتی و دێ بۆ هەوە بیت.
- 25
- هەر دەمێ هوین بۆ نڤێژێ دراوەستن، و هەوە تشتەك ل سەر ئێكی هەبیت لێ ببورن، داكو بابێ هەوە ژی ئەوێ ل ئەسمانی ل شاشیێن هەوە ببوریت.
- 26
- لێ ئەگەر هوین لێ نەبورن، بابێ هەوە ژی ئەوێ ل ئەسمانی ل شاشیێن هەوە نابوریت.»
- دەستهەلاتداری بۆ عیسای هاتییە دان
- 27
- زڤرینە ئورشەلیمێ و دەمێ د پەرستگەهێ ڤە دگەڕیا، سەرۆكێن كاهنان و مامۆستایێن دەستوری و ریهسپیێن مللەتی هاتنە نك،
- 28
- و گۆتنە وی: «تۆ ب چ دەستهەلاتی ڤان كاران دكەی؟ و كێ ئەڤ دەستهەلاتە دایە تە كو تۆ ڤان كاران بكەی؟»
- 29
- عیسای بەرسڤا وان دا: «ئەز ژی دێ پرسیارەكێ ژ هەوە كەم. بەرسڤا من بدەن، ئەز ژی دێ بێژمە هەوە ب چ دەستهەلات ئەز ڤان كاران دكەم.
- 30
- تافیركرنا یوحەننای ژ ئەسمانی بوو یان ژ مرۆڤان؟ بەرسڤا من بدەن.»
- 31
- ئینا د ناڤبەرا خۆ دا گۆتن: «ئەگەر مە گۆت: ”ژ ئەسمانی،“ دێ بێژیت: ”بۆچی هەوە باوەری پێ نەئینا.“
- 32
- یان بێژین: ”ژ مرۆڤان“...؟» لێ ئەو ژ خەلكی ترسیان، چنكو ل نك هەمیان ئەو باوەرییە هەبوو، كو یوحەننا ب راستی پێغەمبەرە.
- 33
- بەرسڤا عیسای دان: «ئەم نزانین!» عیسای گۆتە وان: «ئەز ژی نابێژمە هەوە ب چ دەستهەلاتی ئەز ڤان كاران دكەم.»
- a. <هۆساننا> ب زمانێ عیبرانی ب رامانا <قورتال بكە> بوو؛ رامانا وێ یا سەرەكی <سۆپاس بۆ خودێ>یە.
