عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .
کتێبی پیرۆز
- گۆرانییه‌ك بۆ ستایش
- 1
- له‌و ڕۆژه‌دا له خاكی یه‌هودا ئه‌م گۆرانییه ده‌ڵێن:
شاری به‌هێزمان هه‌یه،
خودا ڕزگاری ده‌كاته
شوورا و سه‌نگه‌ری. - 2
- ده‌روازه‌كان بكه‌نه‌وه
با نه‌ته‌وه‌ی ڕاستودروست
پارێزه‌ری باوه‌ڕ بێته ژووره‌وه. - 3
- تۆ كه‌سی بیروڕا چه‌سپاو
به ئاشتی ته‌واو ده‌پارێزیت،
چونكه پشتی به تۆ به‌ستووه. - 4
- هه‌تاهه‌تایه پشت به یه‌زدان ببه‌ستن،
چونكه یه‌زدان، هه‌ر یه‌زدان، تاشه‌به‌رده‌كه‌ی هه‌تاهه‌تاییه. - 5
- ئه‌وانه‌ی له به‌رزاییدا نیشته‌جێن نزم ده‌كاته‌وه،
شاری به‌رزیش نه‌وی ده‌كات،
ده‌یدات به زه‌ویدا،
ته‌ختی ده‌كات له‌گه‌ڵ خۆڵ. - 6
- پێی هه‌ژار،
هه‌نگاوی نه‌دار،
پێشێلی ده‌كات. - 7
- ڕێڕه‌وی كه‌سی ڕاستودروست ڕێكه،
ئه‌ی ڕاست، ڕێگای ڕاستودروست خۆش ده‌كه‌یت. - 8
- ئه‌ی یه‌زدان، له ڕێی حوكمه‌كانت
چاوه‌ڕێی تۆ ده‌كه‌ین،
بۆ ناوه‌كه‌ت و بۆ یادكردنه‌وه‌ته
ئاره‌زووی گیان. - 9
- گیانه‌كه‌م به شه‌و ئاره‌زووت ده‌كه‌م،
هه‌روه‌ها له به‌یانیدا ڕۆحم له ناخمدا په‌رۆشه بۆت،
چونكه كاتێك حوكمه‌كانت له زه‌وین،
دانیشتووانی جیهان فێری ڕاستودروستی ده‌بن. - 10
- به‌دكار به‌ر میهره‌بانی بكه‌وێت،
فێری ڕاستودروستی نابێت،
له خاكی ڕاستییه‌كاندا ناڕه‌وایی ده‌كات،
شكۆی یه‌زدان نابینێت. - 11
- ئه‌ی یه‌زدان به‌رزی ده‌ستت نابینن،
با دڵگه‌رمیت بۆ گه‌له‌كه‌ت ببینن و
شه‌رمه‌زار بن،
با ئه‌و ئاگره‌ی كه ئاماده‌ت كردووه دوژمنه‌كانت بخوات. - 12
- ئه‌ی یه‌زدان ئاشتیمان ده‌ده‌یتێ،
چونكه له ڕاستیدا هه‌موو كاره‌كانمان تۆ كردووته. - 13
- ئه‌ی یه‌زدانی په‌روه‌ردگارمان،
گه‌وره‌كانی دیكه، جیا له تۆ بوون به گه‌وره‌مان،
به‌ڵام ته‌نها تۆ، یادی ناوی تۆ ده‌كه‌ین. - 14
- مردوون، زیندوو نابنه‌وه!
تارمایین، هه‌ڵناستنه‌وه،
له‌به‌ر ئه‌وه سزات دان و تێكت شكاندن،
هه‌موو یادگاریێكی ئه‌وانت له‌ناوبرد. - 15
- بۆ نه‌ته‌وه‌ت زیاد كرد ئه‌ی یه‌زدان،
بۆ نه‌ته‌وه‌ت زیاد كرد و
شكۆمه‌ند بوویت،
هه‌موو سنووره‌كانی خاكه‌كه‌ت فراوان كرد. - 16
- ئه‌ی یه‌زدان، له ته‌نگانه‌دا هانایان بۆ هێنایت،
كاتێك ته‌مبێت كردن،
به چرپه‌وه نوێژیان هه‌ڵڕشت. - 17
- وه‌ك ژنی سكپڕ كه له منداڵبوون نزیك ده‌بێته‌وه
له ژاندا ده‌تلێته‌وه و ده‌قیژێنێت،
ئاوامان لێ هات له‌به‌رده‌مت، ئه‌ی یه‌زدان. - 18
- سكپڕ بووین تلاینه‌وه
وه‌ك ئه‌وه‌ی بامان بووبێت.
له زه‌ویدا ڕزگاریمان به‌رپا نه‌كرد و
كه‌سێكی جیهانمان لێ نه‌بوو. - 19
- مردووه‌كانت زیندوو ده‌بنه‌وه،
لاشه‌كان هه‌ڵده‌ستنه‌وه.
هه‌ستن و گۆرانی بڵێن
ئه‌ی دانیشتووانی خۆڵ،
چونكه شه‌ونمت شه‌ونمی به‌یانییه،
زه‌وی تارماییه‌كانی لێ له‌دایك ده‌بێت. - 20
- گه‌له‌كه‌م بڕۆ، بڕۆ ناو ژووره‌كانت و
ده‌رگاكه‌ت له‌دوای خۆت كلیل بده،
بۆ ساتێك خۆت بشاره‌وه
هه‌تا تووڕه‌یی تێده‌په‌ڕێت. - 21
- چونكه ئه‌وه‌تا یه‌زدان له شوێنی خۆیه‌وه دێته ده‌ره‌وه
هه‌تا سزای تاوانی دانیشتووانی زه‌وی بدات له‌سه‌ری.
زه‌وی خوێنه‌كانی ناو خۆی ده‌رده‌خات،
له‌مه‌ودوا كوژراوه‌كانی ناشارێته‌وه.
