عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- فەرمانێن خودای د سەر تیتالێن مرۆڤان ڕانە
- 1
- فەریسی و هندەك مامۆستایێن دەستوری ژ ئورشەلیمێ هاتبوون و ل نك وی كوم بوون.
- 2
- وان دیت كو هندەك شاگردێن وی یێ خوارنێ ب دەستێن پیس، ئانكو نەشویشتی، دخون.
- 3
- فەریسی و جوهی هەمی ب تیتالێن باب و كالان ڤە دگرێداینە، هەتا باش دەستێن خۆ نەشون ناخون.
- 4
- و ئەگەر ژ بازاری زڤریبان خوارن نەدخوار هەتا دەستێن خۆ نەشویشتبان. گەلەك تشتێن دی ژی ژێ وەرگرتبوون دا بجهـ بینن، وەكو شویشتنا پەرداغ، دوولك، ئامانێن سفری و نڤینان.
- 5
- فەریسی و مامۆستایێن دەستوری پرسیار ژێ كرن: «بۆچی شاگردێن تە ل دویڤ تیتالێن باب و كالان ناچن، بەلێ ب دەستێن پیس خوارنێ دخون؟»
- 6
- بەرسڤا وان دا: «ئەشعیا یێ راست بوو دەمێ پێشبینی دەربارەی هەوە دوورویان كری، هەروەكو هاتییە نڤیسین:
ئەڤ مللەتە ب دەڤێ خۆ رێزێ ل من دگریت،
لێ دلێ وی گەلەك یێ ژ من دویرە. - 7
- ئەو ژ قەستا من دپەرێسن؛
فێركرنا ئەو پێ رادبن، ئەو شیرەتێن مرۆڤانە. - 8
- هەوە فەرمانا خودێ هێلا و هوین پێگیریێ ب تیتالێن مرۆڤان دكەن.»
- 9
- و گۆتە وان: «هوین چەند دشارەزانە، كو فەرمانا خودێ بدەنە رەخەكی داكو رەوشتێن خۆ بپارێزن!
- 10
- موسای یا گۆتی: رێزێ ل دایك و بابێن خۆ بگرە، و هەر كەسێ جڤینان بدەتە دایكا خۆ یان بابێ خۆ، بلا مرن سزایێ وی بیت.
- 11
- لێ هوین دبێژن: ئەگەر ئێكی گۆتە دایكا خۆ یان بابێ خۆ: ئەوا ئەز دا هەوە پێ ب خودان كەم، ”قوربانی“ یە، ئانكو پێشكێشە بۆ خودێ،
- 12
- ئێدی هوین ناهێلن ئەو چ تشتی بۆ بابێ خۆ یان دایكا خۆ بكەت.
- 13
- هوین هوسا ب ڤان رەوشتێن میراتگری پەیڤا خودێ ژ كار دئێخن. و گەلەك تشتێن دی وەكی ڤێ هوین دكەن.»
- ئەوا مرۆڤی پیس دكەت
- 14
- و دیسا گازی خەلكی كر و گۆتە وان: «هوین هەمی گوهێ خۆ بدەنە من و تێ بگەهن:
- 15
- تشتەك نینە ژ دەرڤە بهێتە د لەشێ مرۆڤی دا و مرۆڤی پیس بكەت، لێ ئەو تشتێن ژ مرۆڤی دەردكەڤن، مرۆڤی پیس دكەن.
- 16
- ئەوێ گوهـ هەبن بۆ گوهداریێ بلا گوهـ بدەتێ!»
- 17
- دەمێ ژ نك جەماوەری چووی و ڤەگەڕیایە مال، شاگردان دەربارەی وێ نموونەیێ پرسیار ژێ كر.
- 18
- ئینا گۆتە وان: «ئەرێ هوین ژی تێنەگەهشتینە؟ ئەرێ ما هوین نزانن هەچی تشتێ ژ دەرڤە دهێتە د ناڤ مرۆڤی دا، نەشێت مرۆڤی پیس بكەت؟
- 19
- چنكو ناچیتە د دلێ وی دا، بەلكو د زكی دا، پاشی دێ دەركەڤیتە ژ دەرڤە.» ب ڤێ ئاخفتنێ هەمی خوارن پاقژ هێلان.
- 20
- ئینا گۆت: «ئەو تشتێ ژ مرۆڤی دەردكەڤیت، ئەوە مرۆڤی پیس دكەت،
- 21
- چنكو ژ ناڤ دا، ژ دلێ مرۆڤان، هزرێن خراب دەردكەڤن، لەشفرۆشی، دزی، كوشتن
- 22
- دەهمەنپیسی، زكرەشی، خرابی، خاپاندن، پویچاتی، چاڤپیسی، نەكامی، دفنبلندی و بێمێشكی
- 23
- ئەڤ تشتێن خراب هەمی ژ ناڤ مرۆڤی دزێن و مرۆڤی پیس دكەن.»
- باوەری یا ژنەكا كەنعانی
- 24
- پاشی عیسای ئەو دەڤەر هێلا و چوو دەوروبەرێن سور. چوو مالەكێ و ئەوی دڤیا كەس پێ نەزانیت، د سەر هندێ را ئەو نەدشیا ڤەشارتی بمینیت.
- 25
- لێ ژنەكێ های ژێ هەبوو، كچا وێ گیانەكێ پیس تێدا بوو، ئینا ئێكسەر هات و خۆ هاڤێتە بەر پێن وی.
- 26
- ئەو ژن یونانی بوو و خەلكا فینیقیا سوریێ بوو. هیڤی ژێ كر كو ئەجنەی ژ كچا وێ دەربئێخیت.
- 27
- لێ ئەوی گۆتە وێ: «بهێلە زارۆك ل پێشیێ تێر بن، چنكو نە دروستە نانێ زارۆكان بدەنە كویچكان.»
- 28
- بەرسڤا وی دا و گۆت: «دروستە ئەی خودان، لێ كویچكێن ل بن مێزێ ژ بەرمایكێن زارۆكان دخون!»
- 29
- ئینا گۆتە وێ: «ژ بەر ڤێ پەیڤێ هەڕە، ئەجنە ژ كچا تە دەركەفت.»
- 30
- دەمێ ژنك ڤەگەریایە مالا خۆ، دیت كو كچا وێ یا ل سەر تەختی درێژكرییە و ئەجنە یێ ژێ دەركەفتی.
- ساخكرنا ئێكێ كەڕ
- 31
- پاشی عیسای دەوروبەرێن سور هێلان، د رێكا سایدا را بوری و د ناڤ توخیبێن دەڤەرا دەهباژێران را دەربازبوو، و هاتە گۆلا جەلیل.
- 32
- و ئێكێ كەڕ و لال بۆ ئینان و هیڤی ژێ كرن كو دەستێ خۆ بدانیتە سەر
- 33
- ئینا ئەو ب تنێ برە وێڤەی كومبوویان و تبلێن خۆ كرنە د گوهێن زەلامی را، پاشی تف كر و دەست كرە ئەزمانێ وی،
- 34
- بەرێ خۆ دا ئەسمانی، بێهنا خۆ هەلكێشا و گۆتە وی: «ئەففاتا» ئانكو: «ڤەبە!»
- 35
- و د وی دەمی دا گوهـ و گرێیا ئەزمانێ وی ڤەبوون و راست ئاخفت.
- 36
- و ئەو راسپاردن، كو نەبێژنە كەسێ، لێ چەند وی پتر ئەو دراسپاردن، ئەوان پتر بوویەر رادگەهاند
- 37
- و خەلك گەلەك گوهشین و دگۆتن: «ئەوی هەمی كریار ب باشی كرینە! ئەو وە دكەت كو یێن كەڕ ببهیسن و یێن لاڵ بئاخڤن.»
