عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- تێركرنا چوار هزار كەسان
- 1
- د وان رۆژان دا، دیسا گەلەك خەلك كوم بوون و چ خوارن دگەل وان نەبوو بخون. ئینا عیسای گازی كرە شاگردێن خۆ و گۆتە وان:
- 2
- «دلێ من یێ ب ڤان كومبوویان ڤە، چنكو ئەڤە سێ رۆژە یێ دگەل من و چ تشت نینە دا بخون.
- 3
- ئەگەر من ئەو برسی هنارتنە مالێن وان، دێ ب رێكێ ڤە كەڤن و هندەك ژ وان یێ ژ دویر هاتین.»
- 4
- ئینا شاگردێن وی گۆتێ: «ژ كیڤە مرۆڤ دشێت ل ڤی چۆلی ڤان ژ نانی تێر كەت؟»
- 5
- ئینا پرسیار ژ وان كر: «هەوە چەند نان هەنە؟» گۆتن: «حەفت.»
- 6
- ئینا عیسای فەرمان دا كومبوویان كو رویننە سەر ئەردی و هەر حەفت نان راكرن و سوپاسیا خودێ كر و كەركرن و دانە شاگردێن خۆ دا ئەو ل بەر كومبوویان بدانن. وان ژی ل بەر وان دانا.
- 7
- هەروەسا هندەك ماسیێن بچویك دگەل وان بوون، سوپاسیا خودێ ل سەر وان كر، و فەرمان ب بەلاڤكرنا وان ژی دا.
- 8
- ئینا خەلكی خوار تاكو تێر بووین، و پاشی حەفت بوقچكێن مەزن ژ بەرمایكان راكرن.
- 9
- ئەو نێزیكی چوار هزاران بوون. پاشی ئەو ڤەرەڤاندن.
- 10
- د گاڤێ دا دگەل شاگردێن خۆ ل قاییكێ سیار بوو، هاتە دەوروبەرێن دەلمانوتە.
- فەریسی نیشانەكێ دخوازن
- 11
- فەریسی دەركەفتن و دگەل وی دەست ب گەنگەشێ كرن و نیشانەك ژ ئەسمانی ژێ خواستن، داكو وی پێ تاقی بكەن.
- 12
- ئینا ئاخینكەك ژ نیڤا دلێ خۆ راهێلا و گۆت: «بۆچی ئەڤ نفشە نیشانەكێ دخوازیت؟ ئەز راستیێ دبێژمە هەوە: چ نیشان بۆ ڤی نفشی ناهێنە دان.»
- 13
- و پاشی ئەو هێلان و جارەكا دی ل قاییكێ سیاربوو، بۆ لێڤا دی یا گۆلێ چوو.
- هەڤیرترشێ فەریسیان و هەڤیرترشێ هێرودێسی
- 14
- شاگردان ژ بیر كربوو كو نانی دگەل خۆ ببەن و ژ ئێك نانی پێڤەتر د قاییكێ دا دگەل وان نەبوو.
- 15
- و عیسای شیرەت لێ كر و گۆت: «هشیار بن ژ هەڤیرترشێ فەریسیان و هەڤیرترشێ هێرودێسی.»
- 16
- ئینا ئەوان د ناڤبەرا خۆ دا دگۆت: «نان دگەل مە دا نینە!»
- 17
- ئینا عیسای زانی و گۆتە وان: «هوین بۆچی دگەل ئێكودوو دبێژن كو نان دگەل هەوە نینە؟ ما هێشتا هەوە نەزانییە و تێنەگەهشتینە؟ ئەرێ ما تا ڤێ گاڤێ ژی هوین د مەژی هشكن؟
- 18
- هەوە چاڤ یێن هەین و هوین نابینن، و هەوە گوهـ یێن هەین و نابهیسن! ما ناهێتە بیرا هەوە
- 19
- دەمێ من پێنچ نان بۆ پێنچ هزاران شكاندین، هەوە چەند بوقچكێن تژی ژ بەرمایكان راكرن؟» گۆتن: «دوازدە بوقچك!»
- 20
- گۆت: «و دەمێ من حەفت نان بۆ چوار هزاران شكاندین، هەوە چەند بوقچكێن تژی ژ بەرمایكان هەلگرتن؟» گۆتن: «حەفت!»
- 21
- ئینا گۆتە وان: «ما هێشتا هوین تێنەگەهشتینە؟»
- ساخكرنا كۆرەیەكی ل بەیت سایدا
- 22
- و گەهشتنە بەیت سایدا و هندەكان كۆرەیەك ئینانە نك و هیڤی ژێ كرن ئەو دەستێ خۆ بكەتێ.
- 23
- ئەوی دەستێ كۆرەی گرت و برە ژ دەرڤەی گوندی و ل وێرێ تف كرە چاڤێن وی، دەستێن خۆ دانانە سەر وی و پرسیار ژێ كر: «تۆ تشتەكی دبینی؟»
- 24
- ئینا بەرێ خۆ دا دورێن خۆ و گۆت: «ئەز مرۆڤان دبینم، دێ بێژی دارن ب رێڤە دچن.»
- 25
- دیسان دەستێن خۆ دانانە سەر چاڤێن وی، كورە ل دور خۆ دنێری، ئینا بیناهی ڤەگەریا چاڤێن وی، و هەمی تشت ب زەلالی دیتن.
- 26
- ئینا هنارتە مالا وی و گۆتێ: «نەچە دناڤ گوندی دا.»
- دانپێدانا پەتروسی كو عیسا مەسیحە
- 27
- پاشی عیسا و شاگردێن خۆ چوونە گوندێن قەیسەریا فیلیپوسی و د رێكێ دا پرسیارا شاگردێن خۆ كر: «د هزرا خەلكی دا، ئەز كیمە؟»
- 28
- ئینا بەرسڤا وی دان: «هندەك دبێژن تۆ یوحەننایێ تافیركەری و هندەك دبێژن تۆ ئیلیایی و هندەك دبێژن تۆ ئێك ژ پێغەمبەرانی.»
- 29
- ئینا پرسیارا وان كر: «و هوین چ دبێژن، ئەز كیمە؟» پەتروسی بەرسڤا وی دا: «تۆ مەسیحی.»
- 30
- ئینا ل وان حەیتاند ، داكو بەحسێ وی بۆ كەسێ نەكەن.
- عیسا بەحسێ مرن و رابوونا خۆ دكەت
- 31
- و دەست ب فێركرنا وان كر، كو كوڕێ مرۆڤ دڤێت گەلەك بهێتە ئێشاندن، و ژ لایێ ریهسپی و سەرۆكێن كاهنان و مامۆستایێن دەستوری ڤە بهێتە رەتكرن، بهێتە كوشتن و پشتی سێ رۆژان رابیتەڤە.
- 32
- و عیسای ئاخفتنا خۆ ب ئاشكرای گۆت، ئینا پەتروسی ڤەدەر كر و پاشڤە بر.
- 33
- لێ عیسا زڤری و بەرێ خۆ دا شاگردێن خۆ و ل پەتروسی حەیتاند و گۆت: «ژ نك من هەڕە ئەی ئبلیس! چنكو تۆ گرنگیێ نادەیە كاروبارێن خودێ، بەلكو گرنگیێ ددەیە یێن مرۆڤان.»
- 34
- و پاشی گازی كرە كومبوویان و شاگردێن خۆ، گۆتێ: «ئەگەر ئێكی بڤێت ل دویڤ من بهێت، بلا دەستا ژ خۆ بەردەت و خاچا خۆ هەلگریت و ل دویڤ من بكەڤیت.
- 35
- ژ بەر كو ئەوێ حەز بكەت ژیانا خۆ قورتال كەت دێ ژ دەست دەت، لێ هەركەسێ ژیانا خۆ ب ناڤێ من و مزگینیێ ژ دەست بدەت، دێ قورتال كەت.
- 36
- ئەڤجا دێ چ مفایێ مرۆڤی بیت ئەگەر هەمی جیهان ب دەست ڤە بهێت و ژیانا خۆ ژ دەست بدەت؟
- 37
- دێ مرۆڤ چ د پێخەمەت ژیانا خۆ دا كەتە قوربان؟
- 38
- هەركەسێ ل بەر چاڤێن ڤی نفشێ دەهمەنپیس و گونەهكەر، شەرمێ ب من و پەیڤا من بكەت، دێ كوڕێ مرۆڤ ژی شەرمێ پێ كەت، دەمێ ب مەزناهیا بابێ خۆ ڤە دگەل فریشتێن پیرۆز دهێت.»
